Read ახალი ქართულით, Modern Georgian Bible, 1982 მარკოზის 12 Bible Online

მარკოზის 12 - ახალი ქართულით, Modern Georgian Bible, 1982 bible

მარკოზის 12

¹და დაუწყო მათ იგავებით ლაპარაკი: ერთმა კაცმა ჩაყარა ვაზი, შემოღობა, ამოკვეთა საწნახელი, ააგო კოშკი და იჯარით მისცა მევენახეებს, თვითონ კი წავიდა.

²როცა დრომ მოაწია, მევენახეებთან გაგზავნა მონა, რათამოსავალი ჩაებარებინა მათგან.

³ხოლო მათ შეიპყრეს იგი, სცემეს და ხელცარიელი გაუშვეს.

⁴კვლავ გაგზავნა მეორე მონა; მას ქვებით გაუტეხეს თავი დაშეგინებული გააგდეს.

⁵ახლა სხვა მონა გაგზავნა; ის კიდევ მოკლეს; და სხვასაცმრავალს ან სცემდნენ, ან კლავდნენ.

⁶ერთი საყვარელი ძეც ჰყავდა; ბოლოს ის გაგზავნა მათთან,რადგან ეგონა, ჩემი ძის მაინც მოერიდებათო.

⁷მაგრამ მევენახეებმა ერთმანეთს უთხრეს: აგერ მემკვიდრე;მოდით, მოვკლათ და მისი სამკვიდრთ ჩვენ დაგვრჩებაო.

⁸შეიპყრეს იგი, მოკლეს და ვენახს გარეთ დააგდეს.

⁹მერედა, რას იზამს ვენახის პატრონი? მოვა და დახოცავსმევენახეებს, ხოლო ვენახს სხვებს მისცემს.

¹⁰ნუთუ არ ამოგიკითხავთ წერილში: ქვა, რომელიც დაიწუნეს მშენებლებმა, კუთხის თავად დაიდვა?

¹¹უფლის მიერ იქმნა ეს, და საოცრებად უჩანს ჩვენს თვალს.

¹²უნდოდათ მისი შეპყრობა, ვინაიდან მიხვდნენ, რომ მათზე ამბობდა იგავს; მაგრამ ხალხისა შეეშინდათ, მიატოვეს და გაეცალნენ.

¹³მიუგზავნეს ზოგიერთი ფარისეველი და ჰეროდელი, რათა სიტყვის მახე დაეგოთ მისთვის.

¹⁴მივიდნენ ისინი და უთხრეს: მოძღვარო, ვიცით, რომ მართალიხარ, და არავის არჩევ, ვინაიდან არ უყურებ სახეს კაცისას, არამედ სამართლითგვასწავლი ღმრთის გზას. გვმართებს თუ არა ხარკი ვაძლიოთ კეისარს? ვაძლიოთთუ არ ვაძლიოთ?

¹⁵ხოლო იესომ შეიცნო მათი თვალთმაქცობა და უთხრა მათ: რატომმაცდუნებთ? მომიტანეთ დინარი, რათა ჩემი თვალით ვიხილო.

¹⁶მიუტანეს თუ არა, უთხრა მათ: ვისია ეს ხატი და ეს წარწერა? მიუგეს: კეისრისა.

¹⁷იესომ მიუგთ და უთხრა მათ: მიაგეთ კეისარს კეისრისა, ხოლოღმერთს - ღმრთისა. და უკვირდათ მისი.

¹⁸მერე მიუახლოვდნენ სადუკევეღნი, რომელნიც ამბობენ, რომ არარსებობს აღდგომა, და ჰკითხეს:

¹⁹მოძღვარო, მოსემ დაგვიწერა, თუ ვინმეს მოუკვდება ძმა,რომელსაც დარჩება ცოლი, მაგრამ არ დარჩება შვილი, დაე, მისმა ძმამმოიყვანოს მისი ცოლი, რათა აღუდგინოს თავის ძმას მისი თესლი.

²⁰იყო შვიდი ძმა; პირველმა შეირთო ცოლი და უშვილოდ მოკვდა.

²¹მეორემ შეირთო იგი და ისიც უშვილოდ მოკვდა. ასევემესამეც.

²²შვიდივეს ცოლად ჰყავდა და არცერთს არ დარჩა შვილი.ყველაზე ბოლოს კი ქალიც მოკვდა.

²³მერედა, აღდგომისას, როცა აღდგებიან, ვისი ცოლი იქნება იგი? ვინაიდან შვიდივეს ცოლად ესვა.

²⁴იესომ პასუხად მიუგო მათ: იმიტომ ხომ არ სცდებით, რომ არცწერილს იცნობთ და არც ღმრთის ძალას?

²⁵რადგან მკვდრეთით აღდგომისას არც ცოლს ირთავენ და არცთხოვდებიან, არამედ არიან, როგორც ანგელოზები ცაში.

²⁶ხოლო მკვდართა აღდგომისათვის არ წაგიკითხავთ მოსესწიგნში, რა უთხრა მას მაყვლოვანში ღმერთმა: მე ვარ ღმერთი აბრაამისა,ღმერთი ისააკისა და ღმერთი იაკობისა.

²⁷ღმერთი მკვდრებისა კი არ არის, არამედ - ცოცხლებისა. ხოლოთქვენ დიდად სცდებით.

²⁸მოვიდა ერთი მწიგნობართაგანი, რომელმაც გაიგონა მათიკამათი და მიხვდა, რომ კარგად მიუგო მათ, და ჰკითხა იესოს: რომელიაუპირველესი მცნება?

²⁹ხოლო იესომ მიუგო მას: აი, უპირველესი მცნება: ისმინე,ისრაელ! უფალი ღმერთი ჩვენი ერთი უფალია!

³⁰და: გიყვარდეს უფალი ღმერთი შენი მთელი შენი გულით დამთელი შენი სულით და მთელი შენი გონებით და მთელი შენი ძალით, - აი,უპირველესი მცნება.

³¹და მეორე, ამისი მსგავსი: გიყვარდეს მოყვასი შენი,ვითარცა თავი შენი. არ არსებობს ამათზე დიადი მცნება.

³²მწიგნობარმა უთხრა მას: კეთილი, მოძღვარო; ჭეშმარიტსამბობ, რომ ერთია ღმერთი, და არ არის სხვა, მის გარდა;

³³და რომ უნდა გვიყვარდეს იგი მთელი გულით და მთელი სულითდა მთელი გონებით და მთელი ძალით; და გვიყვარდეს მოყვასი, როგორც საკუთარითავი - ეს ყოველგვარ მსხვერპლსა და შესაწირავზე უმეტესია.

³⁴როცა იხილა იესომ, რომ გონივრულად უპასუხა, მიუგო მას: შორს როდი ხარ ღმრთის სასუფევლისგან. ამის შემდეგ ვეღარავინ ბედავდა რაიმე ეკითხა მისთვის.

³⁵კვლავ ასწავლიდა იესო ტაძარში და თქვა: როგორ ამბობენმწიგნობრები, რომ ქრისტე დავითის ძეა?

³⁶რადგან თვით დავითი ამბობს სულით წმიდით: უთხრა უფალმაჩემს უფალს: დაჯექ ჩემს მარჯვნივ, ვიდრე ფერხთით დაგიმხობ მტრებს.

³⁷ამრიგად, თვით დავითი უწოდებს მას უფალს; როგორღაეკუთვნის ძედ? დიდძალი ხალხი სიამოვნებით უსმენდა მას.

³⁸და თავისი სწავლით ამბობდა: ეკრძალეთ მწიგნობრებს,რომლებსაც უყვართ გრძელი სამოსით მოკაზმვა და საკრებულოებში - სალმისძღვნა,

³⁹სინაგოგებში - წინა რიბები და წვეულებებზე - სუფრის თავშიჯდომა.

⁴⁰რომლებიც ნთქამენ ქვრივთა სახლებს და თვალთმაქცურადლოცულობენ დიდხანს: მით უფრო მძიმე იქნება მათი სასჯელი.

⁴¹დაჯდა იესო საგანძურის წინ და უყურებდა, როგორ ყრიდახალხი ფულს საგანძურში. ხოლო ბევრი მდიდარი ბლომად ყრიდა.

⁴²მოვიდა ერთი საწყალი ქვრივი ქალი და ჩააგდო ორი ლეპტა,რაც შეადგენს კოდრანტს.

⁴³მოუხმო თავის მოწაფეებს და უთხრა მათ: ჭეშმარიტადგეუბნებით თქვენ, რომ ამ საწყალმა ქვრივმა ყველაზე მეტი ჩააგდო საგანძურში.

⁴⁴ვინაიდან ყველა აგდებდა იმას, რაც ზედმეტი ჰქონდა, ხოლომან ჩააგდო მთელი თავისი სისაწყლე, მთელი თავისი საბადებელი.