Read ახალი ქართულით, Modern Georgian Bible, 1982 მათეს 19 Bible Online

მათეს 19 - ახალი ქართულით, Modern Georgian Bible, 1982 bible

მათეს 19

¹როცა იესომ დაასრულა ეს სიტყვები, წამოვიდა გალილეიდან და მივიღა იუდეის მხარეში, იორდანეს გაღმა.

²თან მისდევდა დიდძალი ხალხი, და იქ განკურნა ისინი.

³მაშინ საცდუნებლად მიუახლოვდნენ ფარისევლები და უთხრეს:აქვს თუ არა ნება კაცს, ყოველგვარი მიზეზით გაუშვას ცოლი?

⁴ხოლო მან მიუგო და უთხრა მათ: არ წაგიკითხავთ, რომშემოქმედმა დასაბამიდან კაცად და ქალად შექმნა ისინი?

⁵და თქვა: ამიტომ მიატოვებს კაცი თავის დედ-მამას,შეერთვის თავის ცოლს, და იქნებაან ორივენი ერთ ხორც.

⁶ასე რომ, ორნი კი აღარ არიან, არამედ ერთ ხორც. ამრიგად,ვინც ღმერთმა შეაუღლა, დაე, ნუ განაშორებს კაცი.

⁷კვლავ უთხრეს მას: მაშინ რატომღა გვამცნო მოსემ გაყრისწერილის მიცემა და ცოლთან გაყრა?

⁸მიუგო მათ: მოსემ თქვენი გულქვაობის გამო მოგცათ ცოლებთანგაყრის ნება, თავიდან კი არ იყო ასე.

⁹ხოლო მე გეუბნებით თქვენ: ვინც გაეყრება თავის ცოლს,სიძვის მიზეზის გარეშე, და სხვას შეირთავს, მრუშობს; და ვინც განაშვებსშეირთავს, აგრეთვე მრუშობს.

¹⁰უთხრეს მას მოწაფეებმა: თუ კაცს ამდენი რამ მართებს ცოლის მიმართ, უმჯობესია სულაც არ შეირთოს.

¹¹ხოლო იესომ პასუხად თქვა: ყველას როდი შეუძლია ამ სიტყვის წვდომა, არამედ მხოლოდ იმათ, ვისაც მიეცა.

¹²ვინაიდან არიან საჭურისნი, რომელნიც დედის საშოდანვე ასეიშვნენ; არიან საჭურისნი, რომელნიც კაცთაგან დასაჭურისდნენ; და არიანსაჭურისნი, რომელთაც თავად დაისაჭურისეს თავი ცათა სასუფევლის გულისთვის.ვისაც წვდომის თავი აქვს, ჩასწვდეს.

¹³მაშინ მიჰგვარეს მას ბავშვები, რათა ხელი დაედო და დაელოცა ისინი, მოწაფეები კი უშლიდნენ მათ.

¹⁴ხოლო იესომ თქვა: აცადეთ ბავშვებს და ნუ უშლით ჩემთანმოსვლას, ვინაიდან მაგისთანებისაა ცათა სასუფეველი.

¹⁵დაადო ხელი და წავიდა იქიდან.

¹⁶და, აჰა, ვიღაც მიუახლოვდა და უთხრა: კეთილო მოძღვარო, რა სიკეთე ვქნა, რომ საუკუნო სიცოცხლე მქონდეს?

¹⁷ხოლო მან მიუგო: რად მეკითხები სიკეთის გამო? არავინააკეთილი, გარდა ერთის - ღმერთისა, ხოლო თუ გსურს შეხვიდე სიცოცხლეში,დაიცავი მცნებანი.

¹⁸უთხრა მას: რომელნი? ხოლო იესომ მიუგო მას: არა კაც-ჰკლა;არა იმრუშო; არა იპარო; არა ცილი სწამო;

¹⁹პატივი ეცი მამას შენსას და დედას; და შეიყვარე მოყვასიშენი, როგორც თავი შენი.

²⁰უთხრა მას ჭაბუკმა: ეს ყოველივე დამიცავს ჩემი სიყრმიდან;რაღა მაკლია კიდევ?

²¹იესომ მიუგო მას: თუ გინდა, რომ სრულქმნილი იყო, წადი,გაყიდე, რაც გაბადია, მიეცი გლახაკთ, და გექნება საუნჯე ცაში; მერე მოდი დაგამომყევ მე.

²²ეს სიტყვა რომ მოისმინა, ჭაბუკი დაღონებული წავიდა,რადგანაც ძალიან მდიდარი იყო.

²³ხოლო იესომ თავის მოწაფეებს უთხრა: ჭეშმარიტად გეუბნებითთქვენ: მდიდარი ძნელად თუ შევა ცათა სასუფეველში.

²⁴ამასაც გეუბნებით თქვენ: აქლემი უფრო ადვილად გაძვრებანემსის ყუნწში, ვიდრე მდიდარი შევა ღვთის სასუფეველში.

²⁵ეს რომ მოისმინეს, მოწაფეები ძალზე განცვიფრდნენ და თქვეს: კი მაგრამ, ვინღა ცხონდება.

²⁶შეხედა იესომ და უთხრა მათ: ეს შეუძლებელია კაცთათვის,ღმერთისთვის კი ყველაფერი შესაძლებელია.

²⁷მაშინ პეტრემ მიუგო და უთხრა მას: აი, ჩვენ მივატოვეთყველაფერი და გამოგყევით; რა გვექნება ჩვენ?

²⁸ხოლო იესომ მიუგო მათ: ჭეშმარიგად გეუბნებით, რომ ვინც მეგამომყევით, მეორედ შობისას, როცა ძე კაცისა დაჯდება თავისი დიდებისტახტზე, - ერთად დასხდებით თორმეტ ტახტზე ისრაელის თორმეტი ტომის განსჯად.

²⁹და ყველა, ვინც მიატოვებს თავის სახლს, ან თავის და-ძმას,თავის ცოლ-შვილს თუ დედ-მამას, ანდა თავის ადგილ-მამულს ჩემი სახელისგულისთვის, ასმაგად მიიღებს საზღაურს და საუკუნო სიცოცსლეს დაიმკვიდრებს.

³⁰მაგრამ მრავალი პირველი იქნება უკანასკნელი, დაუკანასკნელი - პირველი.