Read ახალი ქართულით, Modern Georgian Bible, 1982 ლუკას 1 Bible Online

ლუკას 1 - ახალი ქართულით, Modern Georgian Bible, 1982 bible

ლუკას 1

¹რაკი მრავალმა მიჰყო ხელი იმ ამბების დალაგებით გადმოცემას, რომლებიც ჩვენში მოხდა,

²როგორც გადმოგვცეს მათ, ვინც იმთავითვე თვითმხილველნიიყვნენ და სიტყვის მსახურნი,

³მეც მართებულად მივიჩნიე, ყველაფრის თავიდანვეგამოწვლილვით განხილვის შემდეგ, თანმიმდევრულად აღმეწერა ისინი შენთვის,ღირსეულო თეოფილე,

⁴რათა შეიცნო იმ მოძღვრების უმცდარობა, რაც გისწავლია.

⁵იუდეის მეფის - ჰეროდეს დღეებში იყო ერთი მღვდელი, აბიასწყებისა, სახელად ზაქარია, და მისი ცოლი, აარონის ასულთაგანი, სახელადელისაბედი.

⁶ორივენი მართალნი იყვნენ ღმერთის წინაშე და უმწიკვლოდასრულებდნენ უფლის ყვებლა მცნებასა და განაწესს.

⁷მაგრამ არ ჰყავდათ შვილი, ვინაიდან ელისაბედი უნაყოფოიყო, და ორივენი ხანშიშესულნი იყვნენ.

⁸ერთხელ, როცა თავისი წყების წესისამებრ, მღვდელმსახურებდაიგი ღმერთის წინაშე,

⁹მღვდელთა მსახურების ჩვეულებისამებრ, წილად ხვდასაკმევლის კმევა, და შევიდა უფლის ტაძარში.

¹⁰ხოლო ხალხის მთელი სიმრავლე გარეთ ლოცულობდა კმევისას.

¹¹მაშინ მოევლინა მას უფლის ანგელოზი, სასაკმევლე საკურთხევლის მარჯვნივ მდგომარე.

¹²მისი ხილვისას შეძრწუნდა ზაქარია და თავზარი დაეცა.

¹³ხოლო ანგელოზმა უთხრა მას: ნუ გეშინია, ზაქარია, ვინაიდან შესმენილ იქნა შენი ვედრება, და შენი ცოლი ელისაბედი გიშობს ძეს, და უწოდებ მას სახელად იოანეს.

¹⁴გეღირსება სიხარული და სიხალისე, და მრავალნი გაიხარებენმისი შობით.

¹⁵ვინაიდან დიდი იქნება უფლის წინაშე, ღვინოსა და სიკერასარ დალევს, და სულით წმიდით აღივსება დედის საშოშივე.

¹⁶და მრავალ ძეს ისრაელისას მოაქცევს უფლის - მათი ღმერთის მიმართ.

¹⁷უწინამძღვრებს მათ ელიას სულით და ძალით, რათა მოაქციოსმამების გული შვილების მიმართ, ხოლო ურჩნი - მართალთა გონიერების მიმართ,და, ამრიგად, განუმზადოს უფალს მზადმყოფი ხალხი.

¹⁸უთხრა ზაქარიამ ანგელოზს: მერედა, რითი გავიგებ ამას?რადგან მე მოხუცი ვარ და ჩემი ცოლიც ხანშია შესული.

¹⁹მიუგო ანგელოზმა და უთხრა მას: მე ვარ გაბრიელი, ღმრთისწინაშე მდგომელი, და მოვლინებუღი ვარ, რათა გითხრა და გახარო ეს.

²⁰აჰა, დადუმდები და სიტყვას ვერ დასძრავ იმ დღემდე, როცაახდება ეს, ვინაიდან არ ერწმუნე ჩემს სიტყვებს, რომლებიც აღსრულდება თავისდროს.

²¹ხოლო ხალხი ელოდა ზაქარიას და უკვირდა მისი დაყოვნებატაძარში.

²²და როდესაც გამოვიდა, ვერ შესძლო ხმა გაეცა მათთვის.მიხვდნენ, რომ ხილვა ეხილა ტაძარში. მხოლოდ ანიშნა მათ და დარჩა უხმოდ.

²³ხოლო როდესაც გავიდა მისი მღვდელმსახურების ყავლი, სახლშიდაბრუნდა.

²⁴იმ დღეთა შემდეგ მუცლად იღო ელისაბედმა, მისმა ცოლმა;ხუთი თვე იმალებოდა და ამბობდა:

²⁵ასე მიყო უფალმა იმ დღეებში, როცა მომხედა, რათა წარეხოცაჩემი სირცხვილი ხალხში.

²⁶ხოლო მეექვსე თვეს მოვლინებულ იქნა გაბრიელ ანგელოზიღმერთის მიერ გალილეის ქალაქში, რომელსაც ეწოდება ნაზარეთი,

²⁷ქალწულთან, რომელიც დანიშნული იყო კაცზე, და სახელი მისი- იოსები, დავითის მოდგმისა, ხოლო სახელი ქალწულისა - მარიამი.

²⁸შევიდა ანგელოზი მასთან და უთხრა: გიხაროდეს მადლითმოსილო: უფალი შენთანაა; კურთხეული ხარ დედათა შორის.

²⁹ხოლო ის შეძრწუნდა მის სიტყვაზე და ჩაფიქრდა: ნეტა რასუნდა ნიშნავდეს ეს მოკითხვაო?

³⁰ანგელოზმა უთხრა მას: ნუ გეშინია, მარიამ, რადგანაც ჰპოვემადლი ღმრთის წინაშე.

³¹აჰა, მუცლად იღებ და შობ ძეს, და უწოდებ სახელად იესოს.

³²დიდი იქნება იგი და უზენაესის ძედ იწოდება, და მისცემსღმერთი მამამისის, დავითის, ტახტს.

³³საუკუნოდ იმეფებს იაკობის სახლზე და არ იქნება დასასრულიმისი სუფევისა.

³⁴ხოლო მარიამმა უთხრა ანგელოზს: როგორ იქნება ეგ, მამაკაცირომ არ ვიცი?

³⁵მიუგო ანგელოზმა და უთხრა მას: სული წმიდა გადმოვა შენზე,და უზენაესის ძალა მოგიჩრდილებს. ამიტომაც ღმრთის ძედ იწოდება წმიდაშობილი.

³⁶აჰა, ელისაბედმაც, შენმა ნათესავმა, მუცლად იღო ძესიბერის ჟამს, და ეს მეექვსე თვეა მისთვის, ვინც უნაყოფოდ იყო ხმობილი,

³⁷რადგან ღმერთისთვის არაფერია შეუძლებელი.

³⁸ხოლო მარიამმა თქვა: აჰა, მხევალი უფლისა! მეყოს მე შენისიტყვისამებრ! და განეშორა მას ანგელოზი.

³⁹ადგა მარიამი იმ დღეებში და სასწრაფოდ მიაშურა მთიანეთს,იუდას ქალაქს.

⁴⁰შევიდა ზაქარიას სახლში და მოიკითხა ელისაბედი.

⁴¹როგორც კი გაიგონა ელისაბედმა მარიამის მოკითხვა, ყრმაშეიძრა მის მუცელში, და აღივსო სულით წმიდით ელისაბედი.

⁴²ხმამაღლა შეღაღადა და თქვა: კურთხეული ხარ დედათა შორისდა კურთხეულია შენი მუცლის ნაყოფი!

⁴³ვინ გამხადა იმის ღირსი, რომ ჩემთან მოვიდა ჩემი უფლისდედა?

⁴⁴ვინაიდან, როგორც კი ჩემს ყურს მოსწვდა შენი მოკითხვისხმა, სიხარულით შეიძრა ყრმა ჩემს მუცელში.

⁴⁵ნეტარია, ვინც ირწმუნა, რადგანაც აუსრულდება ყველაფერი,რაც ეუწყა უფლის მიერ.

⁴⁶და თქვა მარიამმა: ადიდებს ჩემი სული უფალს,

⁴⁷გაიხარა ჩემმა სულმა ღმერთის, ჩემი მაცხოვრის გამო.

⁴⁸ვინაიდან მოხედა თავისი მხევლის სიმდაბლეს: და, აჰა,ამიერიდან ნეტარად შემრაცხავს ყოველი მოდგმა;

⁴⁹რადგანაც დიდი სიკეთე მიყო ყოვლადძლიერმა, და წმიდაა მისისახელი.

⁵⁰წყალობა მისი თაობებიდან თაობებამდე ღმრთისმოშიშთამიმართ.

⁵¹მოავლინა თავისი მკლავის სიმტკიცე და გაჰფანტა ქედმაღალთაგულის ზრახვანი.

⁵²დაამხო ტახტთაგან ძლიერნი და აამაღლა მდაბალნი.

⁵³სიკეთით აავსო მშიერნი და ხელცარიელი გაისტუმრა მდიდარნი.

⁵⁴შეეწია ისრაელს, მონას თვისას, და გაიხსენა წყალობა.

⁵⁵როგორც აუწყა ჩვენს მამებს, აბრაამს და მის შთამომავალთუკუნისამდე.

⁵⁶სამი თვე დაჰყო მარიამმა ელისაბედთან და წავიდა თავისსახლში.

⁵⁷ხოლო ელისაბედისთვის მოაწია შობის ჟამმა და შობა ძე.

⁵⁸გაიგეს მეზობლებმა და ნათესავებმა, რომ უფალმა განადიდათავისი წყალობა მის მიმართ და ხარობდნენ მასთან ერთად.

⁵⁹მერვე დღეს მოვიდნენ ყრმის წინადასაცვეთად და უნდოდათმამის სახელი დაერქმიათ მისთვის, ზაქარია.

⁶⁰მაგრამ დედამისმა თქვა: არა, არამედ იოანე ერქმევა მას.

⁶¹უთხრეს: არავინა გვყავს გვარში ისეთი, რომ ეგ სახელი ერქვას.

⁶²და ნიშნებით ეკითხებოდნენ მამამისს, რა სურდა დაერქმიამისთვის.

⁶³ხოლო მან მოითხოვა ფიცარი და დაწერა: იოანეა მისი სახელი.და უკვირდა ყველას.

⁶⁴მაშინვე ამოიდგა ენა, ხმა ამოიღო და აკურთხებდა ღმერთს.

⁶⁵შიშმა მოიცვა ყველა მეზობელი, და იუდეას მთელს მთიანეთსმოედო ეს ამბავი.

⁶⁶ყველამ, ვინც გაიგო, გულს ჩაიბეჭდა და ამბობდა: რა გამოვაეს ბავშვი? და იყო ხელი უფლისა მასთან.

⁶⁷ხოლო ზაქარია, მამამისი, აღივსო სულით წმიდით,წინასწარმეტყველებდა და ამბობდა:

⁶⁸კურთხეულია უფალი ღმერთი ისრაელისა, ვინაიდან მოხედა დაიხსნა თავისი ხალხი.

⁶⁹აღგვიმართა რქა ხსნისა თავისი მონის, დავითის სახლში.

⁷⁰როგორც გვაუწყა თავის წმიდა წინასწარმეტყველთა პირით,რომელნიც უკუნისიდან იყვნენ:

⁷¹რომ გვიხსნიდა ჩვენი მტრებისგან და ყველა ჩვენი მოძულის ხელიდან;

⁷²რომ მოწყალე იქნებოდა ჩვენი მამების მიმართ დაგაიხსენებდა თავის წმიდა აღთქმას;

⁷³თანახმად ფიცისა, რომლითაც შეჰფიცა მამას ჩვენსასაბრაამს, რომ მოგვცემდა ჩვენ,

⁷⁴მის შემდეგ, რაც დაგვიხსნიდა ჩვენი მტრების ხელიდან, -მის მიმართ უშიშრად

⁷⁵და მის წინაშე სიწმინდითა და სიწრფელით მსახურების ნებასმთელი ჩვენი სიცოცხლის მანძილზე.

⁷⁶ხოლო შენ, ყრმაო, უზენაესის წინასწარმეტყველად იწოდები,რადგანაც წინ წარუძღვები უფალს, რათა გაამზადო მისი გზა.

⁷⁷და მათი ცოდვების მიტევებით მისცე მის ხალხს ხსნისშემეცნება.

⁷⁸ჩვენი ღმერთის გულმოწყალებით, ვისი მეოხებითაცგადმოგვხედა აღმოსავლეთმა მაღლით.

⁷⁹რათა გაენათლებინა სიბნელესა და სიკვდილის ჩრდილშიმსხდომნი და მშვიდობის გზით წარემართა ჩვენი ნაბიჯი.

⁸⁰ხოლო ყრმა იზრდებოდა და მტკიცდებოდა სულით, და იყოუდაბნოში იმ დღემდე, როცა გამოეცხადა ისრაელს.