Read ახალი ქართულით, Modern Georgian Bible, 1982 ანგია წინასწარმეტყველი 11 Bible Online

ანგია წინასწარმეტყველი 11 - ახალი ქართულით, Modern Georgian Bible, 1982 bible

ანგია წინასწარმეტყველი 11

¹გააღე, ლიბანო, შენი კარი, რომ ცეცხლმა შეგიჭამოს ნაძვები!

²ივალალე, ალვავ, რადგან დაეცა ნაძვი, რადგან გაიძარცვნენძლევამოსილნი! ივალალეთ, ბაშანის მუხებო, რადგან დაემხო გაუვალი მაღნარი!

³გაისმის მწყემსთა ვალალების ხმა, რადგან გაიძარცვა მათიმშვენება! ლომთა ბრდღვინვის ხმა, რადგან გაიძარცვა იორდანეს დიდება!

⁴ასე ამბობს უფალი, ჩემი ღმერთი: დამწყესე დასაკლავადგანწირული ცხვარი,

⁵მყიდველნი რომ ხოცავენ განუკითხავად; მათი გამყიდველნი კიამბობენ: კურთხეულია უფალი! გავმდიდრდიო, მათი მწყემსებიც არ ინდობენ მათ.

⁶რადგან მეც აღარ დავინდობ ამ ქვეყნის მცხოვრებთ, ამბობსუფალი; აჰა, ჩავუგდებ ყოველ კაცს თავის თვისტომს ხელში და თავის მეფესხელში, აიკლებენ ქვეყანას და მე არ დავიხსნი მათ მათი ხელიდან.

⁷დავმწყესავ დასაკლავად განწირულ ცხვარს, დაბეჩავებულცხვარს; ავიღებ ორ კომბალს, ერთს სიამეს ვუწოდებ, მეორეს საკვრელებსვუწოდებ და დავმწყესავ ცხვარს.

⁸ერთ თვეში გავწყვეტ სამ მწყემსს და ვეღარ აიტანს მათ ჩემისული, და მათი სულიც შემიძულებს მე.

⁹ვიტყვი: აღარ დაგმწყესავთ თქვენ; მოსაკვდომი მოკვდეს, გასაწყვეტი გაწყდეს, დანარჩენებმა ჭამონ ერთმანეთის ხორცი.

¹⁰ავიღებ კომბალს - სიამეს და გადავტეხავ, რათა გავტეხო ჩემი აღთქმა, რომელიც ყველა ხალხთან დავდევი.

¹¹გატყდება იმ დღეს და მიხვდებიან ჩემი შემყურე დაბეჩავებული ცხვრები, რომ ეს უფლის სიტყვაა.

¹²ვეტყვი მათ: თუ გეთნევათ, მომეცით ჩემი გასამრჯელო, თუ არა და ნუ მომცემთ; და მომიწონიან გასამრჯელოდ ოცდაათ ვერცხლს.

¹³მითხრა უფალმა: ჩაყარე ისინი საგანძურში - საუკეთესო საფასურია, როგორც დავფასდი მათგან. მეც ავიღე ოცდაათი ვერცხლი და ჩავყარე უფლის სახლის საგანძურში.

¹⁴გავტეხავ მეორე კომბალს - საკვრელებს, რათა გავტეხო სიყვარული იუდასა და ისრაელს შორის.

¹⁵მითხრა უფალმა: კიდევ აიღე უგუნური მწყემსის იარაღი.

¹⁶რადგან, აჰა, დავაყენებ ამ ქვეყანაში მწყემსს; მიგდებულთ არ მიხედავს, პატარებს არ მოძებნის, დასახიჩრებულს არ განკურნავს, ფეხზე მდგარს არ გამოკვვბავს; მაგრამ ნასუქალთა ხორცს შეჭამს და ჩლიქებს ააგლეჯს.

¹⁷ვაი, უმაქნის მწყემსს, ცხვრის მიმტოვებელს! მახვილი იქნება მის მკლავზე და მის მარჯვენა თვალზე; მთლიანად შეახმება მკლავი და დაევსება მთლიანად მარჯვენა თვალი!