Read ახალი ქართულით, Modern Georgian Bible, 1982 ანგია წინასწარმეტყველი 2 Bible Online

ანგია წინასწარმეტყველი 2 - ახალი ქართულით, Modern Georgian Bible, 1982 bible

ანგია წინასწარმეტყველი 2

¹ავახილე თვალები და ვიხილე: აჰა, კაცი გამზომი ლარით ხელში.

²ვკითხე: სად მიდიხარ-მეთქი? მითხრა: იერუსალიმისგასაზომად, რომ დავინახო რამდენია მისი სიგანე და რამდენია მისი სიგრძე.

³აჰა, გამოდის ანგელოზი, რომელიც მელაპარაკებოდა, და სხვაანგელოზიც გამოდის ჩემს შესახვედრად.

⁴უთხრა მას: გაიქეცი და ელაპარაკე ამ ყმაწვილს, უთხარი:გაშლილ დაბად იცხოვრებს იერუსალიმი უამრავი ხალხისა და პირუტყვის გამო,მასში რომ არის.

⁵მე ვიქნები მისთვის, ამბობს უფალი, ცეცხლის კედლადირგვლივ და დიდებად მის შუაგულში.

⁶ჰოი, ჰოი, ილტოლეთ ჩრდილოეთის ქვეყნიდან, ამბობს უფალი,რადგან ცის ოთხი ქარისკენ გაგფანტავთ, ამბობს უფალი.

⁷ჰოი, სიონო, თავს-უშველე, ბაბილონის ასულთან რომ ცხოვრობ!

⁸რადგან ასე ამბობს ცაბაოთ უფალი: დიდების შემდეგმიმავლენს ხალხებთან, რომლებიც გძარცვავენ შენ, რადგან თქვენი შემხებარიმისი თვალის გუგის შემხებარია.

⁹რადგან, აჰა, მოვუქნევ ხელს და მათი ყმების ნადავლად იქცევიან; მიხვდებიან, რომ ცაბაოთ უფალმა მომავლინა.

¹⁰იხარე და იმხიარულე, სიონის ასულო, რადგან, აჰა, მოვდივარ და დავივანებ შენს შუაგულში, ამბობს უფალი.

¹¹მიეტმასნებიან უამრავი ხალხები უფალს იმ დღეს და გახდებიან ჩემი ერი; დავივანებ შენს შუაგულში და მიხვდები, რომ ცაბაოთ უფალმა მომავლინა შენთან.

¹²დაიმკვიდრებს უფალი იუდას თავის წილხვედრად წმიდა მიწაზე და კვლავ აირჩევს იერუსალიმს.

¹³იყუჩოს ყოველმა ხორციელმა უფლის წინაშე, რადგან, აჰა,გაიღვიძა მან თავის წმიდა სამყოფელში.