Read ახალი ქართულით, Modern Georgian Bible, 1982 ლუკას 10 Bible Online

ლუკას 10 - ახალი ქართულით, Modern Georgian Bible, 1982 bible

ლუკას 10

¹ამის შემდეგ აირჩია უფალმა სხვა სამოცდაათი მოწაფეც და წინასწარ წარგზავნა ისინი წყვილ-წყვილად იმ ქალაქებსა თუ სოფლებში, სადაც თვითონ აპირებდა მისვლას.

²უთხრა მათ: სამკალი ბევრია, მაგრამ ცოტანი არიანმომკალნი. მაშ, ევედრეთ სამკალის პატრონს, რათა მუშაკნი მოავლინოს თავისსამკალში.

³წადით: აჰა, მე გგზავნით თქვენ, როგორც კრავებს მგლებსშორის.

⁴ნუ წაიტანებთ ნურც ფუთას, ნურც აბგას, ნურც ფეხსაცმელს,და ნურავის მიესალმებით გზაში.

⁵რომელ სახლშიც უნდა შეხვიდეთ, თავდაპირველად თქვით:მშვიდობა ამ სახლს.

⁶თუ იქნება იქ ძე მშვიდობისა, მასზე დაივანებს თქვენიმშვიდობა; თუ არა და - თქვენვე დაგიბრუნდებათ.

⁷იმავე სახლში დარჩით, ჭამეთ და სვით, რაცა აქვთ, რადგანაცღირსია მაშვრალი თავისი საზღაურისა. ნუ გადახვალთ სახლიდან სახლში.

⁸თუ რომელიმე ქალაქში მიხვალთ და მიგიღებენ, ჭამეთ, რაცშემოგთავაზონ.

⁹განკურნეთ იქაური სნეულნი და უთხარით მათ: მოგიახლოვდათღმრთის სასუფეველი.

¹⁰ხოლო თუ რომელიმე ქალაქში მიხვალთ და არ მიგიღებენ, ქუჩაში გამოსვლისას თქვით:

¹¹თვით მტვერს, რომელიც თქვენს ქალაქში მოგვეკრა, ჩამოვიბერტყავთ და თქვენ გიტოვებთ; მაგრამ იცოდეთ, რომ მოგიახლოვდათ ღმრთის სასუფეველი.

¹²გეუბნებით, განკითხვის დღე სოდომისათვის უფრო ასატანი იქნება, ვიდრე ამ ქალაქისათვის.

¹³ვაი, შენდა, ქორაზინ! ვაი შენდა, ბეთსაიდა! რადგან ტიროსსა და სიდონს რომ მოვლენოდა თქვენში მოვლენილი სასწაული, რა ხანია ძაძასა და ნაცარში მსხდომნი შეინანებდნენ.

¹⁴ამიტომ განკითხვის დღე ტიროსისა და სიდონისთვის უფროასატანი იქნება, ვიდრე თქვენთვის.

¹⁵და შენ, კაპერნაუმ, თვით ზეცამდე ამაღლებული, ჯოჯოხეთამდედაემხობი.

¹⁶თქვენი მსმენელი მე მისმენს და თქვენი უარმყოფელი მე უარმყოფს; ხოლო ვინც მე უარმყოფს, უარყოფს ჩემს მომავლინებელს.

¹⁷სამოცდაათნი სიხარულით დაბრუნდნენ და თქვეს: უფალო,ეშმაკნიც კი გვმორჩილებენ შენი სახელით.

¹⁸და უთხრა მათ: ვხედავდი სატანას, ელვასავით რომ ვარდებოდაციდან.

¹⁹აჰა, მოგცემთ თქვენ ხელმწიფებას გველთა და მორიელთადათრგუნვისა და მტრის ყოველი ძალისა; და ვერაფერი გავნებთ თქვენ.

²⁰მაგრამ ის ნუკი გახარებთ, რომ სულები გმორჩილებენ, არამედის გიხაროდეთ, რომ თქვენი სახელები დაიწერა ცაში.

²¹მაშინ გაიხარა იესომ სულით და თქვა: გაღიარებ, მამაო, ცისა და მიწის უფალო, ვინაიდან ბრძენთა და გამგებთ დაუმალე ეს და გაუცხადე ჩვილ ბალღებს. დიახ, მამაო, ვინაიდან ასე კეთილინებე შენ.

²²ყველაფერი მამისაგან მომეცა მე, და არავინ იცის, ვინ არისძე, გარდა მამისა, და არც ის, ვინ არის მამა, გარდა ძისა და იმისა,ვისთვისაც ძე ინებებს გამოცხადებას.

²³მიუბრუნდა მოწაფეებს და განცალკევებით უთხრა: ნეტარ არიან თვალნი, რომელნიც ხედავენ, რასაც თქვენ ხედავთ.

²⁴რადგანაც გეუბნებით თქვენ: მრავალ წინასწარმეტყველსა დამეფეს სურდათ ეხილათ ის, რასაც თქვენ ხედავთ, და ვერ იხილეს; და ესმინათის, რასაც თქვენ ისმენთ, და ვერ ისმინეს.

²⁵და აჰა, ერთი რჯულის მოძღვარი წამოდგა და საცდუნებლადუთხრა მას: მოძღვარო, რა უნდა ვქნა, რომ დავიმკვიდრო საუკუნო სიცოცხლე?

²⁶უთხრა მას: რა სწერია რჯულში? როგორ ამოიკითხავ?

²⁷ხოლო მან პასუხად თქვა: გიყვარდეს უფალი ღმერთი შენიმთელი შენი გულით და მთელი შენი სულით და მთელი შენი გონებით; და: მოყვასიმენი, ვითარცა თავი შენი.

²⁸უთხრა მას: სწორად მიპასუხე; ეგრე მოიქეცი და ცხონდები.

²⁹ხოლო მან თავის გასამართლებლად ჰკითხა იესოს: კი მაგრამ,ვინ არის ჩემი მოყვასი?

³⁰მიუგო იესომ და უთხრა მას: ერთი კაცი იერუსალიმიდანიერიხონს მიდიოდა და ყაჩაღებს ჩაუვარდა ხელში, რომლებმაც გაძარცვეს, დაჭრესდა გაიქცნენ, ის კი ცოცხალ-მკვდარი დააგდეს.

³¹შემთხვევით ერთმა მღვდელმა ჩამოიარა ამ გზაზე და დაინახა იგი, მაგრამ გვერდი აუქცია.

³²ასევე ერომა ლევიტელმაც ჩამოიარა იქვე, დაინახა და გვერდიაუქცია.

³³მერე ერთმა გზად მიმავალმა სამარიელმა ჩამოიარა, დაინახადა შეებრალა იგი;

³⁴მივიდა, ზეთითა და ღვინით მოჰბანა ჭრილობები და შეუხვია; თავის სახედარზე შესვა, სასტუმროში მიიყვანა და უპატრონა.

³⁵ხოლო მეორე დღეს, გამგზავრებისას, ამოიღო ორი დინარი,მეფუნდუკეს მისცა და უთხრა: მიმიხედე და თუ მეტი დაგეხარჯება, აქეთობასგადაგიხდიო.

³⁶როგორ გგონია, ამ სამთაგან რომელი იყო მისი მოყვასი, ვინცხელთ ჩაუვარდა ყაჩაღებს?

³⁷მან მიუგო: ის, ვინც მოწყალება გამოიჩინა მის მიმართ. დაუთხრა მას იესომ: წადი და შენც ასევე მოიქეცი.

³⁸მოხდა ისე, რომ გზად მიმავალი ერთ სოფელში შევიდა დავიღაც ქალმა, რომელსაც სახელად ერქვა მართა, თავის სახლში შეიპატიჟა იგი.

³⁹ამ ქალს ჰყავდა და, სახელად მარიამი, რომელიც იესოსფერხთით ჩამოჯდა და ისმენდა მის სიტყვას.

⁴⁰მართა კი დაფუსფუსებდა, ვინაიდან ბევრი საზრუნავი ჰქონდასამასპინძლოდ; მივიდა და უთხრა მას: უფალო, ნუთუ ვერ ხედავ, რომ ჩემმა დამმარტო მე მომანდო მასპინძლობა? უთხარი, ხელი შემაშველოს.

⁴¹მიუგო იესომ და უთხრა მას: მართა, მართა, ბევრ რამეზეზრუნავ და შფოთავ;

⁴²მაგრამ საჭიროა მხოლოდ ერთი რამ. მარიამმა კი უკეთესიწილი ირჩია, რომელიც არ წაერთმევა მას.