Read ახალი ქართულით, Modern Georgian Bible, 1982 ანგია წინასწარმეტყველი 7 Bible Online

ანგია წინასწარმეტყველი 7 - ახალი ქართულით, Modern Georgian Bible, 1982 bible

ანგია წინასწარმეტყველი 7

¹დარიოს მეფის მეოთხე წელს იყო უფლის სიტყვა ზაქარიას მიმართ მეცხრე თვის, ქისლესის, ოთხში.

²გაგზავნა ბეთელის ხალხმა შარეცერი და რეგემ-მელექი მათიკაცებითურთ სამხვეწროდ უფლის წინაშე

³და ცაბაოთ უფლის სახლის მღვდლებისთვის დაწინასწარმეტყველთათვის შესაკითხავად: ვიტირო მეხუთე თვეს და ვიმარხულო,როგორც უკვე მრავალი წელია ვიქცევიო?

⁴იყო ცაბაოთ უფლის სიტყვა ჩემს მომართ ნათქვამი:

⁵უთხარი ქვეყნის მთელ ხალხს და მღვდლებს: როცა მარხულობდითდა გლოვობდით მეხუთე და მეშვიდე თვეში ამ სამოცდაათი წლის მანძილზე, განაჩემთვის მარხულობდით?

⁶როცა ჭამთ და როცა სვამთ, განა თქვენთვის არა ჭამთ დათქვენთვის არა სვამთ?

⁷განა ეს სიტყვები არ არის, უფალმა რომ გამოაცხადაწინანდელ წინასწარმეტყველთა პირით, როცა იერუსალიმი დასახლებული დაუზრუნველი იყო, როცა მისი ქალაქები მის გარშემო, სამხრეთი (ნეგები) და დაბლობი (შეფელა) დასახლებული იყო?

⁸იყო უფლის სიტყვა ზაქარიას მიმართ ნათქვამი:

⁹ასე ამბობს ცაბაოთ უფალი: ქმენით ჭეშმარიტი სამართალი, სიკეთით და მოწყალებით მოექეცით ერთმანეთს;

¹⁰ქვრივს, ობოლს, ხიზანს, ღარიბ-ღატაკს ნუ დაჩაგრავთ; ბოროტს ნუ იზრახავთ თქვენს გულში ერთმანეთისთვის.

¹¹მაგრამ მათ არ ისურვეს ყურისგდება, წამოსწიეს ჯიუტი მხრები და ყურები დაიმძიმეს, რომ არ ესმინათ;

¹²გული გაიქვავეს, რომ არ ესმინათ რჯული და სიტყვები, რომლებიც მოავლინა ცაბაოთ უფალმა თავისი სულით, წინანდელ წინასწარმეტყველთა პირით; ამიტომაც იყო დიდი რისხვა ცაბაოთ უფლისგან.

¹³და როგორც ის უხმობდა და არ უსმენდნენ, ასევე არ ისმინა მათი, როცა უხმობდნენ მას, ამბობს ცაბაოთ უფალი.

¹⁴გავფანტე ისინი ყველა ხალხს შორის, რომელსაც არ იცნობდნენ, და გატიალდა მიწა მათ შემდეგ; არავინ იყო მიმსვლელ-მომსვლელი და სანუკვარი ქვეყანა უდაბნოდ აქციეს.