Read ახალი ქართულით, Modern Georgian Bible, 1982 მათეს 14 Bible Online

მათეს 14 - ახალი ქართულით, Modern Georgian Bible, 1982 bible

მათეს 14

¹იმ ხანად ჰეროდე მეოთხედმთავრამდე მიაღწია იესოს ამბავმა;

²და უთხრა თავის მსახურთ: ეს არის იოანე ნათლისმცემელი;მკვდრეთით აღმდგარა და ამიტომ ძალნი მოქმედებენ მასში.

³ვინაიდან ჰეროდემ შეიპყრო იოანე, გათოკა და საპყრობილეშიჩააგდო ჰეროდიადას, თავისი ძმის - ფილიპეს ცოლის გამო.

⁴რადგანაც იოანე ეუბნებოდა: არ შეიძლება შენ გყავდესო იგი.

⁵და უნდოდა მისი მოკვლა, მაგრამ ხალხისა ეშინოდა, ვინაიდანწინასწარმეტყველად მიაჩნდათ იგი.

⁶ხოლო ჰეროდეს დაბადების დღეს ჰეროდიადას ასულმა იცეკვაწვეულთა წინაშე და მოხიბლა ჰეროდე.

⁷ამიტომ ფიცით აღუთქვა მას, მოგცემ, რასაცა მთხოვო.

⁸ხოლო მან, დედამისისგან წინასწარ გაზრახებულმა, სთხოვალანგრით მიეცათ იოანე ნათლისმცემლის თავი.

⁹შეწუხდა მეფე, მაგრამ, ფიცისა და თანამეინახეთა რიდით,მიცემა ბრძანა.

¹⁰წარგზავნა მსახურნი, რათა იოანესთვის თავი მოეკვეთათ საპყრობილეში.

¹¹მოართვეს თავი ლანგრით და მისცეს ყმაწვილ ქალს, ხოლო მან მიართვა დედამისს.

¹²იოანეს მოწაფეები მივიდნენ, გამოიტანეს მისი ნეშტი დადამარხეს: მერე კი წავიდნენ და აუწყეს იესოს.

¹³ეს რომ გაიგო, იესო ნავით გაეცალა იქაურობას და უდაბნოში განმარტოვდა, მაგრამ შეიტყო ხალხმა და ფეხდაფეხ მიჰყვა ქალაქებიდან.

¹⁴გამოვიდა იესო, იხილა დიდძალი ხალხი, შეებრალა ისინი დაგანკურნა მათი სნეულნი.

¹⁵ხოლო შებინდებისას მივიდნენ მისი მოწაფეები და უთხრეს:უდაბურია ეს ადგილი და თანაც გვიანია უკვე: გაუშვი ხალხი, რათა წავიდნენსოფლებში საჭმლის საყიდლად.

¹⁶მაგრამ იესომ უთხრა მათ: არ დასჭირდებათ წასვლა; თქვენ თვითონ მიეცით საჭმელი.

¹⁷ხოლო მათ უთხრეს: რომ არაფერი გვაქვს, ხუთი პურისა და ორითევზის გარდა?

¹⁸იესომ უთხრა მათ: აქ მომიტანეთ.

¹⁹და მოლზე დასხდომა უბრძანა ხალხს: აიღო ხუთი პური და ორითევზი, ზეცად აღაპყრო თვალნი, აკურთხა და დატეხა პურები და მისცამოწაფეებს, ხოლო მათ ჩამოურიგეს ხალხს.

²⁰ყველამ ჭამა და გაძღა; ნარჩენებით კი გაავსეს თორმეტიკალათი.

²¹ხოლო იყო მჭამელი ასე ხუთიათასამდე კაცი, ქალებისა დაბავშვების გარდა.

²²და მაშინვე აიძულა თავისი მოწაფეები, ნავშიჩამსხდარიყვნენ და მასზე ადრე გასულიყვნენ გაღმა, სანამდის თვითონგაისტუმრებდა ხალხს.

²³ხალხი რომ გაისტუმრა, განმარტოებით ავიდა მთაზესალოცავად; და მწუხრის ჟამს მარტო იყო იქ.

²⁴ხოლო ნავი უკვე შუაგულ ზღვაში იყო, და ტალღებიეხეთქებოდნენ მას, ვინაიდან პირქარი ქროდა.

²⁵და ღამის მეოთხე გუშაგობისას იესო ზღვაზე სვლით მივიდა მათთან.

²⁶ზღვაზე მომავალი რომ დაინახეს, მოწაფეები შეძრწუნდნენ დათქვეს: მოჩვენება არისო, და შიშით შეჰყვირეს.

²⁷მყისვე შეეხმიანათ იესო: მხნედ იყავით; მე ვარ, ნუგეშინიათ.

²⁸მიუგო პეტრემ და უთხრა მას: უფალო, თუ მართლა შენა ხარ,მიბრძანე, რომ ზღვით მოვიდე შენთან.

²⁹მანაც უბრძანა: მოდი! და გადმოვიდა პეტრე ნავიდან, რათაზღვაზე სვლით მისულიყო იესოსთან.

³⁰მაგრამ რა იხილა ძლიერი ქარი, შეშინდა, ჩაძირვა იწყო დაშეჰღაღადა: უფალო, მიხსენ მე!

³¹მყისვე გაუწოდა ხელი იესომ, ჩასჭიდა მას და უთხრა: მცირედმორწმუნეო, რამ შეგაეჭვა?

³²და ავიდნენ თუ არა ნავზე, მაშინვე ჩადგა ქარი.

³³ხოლო ნავში მყოფნი მიეახლნენ, თაყვანი სცეს და უთხრეს:ჭეშმარიტად ღმრთის ძე ხარ შენ.

³⁴ასე გავიდნენ გაღმა და მიადგნენ გენესარეთის მხარეს.

³⁵და იცნეს იგი იქაურებმა, ხალხი დაგზავნეს მთელს მხარეშიდა მიჰგვარეს ყველა სნეული.

³⁶ევედრებოდნენ, ხელი შეგვახებინე შენი სამოსისკალთისთვისო; და ვინც შეახო, განიკურნა.