Read ახალი ქართულით, Modern Georgian Bible, 1982 მათეს 24 Bible Online

მათეს 24 - ახალი ქართულით, Modern Georgian Bible, 1982 bible

მათეს 24

¹გამოვიდა იესო ტაძრიდან და წავიდა; მიუახლოვდნენ მისი მოწაფეები, რათა ტაძრის შენობები ეჩვენებინათ მისთვის.

²ხოლო იესომ მიუგო მათ: ხომ ხედავთ ყოველივე ამას?ჭეშმარიტად გეუბნებით თქვენ: ქვა ქვაზე არ დარჩება აქ, არამედ ყველაფერიდაინგრევა.

³ხოლო როცა ზეთისხილის მთაზე იჯდა განმარტოებით,მიუახლოვდნენ მისი მოწაფეები და ჰკითხეს: გვითხარი, როდის მოხდება ეს? ანრა იქნება ნიშანი შენი მოსვლისა და საუკუნის დასასრულისა?

⁴იესომ პასუხად მიუგო მათ: ფხიზლად იყავით, რათა არავინგაცდუნოთ.

⁵ვინაიდან მრავალნი მოვლენ ჩემი სახელით და იტყვიან: მევარ ქრისტეო, და მრავალს აცდუნებენ.

⁶გაიგებთ აგრეთვე ომებსა და ომების ამბებს. თქვენ იცით, ნუშეძრწუნდებით, ვინაიდან ყოველი ეს უნდა მოხდეს, მაგრამ ეს ჯერ კიდევ არარის დასასრული.

⁷რადგან აღდგება ხალხი ხალხის წინააღმდეგ, და სამეფოსამეფოს წინააღმდეგ: და იქნება შიმშილობა და ჟამიანობა და მიწისძვრანიაქა-იქ.

⁸ხოლო ყოველივე ეს სალმობათა დასაბამია.

⁹მაშინ მიგცემენ სატანჯველად და მოგკლავენ თქვენ; დამოგიძულებთ ყველა ხალხი ჩემი სახელის გამო.

¹⁰მრავალი შეცდება მაშინ, გასცემენ და შეიძულებენ ერთურთს.

¹¹მრავალი ცრუწინასწარმეტყველი აღდგება და აცდუნებს მრავალს.

¹²და ურჯულოების მომრავლების გამო მრავალში განელდებასიყვარული.

¹³ხოლო ვინც ბოლომდე დაითმენს, იგი ცხონდება.

¹⁴და იქადაგება სასუფევლის ეს სახარება მთელს ქვეყანაზე,ყველა ხალხის სამოწმებლად; და მაშინ მოიწევა დასასრული.

¹⁵ხოლო როდესაც იხილავთ გაპარტახების სიბილწეს, დანიელწინასწარმეტყველის მიერ ნათქვამს, რაც წმინდა ადგილას დევს (წამკითხველმაგაიგოს),

¹⁶მაშინ იუდეას მყოფნი მთებს შეეფარონ.

¹⁷და ერდოზე მყოფი ნუ ჩამოვა ძირს, თავისი სახლიდან რაიმესგამოსატანად.

¹⁸ხოლო მინდვრად მყოფი ნუ მიბრუნდება შინ, თავისი სამოსისწამოსაღებად.

¹⁹ვაი ფეხმძიმეთ და მეძუძურთ იმ ხანად.

²⁰ილოცეთ, რათა გაქცევამ არ მოგიწიოთ ზამთარში, ანდაშაბათს.

²¹რადგან იქნება მაშინ დიდი ჭირი, რომლის მსგავსი არ ყოფილა ქვეყნის დასაბამიდან დღემდე, და არც იქნება.

²²და რომ არ მემოკლებულიყვნენ ის დღენი, ვერ გადარჩებოდავერცერთი ძე ხორციელი, მაგრამ რჩეულთათვის შემოკლდებიან ის დღენი.

²³მაშინ, თუ ვინმე გეტყვით: აჰა, აქ არის ქრისტე, ან კიდევ- იქო, ნუ ერწმუნებით.

²⁴რადგან აღდგებიან ცრუქრისტენი და ცრუწინასწარმეტყველნი,და მოახდენენ დიდ სასწაულებსა და ნიშებს, რათა, აცდუნონ, თუკი შესძლეს,თვითონ რჩეულნიც.

²⁵აჰა, წინასწარ გაუწყეთ თქვენ.

²⁶ასე რომ, თუ გეტყვიან: აჰა, უდაბნოშიაო, ნუ გახვალთ; და,აჰა, თავის სენაკშიაო, ნუ ერწმუნებით.

²⁷ვინაიდან როგორც ელვა იელვებს აღმოსავლეთიდანდასავლეთამდე, ისე იქნება კაცის ძის მოსვლაც.

²⁸რადგან სადაც ეგდება მძორი, იქვე შეიყრებიან სვავებიც.

²⁹და მსწრაფლ, იმ დღეთა პირის შემდეგ, დაბნელდება მზე,მთვარე აღარ გამოსცემს ნათელს, ვარსკვლავები ჩამოცვივიან ციდან დაშეიძვრიან ციურნი ძალნი.

³⁰და მაშინ გამოჩნდება კაცის ძის ნიშანი ცაზე; მაშინმოთქმას მოჰყვება დედამიწის ყოველი ტომი, და იხილავენ ძეს კაცისას,მომავალს ზეცის ღრუბლებზე ძალითა და დიდებით მრავლით.

³¹მოავლინებს თავის ანგელოზებს მგრგვინავი საყვირით, და შეკრებენ მის რჩეულთ ოთხთავ ქართაგან, ცათა კიდიდან მათ კიდემდე.

³²ლეღვის ხისაგან ისწავლეთ იგავი: როცა მისი ტოტებირბილდება და ფოთლები გამოაქვს, იცით, რომ ახლოა ზაფხული.

³³ასევე თქვენც, როცა იხილავთ ყოველივე ამას, იცოდეთ, რომუკვე ახლოა, კარზეა მომდგარი.

³⁴ჭეშმარიტად გეუბნებით თქვეს: არ გადავა ეს მოდგმა, ვიდრეყოველივე ეს არ აღსრულდება.

³⁵ცა და მიწა გადავლენ, ხოლო ჩემი სიტყვები არ გადავლენ.

³⁶მაგრამ ის დღე და ის საათი არავინ იცის: არც ციურმაანგელოზებმა, არამედ მხოლოდ მამამ.

³⁷და როგორც იყო ნოეს დღეებში, ისე იქნება კაცის ძისმოსვლაც.

³⁸ვინაიდან როგორც წარღვნის წინა დღეებში ჭამდნენ დასვამდნენ, ცოლს ირთავდნენ და თხოვდებოდნენ, იმ დღემდე, როცა ნოე შევიდაკიდობანში,

³⁹და არას დაგიდევდნენ, ვიდრე არ მოვიდა წარღვნა და წალეკაყველანი; ასე იქნება კაცის ძის მოსვლაც.

⁴⁰მაშინ ორნი იქნებიან ველად: ერთი წარიტაცება, მეორე კიდარჩება.

⁴¹ორი ქალი იქნება წისქვილში: ერთი წარიტაცება, მეორე კი დარჩება.

⁴²მაშ, იფხიზლეთ, ვინაიდან არ იცით, რომელ დღეს მოვა თქვენიუფალი.

⁴³ესეც გახსოვდეთ: სახლის პატრონმა რომ იცოდეს, რომელსაათზე მოვა ქურდი, ფნიზლად იქნებოდა და ძირს არ გამოათხრევინებდა თავისისახლისათვის.

⁴⁴ამიტომ თქვენც მზად იყავით, ვინაიდან, როცა არ ელით,სწორედ იმ საათს მოვა ძე კაცისა.

⁴⁵ვინ არის ერთგული და გონიერი მონა, რომელიც მისმაპატრონმა მიუჩინა თავის მსახურთ, რათა დროულად მისცეს საჭმელი მათ?

⁴⁶ნეტა იმ მონას, რომელსაც ამნაირად მოქმედს ჰპოვებს მისიპატრონი, როდესაც მოვა.

⁴⁷ჭეშმარიტად გეუბნებით თქვენ: მთელს თავის საბადებელსმეთვალყურედ მიუჩენს მას.

⁴⁸მაგრამ თუ ის მონა ბოროტია და გულში იტყვის: აგვიანებსჩემი პატრონი მოსვლას,

⁴⁹და დაიწყებს თავისივე მსგავსი მონების ცემას დამემთვრალეებთან ჭამას და სმას,

⁵⁰მაშინ მოვა მონის პატრონი იმ დღეს, როდესაც არ ელის, დაიმ საათს, რომელიც არ იცის,

⁵¹შუა გაკვეთს მას და თვალთმაქცებთან დაუდებს წილს, დაიქნება იქ ტირილი და კბილთა ღრჭიალი.