Read ახალი ქართულით, Modern Georgian Bible, 1982 მარკოზის 9 Bible Online

მარკოზის 9 - ახალი ქართულით, Modern Georgian Bible, 1982 bible

მარკოზის 9

¹და უთხრა მათ: ჭეშმარიტად გეუბნებით თქვენ: ზოგი აქ მყოფთაგანი არ იგემებს სიკვდილს, სანამ არ იხილავს ღმრთის სასუფეველს, მომავალს ძალმოსილებით.

²ექვსი დღის შემდეგ წაიყვანა იესომ პეტრე, იაკობი დაიოანე, მარტო ისინი აიყვანა მაღაღ მთაზე და მათ წინაშე იცვალა ფერი.

³სამოსი მისი გახდა მოელვარე და ისეთი სპეტაკი, როგორცვერცერთი მრეცხავი ვერაფერს გაასპეტაკებს ამ ქვეყნად.

⁴და მოევლინა მათ ელია და მოსე, იესოსთან მოსაუბრენი.

⁵და უთხრა პეტრემ იესოს: რაბი! რა გვიჯობს აქ ყოფნას?მოდი, გავაკეთოთ სამი კარავი: ერთი - შენ, ერთი - მოსეს და ერთიც - ელიას.

⁶რადგან არ იცოდა, რა ეთქვა, ვინაიდან შეშინებულნი იყვნენ.

⁷გამოჩნდა ღრუბელი და ჩრდილით დაბურა ისინი. და გაისმა ხმაღრუბლით, რთმელმაც თქვა: ეს არის ძე ჩემი საყვარელი: უსმინეთ მას.

⁸იმწამსვე მიმოიხედეს, მაგრამ ვერავინ დაინახეს იესოსგარდა.

⁹ხოლო მთიდან ჩამოსვლისას იესომ უბრძანა მათ, არავისთვისგაენდოთ ეს ხილვა, ვიდრე ძე კაცისა არ აღდგებთდა მკვდრეთით.

¹⁰მათ დაიხსომეს ეს სიტყვა და ერთმანეთს ეკითხებთდნენ: რას ნიშნავს მკვდრეთით აღდგომა?

¹¹და ჰკითხეს მას: რატომ ამბობენ მწიგნობარნი, პირველად ელია უნდა მოვიდესო?

¹²ხოლო მან პასუხად თქვა: მართალია, პირველად ელია უნდამოვიდეს და აღადგინოს ყოველი. კაცის ძეს კი, როგორც დაიწერა მასზე, დიდიტანჯვა და შეურაცხყოფა ელის.

¹³მაგრამ გეუბნებით: ელია უკვე მოვიდა და როგორც უნდოდათ, ისე მოექცნენ; როგორც დაიწერა მისთვის.

¹⁴როცა მოწაფეებთან დაბრუნდა, იხილა მათ ირგვლივ შეკრებილიდიდძალი ხალხი და მათთან მოკამათე მწიგნობრები.

¹⁵მაშინვე შენიშნა მთელმა ხალხმა; განცვიფრებულნიგამოიქცნენ და მიესალმნენ.

¹⁶ჰკითხა მწიგნობრებს: რას ედავებით ამათ?

¹⁷ერთმა კაცმა ხალხიდან მიუგო მას: მოძღვარო, ჩემი ძემოგგვარე, შეპყრობილი სიმუნჯის სულით.

¹⁸სადაც მოიხელთებს, ძირს დასცემს; დუჟი გადმოსდის, კბილებსაღრჭიალებს და შეშდება. ვთხოვე შენს მოწაფეებს, განდევნეთ-მეთქი, მაგრამვერ შესძლეს.

¹⁹ხოლო იესომ პასუხად თქვა: ო, ურწმუნო მოდგმავ, როდემდისვიქნები თქვენთან? როდემდის მოგითმენთ თქვენ? აქ მომგვარეთ!

²⁰მიჰგვარეს იგი, და იხილა თუ არა იესო, სულმა შეარყიაბავშვი, მიწაზე დაეცა და გორავდა დუჟმორეული.

²¹ჰკითხა მამამისს: რამდენი ხანია ასე? ხოლო მან მიუგო: სიყრმითგანვე.

²²მრავალჯერ ჩაუგდია სულს ცეცხლსა თუ წყალში, რათა დაეღუპაიგი. მაშ, თუ რამ შეგიძლია, შეგვიწყალე და შეგვეწიე.

²³ხოლო იესომ უთხრა მას: თუ შეგიძლია გწამდეს, ყველაფერიშესაძლოა მორწმუნისათვის.

²⁴ბავშვის მამამ მყისვე შეჰღაღადა ცრემლების ფრქვევით:მწამს, უფალო; შეეწიე ჩემს ურწმუნოებას.

²⁵როდესაც დაინახა იესომ, რომ ხალხი ეხვევა გარშემო,შერისხა სული და უთხრა: ყრუ-მუნჯო სულო! გიბრძანებ გამოხვიდე მაგისგან დააღარასოდეს შეხვიდე მასში!

²⁶სულმა შეჰყვირა, საშინლად შეარყია იგი და გამოვიდა, ხოლობავშვი მკვდარს დაემსგავსა; ასე რომ, ბევრი ამბობდა კიდეც: მოკვდაო.

²⁷მაგრამ იესომ ხელი მოჰკიდა, წამოაყენა და ისიც აღდგა.

²⁸როდესაც სახლში შევიდა, მისმა მოწაფეებმა განცალკევებითჰკითხეს: რატომ ჩვენ ვერ შევძელით მისი განდევნა?

²⁹და უთხრა მათ: ამ მოდგმას ვერაფრით ვერ განდევნი, თუ არალოცვით და მარხვით.

³⁰წამოვიდა იქიდან, გალილეა გადაიარა და არ უნდოდა ვინმესგაეგო ეს.

³¹ვინაიდან ასწავლიდა თავის მიწაფეებს და ეუბნებოდა მათ, რომ ძე კაცისა მიეცემა კაცთა ხელში, მოკლავენ მას და, სიკვდილის შემდეგ, მესამე დღეს აღდგება მკვდრეთით.

³²მაგრამ მათ ვერ გაიგეს ეს სიტყვები, კითხვა კი ვერშეჰბედეს.

³³მივიდა კაპერნაუმში; და სახლში ყოფნისას ჰკითხა მათ: რაზემსჯელობდით გზაში?

³⁴ისინი კი დუმდნენ, ვინაიდან გზაში იმაზე ბჭობდნენ, ვინუფრო დიდიაო.

³⁵მაშინ დაჯდა, მოუხმო თორმეტს და უთხრა მათ: ვისაც სურსპირველი იყოს, ყველაზე უკანასკნელი იქნება და ყველას მსახური.

³⁶მოიყვანა პატარა ბავშვი, მათ შორის ჩააყენა, ხელი მოხვიადა უთხრა მათ:

³⁷ვინც შეიწყნარებს ერთ ამნაირ ბავშვს ჩემი სახელით, მეშემიწყნარებს, ხოლო ჩემი შემწყნარებელი მე კი არ შემიწყნარებს, არამედ ჩემსმომავლინებელს.

³⁸მიუგო იოანემ და უთხრა მას: მოძღვარო, ვიხილეთ კაცი,რომელიც შენი სახელით აძევებს ეშმაკთ და ჩვენ კი არ მოგვდევს; დაავუკრძალეთ იმიტომ, რომ ჩვენ არ მოგვყვება.

³⁹ხოლო იესომ თქვა: ნუ უკრძალავთ, რადგან ვერავინ, ვინცჩემი სახელით ახდენს სასწაულს, აგრე იოლად ვერ იტყვის ჩემს ძვირს.

⁴⁰რადგან ვინც ჩვენს წინააღმდეგ არაა, ჩვენს მხარესაა.

⁴¹იმას, ვინც ჭიქა წყალს მოგაწვდით ჩემი სახელით, ვინაიდანქრისტესი ხართ, ჭეშმარიტად გეუბნებით: არ დაეკარგება თავისი საზღაური.

⁴²და ვინც აცთუნებს თუნდაც ერთ ამ მცირეთაგანს, რომელსაც მევწამვარ, უჯობს წისქვილის დოლაბი დაჰკიდონ ყელზე და ზღვაში დანთქან.

⁴³თუ შენი ხელი გაცთუნებს, მოიკვეთე იგი: გიჯობს სახიჩარიშეხვიდე სიცოცხლეში, ვიდრე ორივე ხელის მქონე ჩავარდე გეენაში, გაუნელებელცეცხლში,

⁴⁴სადაც ულევია მათთვის მატლი და უშრეტი - ცეცხლი.

⁴⁵თუ შენი ფეხი გაცთუნებს, მოიკვეთე იგი: გიჯობს კოჭლიშეხვიდე სიცოცხლეში, ვიდრე ორივე ფეხის მქონე ჩავარდე გეენაში, გაუნელებელცეცხლში,

⁴⁶სადაც ულევია მათთვის მატლი და უშრეტი - ცეცხლი.

⁴⁷ხოლო თუ შენი თვალი გაცთუნებს, ამოითხარე იგი: გიჯობსცალთვალა შეხვიდე ღმრთის სასუფეველში, ვიდრე ორივე თვალის მქონე ჩავარდეცეცხლის გეენაში,

⁴⁸სადაც ულევია მათთვის მატლი და უშრეტი - ცეცხლი.

⁴⁹რადგან ყველაფერი ცეცხლით დამარილდება და ყოველიშესაწირავი მარილით დამარილდება.

⁵⁰კარგი რამ არის მარილი; მაგრამ თუ მარილი უმარილო გახდა,რაღათი შეანელებთ მას? გქონდეთ მარილი თქვენში და მშვიდობით იყავითერთმანეთს შორის.