Read ახალი ქართულით, Modern Georgian Bible, 1982 ანგია წინასწარმეტყველი 3 Bible Online

ანგია წინასწარმეტყველი 3 - ახალი ქართულით, Modern Georgian Bible, 1982 bible

ანგია წინასწარმეტყველი 3

¹დამანახვა მან იესო მღვდელმთავარი, უფლის ანგელოზის წინაშე მდგარი, და სატანა, მის ხელმარჯვნივ მდგარი, მის მოსაყივნებლად.

²უთხრა უფალმა სატანას: გიკრძალავს უფალი, სატანავ!გიკრძალავს უფალი, რომელმაც იერუსალიმი ამოარჩია! გან ეს ცეცხლიდანმოწყვეტილი მუგუზალი არ არის?

³იესოს წვირიანი სამოსელი ეცვა და იდგა ანგელოზის წინაშე.

⁴მიუგო და უთხრა ანგელოზმა თავის წინაშე მდგომთ: გახადეთწვირიანი სამოსელი! უთხრა მას: აჰა, წარგხოცე უკეთურება და საზეიმოსამოსელით შეგმოსავ.

⁵თქვა: დაახურონ თავზე სუფთა თავსაბურველი! და დაახურესთავზე სუფთა თავსაბურველი და ჩააცვეს სამოსელი; უფლის ანგელოზი კი იდგა.

⁶გამოუცხადა უფლის ანგელოზმა იესოს და უთხრა:

⁷ასე ამბობს ცაბაოთ უფალი: თუ ჩემი გზებით ივლი და ჩემსსამსახურს შეასრულებ, გაუძღვები ჩემს სახლს და თვალყურს ადევნებ ჩემსეზოებს, მოგცემ მისასვლელს აქ მდგომარეთა შორის.

⁸ისმინე, იესო მღვდელმთავარო, შენ და შენმა თვისტომებმა,შენს წინ რომ სხედან, რადგან სასწაულნი არიან ეს კაცები; რადგან აჰა,მოვავლინებ ჩემს მორჩილს - მორჩს!

⁹რადგან, აჰა, ის ქვა, რომელიც დავდევი იესოს წინ: შვიდი თვალია ამ ერთ ქვაზე; აჰა, ამოვკვეთავ მასზე ამოსაკვეთელს, ამბობს ცაბაოთ უფალი, და ერთ დღეში წარვხოცავ ამ ქვეყნის ცოდვებს.

¹⁰იმ დღეს, ამბობს ცაბაოთ უფალი, ერთმანეთს მიიწვევთ ვაზის ქვეშ და ლეღვის ქვეშ.