Read ახალი ქართულით, Modern Georgian Bible, 1982 მათეს 4 Bible Online

მათეს 4 - ახალი ქართულით, Modern Georgian Bible, 1982 bible

მათეს 4

¹მაშინ იესო აყვანილ იქნა უდაბნოში სულის მიერ, ეშმაკისაგან საცდუნებლად.

²და იმარხულა ორმოცი დღე და ორმოცი ღამე და ბოლოს მოშივდა.

³მაშინ მიადგა მაცდური და უთხრა: თუ ძე ხარ ღმრთისა, თქვი,რომ ეს ქვები პურებად იქცნენ.

⁴ხოლო იესომ მიუგო და უთხრა: დაწერილია: არა მხოლოდ პურითიცოცხლებს კაცი, არამედ ყოველი სიტყვით, რომელიც გამოდის ღმერთის პირიდან.

⁵მაშინ ეშმაკმა წაიყვანა იგი წმიდა ქალაქში, დააყენატაძრის ქიმზე

⁶და უთხრა: თუ ძე ხარ ღვთისა, გადავარდი აქედან, რადგანაცდაწერილია: თავის ანგელოზებს უბრძანებს შენს გამო, და აგიტაცებენ ხელში,რათა არსად წამოჰკრა ქვას ფეხი შენი.

⁷იესომ მიუგო: ესეც დაწერილია: არ გამოსცადო უფალი ღმერთიშენი.

⁸კვლავ აიყვანა იგი ეშმაკმა ძალიან მაღალ მთაზე, და უჩვენამას ქვეყნის ყველა სამეფო და დიდება მათი.

⁹და უთხრა: ყოველივე ამას მოგცემ, თუ დაეცემი და თაყვანსმცემ მე.

¹⁰მაშინ მიუგო მას იესომ: გამშორდი, სატანა, რადგანაც დაწერილია: უფალს ღმერთს შენსას თაყვანი ეცი და მხოლოდ მას ემსახურე.

¹¹მაშინ მიატოვა იგი ეშმაკმა, და აჰა, ანგელოზები მოვიდნენ და ემსახურებოდნენ მას.

¹²ხოლო როდესაც გაიგო იესომ, იოანე შეუპყრიათო, გალილეასგაემართა.

¹³მიატოვა ნაზარეთი, მივიდა და დაემკვიდრა ზღვისპირაკაპერნაუმს, ზაბულონის და ნეფთალემის მხარეს,

¹⁴რათა აღსრულდეს თქმული ესაია წინასწარმეტყველის მიერ, რომელიც ამბობს:

¹⁵ქვეყანა ზაბულონისა და ქვეყანა ნეფთალემისა, გზა ზღვისაიორდანეს გაღმა, გალილეა წარმართთა;

¹⁶ბნელში მსხდომარე ხალხმა იხილა ნათელი დიდი, და ქვეყნად და სიკვდილის ჩრდილში მსხდომთ გამოუბრწყინდა ნათელი.

¹⁷შემდგომ ამისა, დაიწყო იესომ ქადაგება და ამბობდა:მოინანიეთ, ვინაიდან მოახლოვდა ცათა სასუფეველი.

¹⁸და როცა გალილეის ზღვის პირას მიდიოდა იგი, დაინახა ორიძმა: სიმონი, პეტრედ წოდებული, და მისი ძმა ანდრია, ბადეს რომ ისროდნენზღვაში, ვინაიდან მებადურები იყვნენ.

¹⁹და უთხრა მათ: გამომყევით და კაცთა მებადურებად გაქცევთ.

²⁰მათაც მყისვე მიატოვეს ბადე და გაჰყვნენ მას.

²¹იქიდან წამოსულმა დაინახა ორი სხვა ძმა: იაკობი ზებედესიდა მისი ძმა იოანე, რომლებიც ზებედესთან, თავიანთ მამასთან ერთად ბადესკემსავდნენ ნავში, და უხმო მათ.

²²მათაც მყისვე მიატოვეს თავიანთი ნავიც და მამაც, დაგაჰყვნენ მას.

²³მიმოდიოდა იესო მთელს გალილეაში, ასწავლიდა მათსინაგოგებში, ქადაგებდა სახარებას სასუფევლისას და კურნავდა ყოველგვარსენსა და ყოველგვარ უძლურებას ხალხში.

²⁴და მოედო მისი ამბავი მთელს სირიას: მოჰყავდათ მასთანუძლურნი, სხვადასხვა სენითა და ჭირით სნეულნი, ეშმაკეულნი, მთვარეულნი დადავრდომილნი, და კურნავდა მათ.

²⁵და მისდევდა მას დიდძალი ხალხი გალილეიდან დაათქალაქიდან, იერუსალიმიდან, იუდეიდან და იორდანეს გაღმიდან.