Read ახალი ქართულით, Modern Georgian Bible, 1982 მათეს 15 Bible Online

მათეს 15 - ახალი ქართულით, Modern Georgian Bible, 1982 bible

მათეს 15

¹მაშინ მივიდნენ იესოსთან იერუსალიმელი მწიგნობრები და ფარისევლები და უთხრეს:

²რატომ არღვევენ შენი მოწაფეები უხუცესთა ჩვეულებას?ვინაიდან ხელს არ იბანენ პურის ჭამისას.

³ხოლო იესომ პასუხად მიუგო მათ: კი მაგრამ, თქვენ რატომღაარღვევთ ღმერთის მცნებას თქვენი ჩვეულებით?

⁴ვინაიდან ღმერთმა ბრძანა: პატივი ეცი მამას შენსას დადედას; და კიდევ: ვინც მამისა თუ დედის ძვირს იტყვის, სიკვდილით მოკვდეს.

⁵ხოლო თქვენ ამბობთ: ყველა, ვინც ეტყვის თავის მამას ანდედას: ღმერთს ვწირავ იმას, რითაც შემეძლო შენ შეგწეოდი, -

⁶პატივს არა სცემს არც მამას და არც დედას; და ამრიგად,თქვენი ჩვეულებით არღვევთ ღმრთის მცნებას.

⁷თვალთმაქცნო, მართლად იწინასწარმეტყველა თქვენთვისესაიამ, რომელმაც თქვა:

⁸ეს ხალხი მადიდებს თავისი ბაგით, მაგრამ მისი გული შორსააჩემგან.

⁹ამაოდ მადიდებენ, რადგან ასწავლიან ადამიანურმოძღვრებებსა და მცნებებს.

¹⁰მოუხმო ხალხს და უთხრა: ისმინეთ და შეიმეცნეთ:

¹¹პირით შემავალი კი არ შებილწავს კაცს, არამედ პირიდან გამომავალია ის, რაც ბილწავს კაცს.

¹²მაშინ მიუახლოვდნენ მისი მოწაფეები და უთხრეს: თუ იცი,რომ ფარისევლები ამ სიტყვის მოსმენით შეცდნენ?

¹³ხოლო მან პასუხად თქვა: ყოველი ნერგი, რომელიც არ დაურგავს ჩემს ზეციერ მამას, ძირფესვიანად აღმოიფხვრება.

¹⁴მოეშვით მათ: ბრმები არიან და ბრმებისვე წინამძღოლნი;ხოლო თუ ბრმა წინ უძღვის ბრმას, ორივენი ორმოში ჩაცვივიან.

¹⁵მიუგო პეტრემ და უთხრა მას: განგვიმარტე ეს იგავი.

¹⁶ბოლო იესომ თქვა: ნუთუ თქვენც არა გაგეგებათ რა?

¹⁷ნუთუ არ გესმით, რომ ყველაფერი, რაც პირით შევა, მუცელსგაივლის და გარეთ გამოვა.

¹⁸ხოლო პირით გამომავალი გულიდან გამოდის და სწორედ ისბილწავს კაცს.

¹⁹ვინაიდან გულიდან გამოვლენ: უკეთური ზრახვანი,კაციკვლანი, მრუშობანი, სიძვანი, პარვანი, ცილისწამებანი, გმობანი;

²⁰ესენი არიან კაცის შემბილწველნი, ხოლო ხელდაუბანლად ჭამაარ ბილწავს კაცს.

²¹წამოვიდა იქიდან იესო, და მივიდა ტიროსისა და სიდონის მხარეს.

²²და აჰა, ერთი ქანაანელი ქალი, იმ საზღვრებიდან გამოსული,მიჰყვიროდა მას და ამბობდა: შემიწყალე მე, უფალო, დავითის ძეო: ჩემი ასულისაშინლად იტანჯება ეშმაკისაგან.

²³ხოლო მან ხმა არ გასცა. მიადგნენ მისი მოწაფეები დასთხოვეს: გაუშვი ეგ, რადგანაც ჩვენ მოგვყვირის.

²⁴ხოლო მან პასუხად თქვა: სხვას როდი მოვვლენივარ, არამედმხოლოდ ისრაელის სახლის დაღუპულ ცხვრებს.

²⁵ამასობაში ქალიც მოვიდა, თაყვანი სცა და უთხრა: უფალო, შემეწიე მე!

²⁶ხოლო მან პასუხად თქვა: არ ვარგა, შვილებს წაართვა დაძაღლებს მიუგდო პური.

²⁷ქალმა კი უთხრა: დიახ, უფალო, მაგრამ ძაღლებიც ხომ ჭამენპატრონის ტაბლიდან დაცვენილ ნასუფრალს.

²⁸მაშინ იესომ პასუხად მიუგო მას: ეჰა, ქალო! დიდია შენირწმენა, და შენი სურვილისამებრ მოგეგოს შენ! და განიკურნა მისი ასული იმავეწამს.

²⁹წამოვიდა იქიდან იესო, მივიდა გალილეის ზღვის პირას,მთაზე ავიდა და იქ დაჯდა.

³⁰და მივიდა მასთან დიდძალი ხალხი, თან მოიყოლეს კოჭლნი,ბრმანი, ყრუნი, საპყარნი და სხვანიც მრავალნი, ფერხთით დაუსხეს იესოს დამანაც განკურნა ისინი;

³¹ასე რომ, უკვირდა ხალხს, როცა ხედავდა, რომ ლაპარაკობდნენ მუნჯნი, იკურნებოდნენ საპყარნი, დადიოდნენ კოჭლნი და ხედავდნენ ბრმანი: და ადიდებდნენ ისრაელის ღმერთს.

³²ხოლო იესომ მოუხმო თავის მოწაფეებს და უთხრა: მეცოდება ესხალხი, რადგან უკვე სამი დღეა ჩემთან არიან და არაფერი აქვთ საჭმელი. არმინდა, უზმოდ გავუშვა ისინი, რათა არ დაუძლურდნენ გზაში.

³³უთხრეს მას მოწაფეებმა: სადა გვაქვს ამ უდაბნოში იმდენიპური, რომ მთელი ხალხი დავაპუროთ?

³⁴ჰკითხა მათ იესომ: მაინც რამდენი პური გაქვთ? და მათმიუგეს: შვიდი, და ცოტაოდენი თევზი.

³⁵მაშინ მიწაზე დასხდომა უბრძანა ხალხს.

³⁶აიღო შვიდი პური და თევზი, მადლი შესწირა, დატეხა დამისცა თავის მოწაფეებს, ხოლო მოწაფეებმა - ხალხს.

³⁷ყველამ ჭამა და გაძღა. და გაავსეს ნარჩენებით შვიდიკალათი.

³⁸ხოლო იყო მჭამელი ოთხი ათასი კაცი, ქალებისა და ბავშვებისგარდა.

³⁹და გაისტუმრა ხალხი, თვითონ კი ნავში ჩაჯდა და მიადგამაგდალას საზღვარს.