Read ახალი ქართულით, Modern Georgian Bible, 1982 მიქა წინასწარმეტყველი 2 Bible Online

მიქა წინასწარმეტყველი 2 - ახალი ქართულით, Modern Georgian Bible, 1982 bible

მიქა წინასწარმეტყველი 2

¹აჰა, გაისმა მთებზე მახარობლის ფეხის ხმა მშვიდობის მაცნედ! გამართე დღესასწაულები, იუდა, აღთქმები შეასრულე, რადგან აღარ დაგეცემა თავს ბელიარი; საბოლოოდ განადგურდა.

²შემართულია შენს თავზე ურო, ნინევე! დაიცავიციხე-სიმაგრე, გზისკენ იყურე, წელი გაიმაგრე, ძალა მოიკრიფე!

³რადგან დააბრუნა უფალმა იაკობის დიდება, როგორც დიდებაისრაელისა! რადგან გაძარცული ჰყავდათ ისინი მძარცველებს, აჩანაგებდნენ მათვენახებს.

⁴წითლად შეიღება გმირთა ფარები, მეწამული მოსავთ მეომრებს;ცეცხლს აკვესებს ეტლების ფოლადი, როცა მზადაა საბრძოლველად, და ირხევიანკვიპაროსის შუბები.

⁵დაქრიან ქუჩებში ეტლები, მოედნებზე დაგრიალებენ,ჩირაღდნის ალივით ლაპლაპებენ, ელვასავით ელავენ.

⁶გაიხსენებს თავის ძლიერებს, მაგრამ სრბოლისასწაიფორხილებენ, მიაწყდებიან კედლებს და საფარს მოაწყობენ.

⁷გაიღება მდინარეთა ჭიშკრები და აირ-დაირევა სასახლე.

⁸გადაწყდა: გასახლდება, გაიტაცებენ! მისი მხევლები მტრედისხმაზე მოთქვამენ, გულში ხელს იცემენ.

⁹წყლისგან დაიცალა ნინევე - წყალსატევი; ისინი კი გარბიან. დადექით! დადექით! მაგრამ არავინ ბრუნდება უკან.

¹⁰დაიტაცეთ ოქრო, დაიტაცეთ ვერცხლი! არ დაილევა მდიდრულინახელავი, ძვირფასი ნივთები.

¹¹გატიალდა, გაოხრდა, გაპარტახდა! დადნა გული და კანკალებს მუხლები, მოწყდათ წელი, ფერი წაუვიდათ.

¹²სად არის ლომთა ბუნაგი და ბოკვერთა სანავარდო, სადაც დადიოდნენ ხვადი, ძუ ლომი და მათი ლეკვი, და არავინ იყო დამაფრთხობელი?

¹³ლომი გლეჯს თავისი ლეკვებისთვის და აღრჩობს თავისიძუსთვის; ნატაცებით ავსებს თავის ბუნაგს და გამოქვაბულს - დაგლეჯილინადავლით.

¹⁴აჰა, მითქვამს შენთვის, ამბობს ცაბაოთ უფალი, ცეცხლშიდავწვავ შენს ეტლს, მახვილი შეჭამს შენს ბოკვერებს; შენს მტაცებლობასაღვკვეთავ ქვეყანაზე და აღარ გაისმება შენს მოციქულთა ხმა.