Read ახალი ქართულით, Modern Georgian Bible, 1982 მარკოზის 1 Bible Online

მარკოზის 1 - ახალი ქართულით, Modern Georgian Bible, 1982 bible

მარკოზის 1

¹დასაწყისი იესო ქრისტეს, ღმერთის ძის, სახარებისა.

²როგორც დაიწერა ესაია წინასწარმეტყველის მიერ: აჰა, მევგზავნი ჩემს ანგელოზს შენს წინაშე, რომელიც განამზადებს შენს გზას.

³ხმა უდაბნოში მღაღადებლისა: გაამზადეთ გზა უფლისა,გაასწორეთ მისი ბილიკნი.

⁴იყო იოანე უდაბნოში, ნათელს სცემდა და ქადაგებდა ნათლისცემას სინანულისას ცოდვათა მისატევებლად.

⁵გამოდიოდა მის მიმართ მთელი იუდეის ქვეყანა და ყველაიერუსალიმელი, ნათელს იღებდნენ მისგან მდინარე იორდანეში და აღიარებდნენთავიანთ ცოდვებს.

⁶ხოლო იოანეს ემოსა აქლემის ბეწვი და წელს ერტყა ტყავისსარტყელი და ჭამდა კალიებს და ველურ თაფლს.

⁷ქადაგებდა და ამბობდა: მოდის ჩემს შემდგომ ჩემზეუძლიერესი, ვის წინაშე იმის ღირსიც არა ვარ, რომ დავიხარო და გავხსნა მისიხამლის საკვრელი.

⁸მე თქვენ მოგნათლეთ წყლით, ხოლო ის მოგნათლავთ სულიწმიდით.

⁹და იყო იმ დღეებში, მოვიდა იესო გალილეის ნაზარეთით დანათელ იღო იორდანეში იოანესგან.

¹⁰წყლიდან ამოსვლისთანავე იხილა ცანი გახსნილნი და სული ღმრთისა მტრედივით გადმომავალი მასზე.

¹¹და გაისმა ხმა ზეცით: შენა ხარ ძე ჩემი საყვარელი, რომელიც შევიტკბე მე.

¹²და სულმა მაშინვე გაიყვანა ის უდაბნოში.

¹³ორმოცი დღე დაჰყო უდაბნოში და გამოიცდებოდა სატანისაგან: მხეცებს შორის ცხოვრობდა და ანგელოზები ემსახურებოდნენ მას.

¹⁴ხოლო იოანეს შეპყრობის შემდეგ მოვიდა იესო გალილეაში, დაქადაგებდა სახარებას ღმრთისას.

¹⁵და ამბობდა: გასრულდა ჟამი და მოახლოვდა ღმრთისსასუფეველი: მოინანიეთ და იწამეთ სახარება.

¹⁶ხოლო როდესაც მიდიოდა გალილეის ზღვის პირას, დაინახა სიმონი და მისი ძმა ანდრია, რომლებიც ბადეს ისროდნენ ზღვაში, ვინაიდან მებადურები იყვნენ.

¹⁷და უთხრა მათ იესომ: მოდით, უკან გამომყევით და კაცთამებადურებად გაქცევთ.

¹⁸მათაც მყისვე მიატოვეს თავიანთი ბადე და გაჰყვნენ მას.

¹⁹იქიდან ცოტა რომ გამოვლო, დაინახა იაკობი ზებედესი დამისი ძმა იოანე, რომლებიც ბადეს კემსავდნენ ნავში.

²⁰და მაშინვე მოუხმო. მათაც მიატოვეს თავიანთი მამა ზებედე,ნავში მყოფ მუშებთან ერთად, და გაჰყვნენ მას.

²¹მივიდნენ კაპერნაუმს და მაშინვე, შაბათ დღეს, შევიდასინაგოგაში და ასწავლიდა მათ.

²²უკვირდათ მისი მოძღვრება, ვინაიდან ის ასწავლიდა მათ,როგორც ძალმოსილი, და არა როგორც მწიგნობარნი.

²³იყო მათ სინაგოგაში უწმინდური სულით შეპყრობილი კაცი, რომელმაც შეჰყვირა და თქვა:

²⁴რა ხელი გაქვს ჩვენთან, იესო ნაზარეველო? ჩვენს დასაღუპადმოსულხარ! გიცნობ, ვინცა ხარ, ღმერთის წმიდანო.

²⁵მაგრამ შერისხა იგი იესომ და თქვა: ხმა გაკმინდე დაგამოდი მაგისგან.

²⁶შეარყია იგი უწმინდურმა სულმა და ხმამაღალი ყვირილითგამოვიდა მისგან.

²⁷განცვიფრდა ყველა, ისე რომ, ერთმანეთს ეკითხებოდნენ დაამბობდნენ: რა არის ეს? რა არის ეს ახალი მოძღვრება, რომ ძალმოსილებითუწმინდურ სულებსაც უბრძანებს, და ისინიც ემორჩილებიან მას?

²⁸და მალე მისი ამბავი კიდით-კიდემდე მოედო მთელი გალილეისმხარეს.

²⁹სინაგოგიდან გამოსვლისთანავე სიმონისა და ანდრიას სახლშიმივიდა, იაკობსა და იოანესთან ერთად.

³⁰ხოლო სიმონის სიდედრი ცხელებით შეპყრობილი იწვა. დამაშინვე უთხრეს მისი ამბავი.

³¹მავიდა, ხელი მოჰკიდა და წამოაყენა; მყისვე გაუარაცხელებამ და ემსახურებოდა მათ.

³²ხოლო საღამოს, მზის ჩასვლისას, მიჰგვარეს მას ყველასნეული და ეშმაკეული.

³³და მთელმა ქალაქმა კარწინ მოიყარა თავი.

³⁴მრავალი სნეული განკურნა სხვადასხვა სენისაგან, მრავალი ეშმაკი განდევნა და არა რთავდა ეშმაკებს იმის თქმის ნებას, რომ ისინი იცნობდნენ მას.

³⁵ხოლო ცისკრისას, დილაუთენია ადგა და გამოვიდა; უდაბურადგილას მივიდა და იქ ლოცულობდა.

³⁶თან გაჰყვნენ სიმონი და მასთან მყოფნი.

³⁷იპოვეს იგი და უთხრეს, ყველა შენ გეძებსო.

³⁸და უთხრა მათ: წავიდეთ მახლობელ სოფლებსა და ქალაქებში,რათა იქაც ვიქადაგო, ვინაიდან ამისათვის მოვსულვარ.

³⁹დადიოდა მთელს გალილეაში, ქადაგებდა მათ სინაგოგებში დააძევებდა ეშმაკთ.

⁴⁰მაშინ მიადგა ერთი კეთროვანი, ევედრებოდა და მუხლმოყრითეუბნებოდა: თუ გნებავს, შეგიძლია ჩემი განწმენდა.

⁴¹შეებრალა იგი იესოს, ხელი გაიწოდა, შეეხო და უთხრა:მნებავს, განიწმინდე;

⁴²ამის თქმაც იყო და მყისვე გაეყარა მას კეთრი დაგანიწმინდა.

⁴³მკაცრად გააფრთხილა და მაშინვე გაისტუმრა იგი.

⁴⁴უთხრა: იცოდე ნურავის ნურაფერს ეტყვი, არამედ წადი,ეჩვენე მღვდელს და შესწირე შენი განწმენდისათვის, რაც ბრძანა მოსემ მათდასამოწმებლად.

⁴⁵მაგრამ ის გამოვიდა, დაიწყო ქადაგება და მთელ ქვეყანასმოსდო მისი ამბავი; ასე რომ, იესოს აღარ შეეძლო ქალაქში აშკარად შესვლა,არამედ გარეთ, უდაბურ ადგილებში იყო, და მოდიოდნენ მასთან ყოველი მხრიდან.