Read ახალი ქართულით, Modern Georgian Bible, 1982 მათეს 9 Bible Online

მათეს 9 - ახალი ქართულით, Modern Georgian Bible, 1982 bible

მათეს 9

¹მაშინ ჩაჯდა ნავში, უკანვე გამოცურა და მივიდა თავის ქალაქში.

²და, აჰა, სარეცლით მიჰგვარეს მას დავრდომილი; იხილა იესომმათი რწმენა და უთხრა დავრდომილს: გამხნევდი, შვილო, მოგეტევა შენიცოდვები.

³ზოგიერთი მწიგნობარი გულში ამბობდა: ღმერთს გმობსო იგი.

⁴ხოლო იესო მიხვდა მათ ზრუნვას და თქვა: რატომ იზრახავთბოროტს თქვენს გულში?

⁵რა უფრო ადვილია: ამის თქმა - მოგეტევოს შენი ცოდვები: თუამისა - აღდეგ და წადი?

⁶ხოლო რათა იცოდეთ, რომ ძეს კაცისას ძალა შესწევს ამქვეყნად ცოდვების მიტევებისა, - ასე უთხრა დავრდომილს - აღდეგ, აიღე შენისარეცელი და წადი შენს სახლში.

⁷ისიც მაშინვე აღდგა და წავიდა თავის სახლში.

⁸ამის მხილველი ხალხი განცვიფრდა და ადიდებდა ღმერთს,რომელმაც ასეთი ძალა მისცა ადამიანებს.

⁹იქიდან წამოსულმა იესომ დაინახა საბაჟოში მჯდომარე კაცი,რომელსაც მათე ერქვა სახელად, და უთხრა მას გამომყევიო; ისიც ადგა დაგაჰყვა.

¹⁰და როცა ინახად იჯდა სახლში, აჰა, მოვიდა მრავალი მებაჟე და ცოდვილი, და ინახად დასხდნენ იესოსა და მის მოწაფეებთან.

¹¹ეს რომ დაინახეს, ფარისევლებმა მის მოწაფეებს უთხრეს: რატომ ჭამს და სვამს თქვენი მოძღვარი მებაჟეებსა და ცოდვილებთან ერთად?

¹²ხოლო იესომ გაიგონა ეს და უთხრა მათ: კარგად მყოფთ კი არსჭირდებათ მკურნალი, არამედ ავადმყოფთ.

¹³თქვენ კი წადით და ისწავლეთ, რას ნიშნავს ეს: წყალობამნებავს და არა მსხვერპლი; ვინაიდან მართალთა სახმობლად კი არ მოვსულვარ,არამედ ცოდვილთა სინანულად.

¹⁴მაშინ მივიდნენ მასთან იოანეს მოწაფეები და უთხრეს: რატომვმარხულობთ ჩვენ და ფარისევლები, შენი მოწაფეები კი არ მარხულობენ?

¹⁵ხოლო იესომ მიუგო მათ: განა შეიძლება წუხდნენმექორწილენი, ვიდრე მათთანაა სიძე? მოვა დრო, როცა სიძე აღარ ეყოლებათ, დამაშინ იმარხულებენ.

¹⁶არავინ ადებს ახალ საკერებელს დახეულ სამოსს, ვინაიდან ახალს ვერ დაიჭერს ძველი, და უფრო დაიხევა.

¹⁷არც ახალ ღვინოს ასხამენ ძველ ტიკებში, თორემ დასკდებატიკები, ღვინოც დაიქცევა და ტიკებიც უვარგისი გახდება; არამედ ახალ ღვინოსასხამენ ახალ ტიკებში და ორივე ინახება.

¹⁸ამ საუბარში გართულს მიუახლოვდა ერთი მთავარი, თაყვანისცა და უთხრა: ჩემი გოგონა ეს-ესაა მოკვდა; წამოდი, ხელი დაადე დაგაცოცხლდება.

¹⁹წამოდგა იესო და მოწაფეებითურთ თან გაჰყვა მას.

²⁰და, აჰა, ქალი, რომელიც თორმეტ წელიწადს სისხლის დენითიტანჯებოდა, უკნიდან მიუახლოვდა და შეეხო მისი სამოსის კალთას.

²¹რადგან გულში ამბობდა: თუ შევეხები მის სამოსს, მეშველებაო.

²²ხოლო იესო მიუბრუნდა, დაინახა იგი და უთხრა: გამხნევდი,შვილო, შენმა რწმენამ გადაგარჩინა. და განიკურნა ქალი იმავე წამს.

²³შევიდა იესო მთავრის სახლში და იხილა იქ მოზარენი დამოყაყანე ბრბო;

²⁴და უთხრა მათ: გადით აქედან, რადგან გოგონა კი არმომკვდარა, არამედ სძინავს; ხოლო ისინი დასცინოდნენ მას.

²⁵და როდესაც გაიყვანეს ხალხი, მივიდა იესო, აიღო გოგონასხელი, და ისიც აღდგა.

²⁶და მოედო მისი ამბავი მთელ იმ მხარეს.

²⁷იქიდან წამოსულს ორი უსინათლო გამოედევნა ყვირილით:შეგვიწყალე, იესო, დავითის ძეო!

²⁸და როდესაც მივიდა სახლში, მიეახლნენ უსინათლონი; დაუთხრა მათ იესომ: გწამთ თუ არა, რომ შემიძლია ამისი ქმნა? ხოლო მათ თქვეს:დიახ, უფალო.

²⁹მაშინ თვალებზე შეეხო ბრმებს და უთხრა მათ: თქვენირწმენისამებრ მოგეგოთ თქვენ!

³⁰და აეხილათ თვალები, ხოლო იესომ მკაცრად გააფრთხილა დაუთხრა მათ: იცოდეთ, არავინ გაიგოს.

³¹ისინი კი გამოვიდნენ და მთელ იმ მხარეს მოსდეს მისი ამბავი.

³²ხოლო მათი გამოსვლისთანავე მიჰგვარეს მას ერთი კაცი,მუნჯი და ეშმაკეული.

³³და როცა ეშმაკი განდევნილ იქნა, მუნჯმა ენა ამოიდგა;უკვირდა ხალხს და ამბობდა: არ მოსწრებია ისრაელს ამგვარი რამე.

³⁴ხოლო ფარისეველნი ამბობდნენ: ეშმაკთა მთავრის შეწევნითაძევებსო ეშმაკთ.

³⁵და მოივლიდა იესო ყველა ქალაქსა და დაბას, ასწავლიდა მათსინაგოგებში და ქადაგებდა სახარებას სასუფევლისას, და კურნავდა ყოველგვარსენსა და ყოველგვარ უძლურებას ხალხში.

³⁶და როდესაც იხილა ამდენი ხალხი, შეებრალა ისინი, ვინაიდანდაღლილ-დაქანცულნი და დაფანტულნი იყვნენ, როგორც უმწყემსო ცხვრები.

³⁷მაშინ თავის მოწაფეებს უთხრა: სამკალი ბევრია, მაგრამცოტანი არიან მომკალნი.

³⁸მაშ, ევედრეთ სამკალის უფალს, რათა მომკალნი მოავლინოსთავის სამკალში.