Read ახალი ქართულით, Modern Georgian Bible, 1982 მათეს 2 Bible Online

მათეს 2 - ახალი ქართულით, Modern Georgian Bible, 1982 bible

მათეს 2

¹ხოლო როცა იუდეის ბეთლემში დაიბადა იესო ქრისტე, ჰეროდეს მეფობის ჟამს, აჰა, აღმოსავლეთით მოვიდნენ მოგვნი იერუსალიმს,

²და თქვეს: სად არის იუდეველთა ახალშობილი მეფე? ვინაიდანვიხილეთ მისი ვარსკვლავი აღმოსავლეთში და მოვედით, რათა თაყვანი ვცეთ მას.

³ეს რომ გაიგო, შეძრწუნდა მეფე ჰეროდე და მთელი იერუსალიმიმასთან ერთად.

⁴შეკრიბა ყველა მღვდელმთავარი და ერის მწიგნობარნი დაგამოიკითხა მათგან, სად უნდა შობილიყო იესო ქრისტე.

⁵ხოლო მათ უთხრეს: იუდეის ბეთლემში; ვინაიდან ასე დაიწერაწინასწარმეტყველის მიერ:

⁶და შენ, ბეთლემ, იუდას ქვეყანაო, არაფრითა ხარ უმცირესიიუდას მთავართა შორის, ვინაიდან შენგან გამოვა მთავარი, რომელიცდამწყემსავს ჩემს ერს ისრაელს.

⁷მაშინ ჰეროდემ ფარულად მოუწოდა მოგვებს და გამოიკითხამათგან ვარსკვლავის გამოჩენის ჟამი.

⁸წარგზავნა ისინი ბეთლემს და უთხრა: წადით და გამოწვლილვითგამოიძიეთ ყრმის ამბავი, და როდესაც ჰპოვებთ, მაცნობეთ მე, რათა თავადაცმივიდე და თაყვანი ვცე მას.

⁹ხოლო მათ უსმინეს მეფეს და წავიდნენ. და, აჰა,ვარსკვლავი, რომელიც იხილეს აღმოსავლეთით, წინ მიუძღოდა მათ, სანამ არმივიდა და თავს დაადგა იმ ადგილს, სადაც ყრმა იყო.

¹⁰ხოლო მათ, ვარსკვლავის დანახვისას, ძალიან დიდი სიხარულით გაიხარეს.

¹¹როდესაც შევიდნენ სახლში, იხილეს ყრმა მარიამთან, თავის დედასთან ერთად, დაემხნენ და თაყვანი სცეს მას; გახსნეს თავიანთი საუნჯე და მიართვეს მას ძღვენი: ოქრო, გუნდრუკი და მური.

¹²და ეუწყათ სიზმრად, არ დაბრუნებულიყვნენ ჰეროდესთან დასხვა გზით მიიქცნენ თავიანთ ქვეყნად.

¹³ხოლო მათი წასვლის შემდეგ, აჰა, ანგელოზი უფლისა ეჩვენა სიზმრად იოსებს და უთხრა: ადექი, წაიყვანე ყრმა და დედა მისი და გაიქეცი ეგვიპტეს; და იყავი იქ, სანამ არ გეტყვი შენ; ვინაიდან ჰეროდეს სურს მოძებნოს ყრმა და მოაკვდინოს იგი.

¹⁴ისიც ადგა, წაიყვანა ყრმა და დედა მისი ღამით, და წავიდაეგვიპტეს.

¹⁵და იყო იქ ჰეროდეს აღსასრულამდე; რათა აღსრულებულიყოსიტყვა უფლისა, თქმული წინასწარმეტყველის მიერ: ეგვიპტით მოვუხმე ჩემს ძეს.

¹⁶მაშინ, რა იხილა ჰეროდემ, რომ მოტყუებულ იქნა მოგვების მიერ, ძალზე განრისხდა, წარგზავნა ხალხი და ამოაწყვეტინა ყოველი ყრმა ბეთლემსა და მთელს მის შემოგარენში, ორ-ორი წლისა და უმრწემესნი, თანახმად ასაკისა, რომელიც გამოიკითხა მოგვებისაგან.

¹⁷მაშინ აღსრულდა თქმული იერემია წინასწარმეტყველის მიერ,რომელიც ამბობს:

¹⁸ხმა გაისმა რამაში გოდებისა და დიდი გლოვისა: რაქელიდასტირის თავის შვილებს და არა სურს ნუგეში, ვინაიდან აღარ არიან.

¹⁹ხოლო როდესაც აღესრულა ჰეროდე, აჰა, ანგელოზი უფლისაგამოეცხადა სიზმრად იოსებს ეგვიპტეში,

²⁰და უთხრა: ადექი და წაიყვანე ყრმა და დედამისი და წადიისრაელის ქვეყნად, ვინაიდან მოკვდნენ ისინი, ვინც ეძიებდნენ ყრმის სულს.

²¹ისიც ადგა და წამოიყვანა ყრმა და დედამისი და მოვიდა ისრაელის ქვეყნად.

²²მაგრამ, როდესაც გაიგო, არქელაოსი მეფობსო იუდეაშიმამამისის ჰეროდეს ნაცვლად, შეეშინდა იქ მისვლა და სიზმარეული ჩვენებითგაფრთხილებულმა მიაშურა გალილეის მხარეს.

²³მივიდა და დაესახლა ქალაქში, რომელსაც ჰქვია ნაზარეთი,რათა აღსრულებულიყო თქმული წინასწარმეტყველთა მიერ: ნაზარეველად იწოდებისო.