Read ახალი ქართულით, Modern Georgian Bible, 1982 მარკოზის 10 Bible Online

მარკოზის 10 - ახალი ქართულით, Modern Georgian Bible, 1982 bible

მარკოზის 10

¹წამოვიდა იქიდან და მივიდა იუდეის მხარეში, იორდანეს გაღმა. კვლავ მიაშურა მას ხალხმა და, როგორც სჩვეოდა, კვლავ ასწავლიდა მათ.

²მიადგნენ ფარისევლები და საცდუნებლად ჰკითხეს: აქვს თუარა ქმარს ცოლის გაშვების ნება?

³ხოლო მან პასუხად თქვა: რა გამცნოთ მოსემ?

⁴მათ მიუგეს: მოსემ ჩვენ დაგვრთო გაყრის წერილის დაწერისადა გაშვების ნება.

⁵იესომ პასუხად უთხრა მათ: თქვენი გულქვაობის გამო მოგცათეს მცნება.

⁶შექმნის დასაბამიდან კი კაცად და ქალად შექმნა ისინიღმერთმა.

⁷ამიტომ მიატოვებს კაცი მამას თავისას და დედას,

⁸და შეერთვის თავის ცოლს, და იქნებიან ორივენი ერთ ხორც.ასე რომ, ორნი კი აღარ არიან, არამედ ერთ ხორც.

⁹ამრიგად, ვინც ღმერთმა შეაუღლა, დაე, ნუ განაშორებს კაცი.

¹⁰სახლში მისმა მოწაფეებმა კვლავ ჰკითხეს იგივე.

¹¹და უთხრა მათ: ვინც გაუშვებს თავის ცოლს და სხვას შეირთავს, მის მიმართ მრუშობს.

¹²ხოლო თუ ცოლი გაეყრება თავის ქმარს და სხვას გაჰყვება,მრუშობს.

¹³მიჰგვარეს მას ბავშვები, რათა ხელი დაედო მათთვის; მოწაფეები კი არ უშვებდნენ მომგვრელთ.

¹⁴ეს რომ დაინახა, განრისხდა და უთხრა მათ: მოუშვით ჩემთანბავშვები და ნუ უშლით მათ, ვინაიდან მათნაირებისაა ღმრთის სასუფეველი.

¹⁵ჭეშმარიტად გეუბნებით თქვენ: ვინც ბავშვივით არ მიიღებს ღმრთის სასუფეველს, ვერ შევა მასში.

¹⁶მოეხვია, ხელი დაადო და დალოცა ისინი.

¹⁷გზას რომ დაადგა, ვიღაცამ მოირბინა, მუხლი მოიყარა მისწინაშე და უთხრა: კეთილო მოძღვარო, რა ვქნა, რომ დავიმკვიდრო საუკუნოსიცოცხლე?

¹⁸იესომ მიუგო: რატომ მიწოდებ კეთილს? არავინაა კეთილი,გარდა ერთის - ღმრთისა.

¹⁹იცი მცნებანი: არა იმრუშო; არა კაც-ჰკლა; არა იპარო; არაცილი სწამო; არა შეურაცხყო; პატივი ეცი მამას შენსას და დედას?

²⁰ხოლო მან პასუხად უთხრა: მოძღვარო, ეს ყოველივე დამიცავსჩემი სიყრმიდან.

²¹იესომ შეხედა, მოეწონა და უთხრა: ერთიღა გაკლია: წადი,გაყიდე ყველაფერი, რაც გაბადია, მიეცი გლახაკთ და გექნება საუნჯე ცაში;მერე მოდი და გამომყევ მე.

²²ხოლო ის შეაკრთო ამ სიტყვამ და დამწუხრებული წავიდა,რადგანაც ძალიან მდიდარი იყო.

²³მიმოიხედა იესომ და თავის მოწაფეებს უთხრა: რარიგ ძნელიამდიდრისათვის ღმრთის სასუფეველში შესვლა.

²⁴მოწაფეებს გაუკვირდათ ეს სიტყვები, ხოლო მან ხელახლამიუგო და უთხრა მათ: შვილებო, რარიგ ძნელია სიმდიდრის მოყვარულთათვისღმრთის სასუფეველში შესვლა.

²⁵აქლემი უფრო ადვილად გაძვრება ნემსის ყუნწში, ვიდრემდიდარი შევა ღმრთის სასუფეველში.

²⁶ხოლო მათ უფრო უკვირდათ, და ერთმანეთს ეკითხებოდნენ: კიმაგრამ, ვინღა ცხონდება?

²⁷იესომ შეხედა და უთხრა მათ: კაცთათვის ეს შეუძლებელია, მაგრამ არა ღმრთისთვის; ვინაიდან ყველაფერი შესაძლებელია ღმრთისთვის.

²⁸დაიწყო პეტრემ და უთხრა მას: აი, ჩვენ მივატოვეთყველაფერი და შენ გამოგყევით.

²⁹იესომ პასუხად თქვა: ჭეშმარიტად გეუბნებით თქვენ: არ არის კაცი, რომელმაც მიატოვოს სახლ-კარი, გინდა და-ძმები, გინდა დედ-მამა, გინდა ცოლ-შვილი, გინდა ადგილ-მამული ჩემი და სახარების გულისთვის,

³⁰და ახლავე, ამჟამად, ასმაგად არ მიიღოს სახლ-კარიც,და-ძმაც, დედ-მამაც, შვილებიც და ადგილ-მამულიც, ხოლო მომავალ საუკუნეში -საუკუნო სიცოცხლე.

³¹მაგრამ მრავალი პირველი იქნება უკანასკნელი, და მრავალიუკანასკნელი - პირველი.

³²როდესაც იერუსალიმისაკენ მიმავალ გზას ადგნენ, იესო წინმიუძღოდა მათ, ხოლო მისი მიმდევრები გაკვირვებულნი და შეშინებულნი იყვნენ.კვლავ მოიხმო თორმეტი და დაუწყო ლაპარაკი იმაზე, თუ რა ელოდა მას:

³³აჰა, ავდივართ იერუსალიმს, და ძე კაცისა მიეცემამღვდელმთავრებსა და მწიგნობრებს, მიუსჯიან მას სიკვდილს და მისცემენწარმართთ.

³⁴შეურაცხყოფენ, სცემენ აფურთხებენ და მოკლავენ; მესამედღეს კი აღდგება იგი.

³⁵მაშინ მივიდნენ მასთან ზებედეს ძენი - იაკობი და იოანე დაუთხრეს: მოძღვარო, გვსურს შეგვისრულო, რასაცა გთხოვთ.

³⁶ესომ ჰკითხა მათ: მაინც რის შესრულებას მთხოვთ?

³⁷მათ მიუგეს: მოგვეცი ნება, რათა შენს დიდებაში ერთი შენსმარჯვნივ და მეორე შენს მარცხნივ დავსხდეთ.

³⁸მაგრამ იესომ პასუხად თქვა: არ იცით, რას ითხოვთ.შეგიძლიათ შესვათ სასმისი, რომლითაც მე ვსვამ, და ნათლობით, რომლითაც მევინათლები, მოინათლოთ?

³⁹მათ თქვეს: შეგვიძლია, ხოლო იესომ მიუგო მათ: სასმისს,რომლითაც მე ვსვამ, შესვამთ, და ნათლობით, რომლითაც მე ვინათლები,მოინათლებით.

⁴⁰მაგრამ მე როდი მომეცა, თუ ვინ დაჯდება ჩემს მარჯვნივ, დავინ - მარცხნივ, არამედ ვისთვისაც გამზადებულია ეს.

⁴¹ამის მოსმენისას ათი მოწაფე რისხვით აღივსო იაკობისა დაიოანეს მიმართ.

⁴²ხოლო იესომ მიიხმო ისინი და უთხრა მათ: თქვენ იცით, რომ ხალხთა მთავრებად მიჩნეულნი მბრძანებლობენ მათზე და დიდებულნი ძალადობით განაგებენ მათ.

⁴³ხოლო თქვენს შორის ნუ იქნება ასე, არამედ ვინც თქვენშიმოისურვებს უფროსობას, ის იყოს თქვენი მსახური.

⁴⁴და ვინც თქვენში მოისურვებს პირველობას, ის იყოს ყველასმონა.

⁴⁵რადგან ძე კაცისა იმისთვის კი არ მოვიდა, რომ სხვებიიმსახუროს, არამედ რათა სხვებს ემსახუროს, და მისცეს თავისი სული მრავალთაგამოსახსნელად.

⁴⁶მივიდნენ იერიხონში, და როდესაც გამოდიოდა იერიხონიდან,თავის მოწაფეებსა და დიდძალ ხალხთან ერთად, ტიმეოსის ძე, ბრმა ბარტიმეოსი,გზის პირას იჯდა მოწყალების მთხოვნელად.

⁴⁷როცა გაიგონა, იესო ნაზარეველიაო, ყვირილი მორთო: იესო,დავითის ძეო, შემიწყალე მე!

⁴⁸ბევრი რისხავდა, გაჩუმდით, მაგრამ ის უფრო ხმამაღლაყვიროდა, დავითის ძეო, შემიწყალე მე!

⁴⁹იესო შეჩერდა და ბრძანა, დაუძახეთო; დაუძახეს ბრმას დაუთხრეს: ნუ გეშინია, ადექ, გეძახის.

⁵⁰მანაც დააგდო თავისი მოსასხამი, ადგა და იესოსთან მივიდა.

⁵¹იესომ ჰკითხა: რას მოითხოვ ჩემგან? ხოლო ბრმამ მიუგო:რაბუნი, თვალის ახელას!

⁵²იესომ უთხრა მას: წადი, შენმა რწმენამ გადაგარჩინა.მაშინვე აეხილა თვალი და გზად გაჰყვა იესოს.