Read ახალი ქართულით, Modern Georgian Bible, 1982 ანგია წინასწარმეტყველი 14 Bible Online

ანგია წინასწარმეტყველი 14 - ახალი ქართულით, Modern Georgian Bible, 1982 bible

ანგია წინასწარმეტყველი 14

¹აჰა, დადგება დღე უფლისაგან და დანაწილდება შენი ნადავლი შენს წიაღში.

²თავს მოვუყრი ყველა ხალხს იერუსალიმის წინააღმდეგსაბრძოლველად; აღებული იქნება ქალაქი, სახლები გაიძარცვება და ქალებიგაუპატიურდება, ნახევარი ქალაქი ტყვედ წავა, ხოლო დანარჩენი ხალხი არმოიკვეთება ქალაქიდან.

³გამოვა უფალი და შეებრძოლება ამ ხალხს როგორც ოდესღაცომობდა ბრძოლის დღეს.

⁴შედგება მისი ფეხი ამ დღეს ზეთისხილის მთაზე, იერუსალიმისპირდაპირ რომ არის, აღმოსავლეთით; შუაზე გაიპობა ზეთისხილის მთააღმოსავლეთიდან დასავლეთით, და გაჩნდება ძალზე დიდი ხეობა; მთის ერთინახევარი ჩრდილოეთისკენ წავა, მეორე ნახევარი - სამხრეთისკენ.

⁵გაიქცევით ჩემი მთების ხეობაში, რადგან ხეობა მთებს შორისაცალამდე მიაღწევს; გაიქცევით, როგორც მიწისძვრისგან გარბოდით იუდას მეფის,ყუზიას დროს; მაშინ მოვა უფალი, ჩემი ღმერთი, და ყველა წმიდა მასთან ერთად.

⁶იმ დღეს აღარ იქნება ნათელი, არამედ, სიცივე და ყინვა;

⁷იქნება ერთი დღე, უფლისთვის საცნაური: არც დღე და არცღამე; მხოლოდ საღამოჟამს იქნება ნათელი.

⁸იმ დღეს იქნება, რომ იდინებს იერუსალიმიდან სიცოცხლისწყალი; ერთი ნახევარი აღმოსავლეთის ზღვისკენ წავა, მეორე ნახევარიდასავლეთის ზღვისკენ; ზამთარ-ზაფხულ ასე იქნება.

⁹იქნება უფალი მეფედ მთელს ქვეყანაზე; იმ დღეს ერთი იქნება უფალი და მისი სახელიც ერთი იქნება.

¹⁰ვაკედ იქცევა მთელი ქვეყანა გებაყიდან რიმონამდე, იერუსალიმის სამხრით; იერუსალიმი კი ამაღლდება და დარჩება თავის ადგილზე ბენიამინის კარიბჭიდან პირველი კარიბჭის ადგილამდე, კუთხის კარიბჭემდე, და ხანანელის კოშკიდან მეფის საწნახლებამდე.

¹¹იცხოვრებენ მასში და აღარ იქნება შეჩვენება, და მშვიდად იცხოვრებს იერუსალიმი.

¹²ეს იქნება სატანჯველი, რომლითაც დასტანჯავს უფალი ყველა ხალხს, ვინც კი გაილაშქრებს იერუსალიმზე; ზეზეულად შემოალპებათ ხორცი, დაულპებათ თვალები ფოსოებში და ენა დაულპებათ პირში.

¹³იმ დღეს იქნება, რომ დიდი აღრეულობა ჩამოვარდება მათ შორის უფლისაგან: ხელს ჩასჭიდებენ ერთი-მეორეს და ერთის ხელი მეორის ხელის წინააღმდეგ აღიმართება.

¹⁴იუდაც შეებრძოლება იერუსალიმს; დახვავდება ყველა გარეშემო ხალხის დოვლათი, ოქრო-ვერცხლი და დიდძალი სამოსელი.

¹⁵ასეთივე იქნება სატანჯველი ცხენთა და ჯორთა, აქლემთა და სახედართა, ყოველი პირუტყვისა, რომელიც კი მათ ურდოებში იქნება.

¹⁶მოხდება ისე, რომ ვინც კი გადარჩება იმ ხალხებიდან, იერუსალიმს რომ ესხმოდნ;ნ თავს, წლიდან წლამდე ივლიან მეფის, ცაბაოთ უფლის თაყვანსაცემად და კარვობის სადღესასწაულოდ.

¹⁷მოხდება ისე, რომ თუ ვინმე ქვეყნის ტომთაგანი არ ავა იერუსალიმს მეფის, ცაბაოთ უფლის თაყვანსაცემად, წვიმა არ იქნება მათზე.

¹⁸თუ ეგვიპტის ტომი არ ავა, არ შევა იქ, წვიმა რ იქნება მასზე; იქნება სატანჯველი, რითაც დასტანჯავს უფალი ხალხებს, რომლებიც არ ადიან კარვობის სადღესასწაულოდ.

¹⁹ეს ექნება სასჯელად ეგვიპტეს და სასჯელად ყველა ხალხს, რომელიც არ ივლის კარვობის სადღესასწაულოდ.

²⁰იმ დღეს იქნება წარწერილი ცხენთა ზანზალაკებზე: სიწმიდე უფალს; და ქვაბები უფლის სახლში ისევე შეირაცხება, როგორც სასხურებელი თასები სამსხვერპლოს წინაშე.

²¹ყოველი ქვაბი იერუსალიმში და იუდაში წმიდა იქნება ცაბაოთ უფლისათვის; მოვა ყოველი შემწირველი, აიღებს მათგან და მოხარშავს მათში. აღარ იქნება იმ დღეს ქანაანელი ცაბაოთ უფლის სახლში.