Read ახალი ქართულით, Modern Georgian Bible, 1982 ლუკას 14 Bible Online

ლუკას 14 - ახალი ქართულით, Modern Georgian Bible, 1982 bible

ლუკას 14

¹მოხდა ისე, რომ შაბათ დღეს, ფარისეველთა ერთ-ერთი მთავრის სახლში მივიდა იესო პურის საჭმელად, ხოლო ისინი უთვალთვალებდნენ მას.

²და, აჰა, წარსდგა მის წინაშე წყალმანკით სნეული კაცი.

³მაშინ იესომ უთხრა რჯულის მოძღვრებს და ფარისევლებს:შეიძლება თუ არა კაცის განკურნვა შაბათს?

⁴ხოლო ისინი დუმდნენ. ის კი შეეხო, განკურნა იგი დაგაისტუმრა.

⁵და უთხრა მათ: რომელიმე თქვენგანს ვირი ან ხარი რომჩაუვარდეს ჭაში, განა დაუყოვნებლივ არ ამოიყვანს, შაბათიც რომ იყოს?

⁶ხოლო ამაზე ვეღარაფერი მიუგეს მას.

⁷როცა დაინახა, როგორ არჩევდნენ სტუმრები საპატიოადგილებს, იგავით უთხრა მათ:

⁸ვინმემ რომ ქორწილში დაგპატიჟოს, ნუ დაჯდები სუფრისთავში; იქნებ შენზე საპატით სტუმარიც ჰყავს:

⁹შეიძლება მოვიდეს შენი და მისი მასპინძელი და გითხრას:ადგილი დაუთმე ამ კაცსო, და მოგიწევს შერცხვენილს სუფრის ბოლოში გადაჯდომა.

¹⁰ამიტომ, როცა მიგიწვევენ, მიდი და სუფრის ბოლოს დაჯექი, რათა მოვიდეს მასპინძელი და გითხრას: მეგობარო, სუფრის თავში გადმობრძანდიო, და პატივი დაგედება თანამეინახეთა თვალში.

¹¹რადგანაც ყველა, ვინც აიმაღლებს თავის თავს, დამდაბლდება, და ვინც დაიმდაბლებს თავის თავს, ამაღლდება.

¹²ხოლო თავის მასპინძელს უთხრა: როცა სადილს ან ვახშამს მართავ, ნუ მოიწვევ ნურც შენს მეგობრებს, ნურც შენს ძმებს, ნურც შენს ნათესავებს, ნურც მდიდარ მეზობლებს, რათა მათაც არ მიგიწვიონ და, ამრიგად, მოგაგონ სანაცვლო.

¹³არამედ როცა წვეულება გაქვს, დაჰპატიჟე გლახაკნი, საპყარნი, კოჭლნი თუ ბრმანი.

¹⁴და ნეტარი იქნები, ვინაიდან ვერაფრით მოგაგებენსანაცვლოს; ამიტომაც მოგეგება მართალთა აღდგომისას.

¹⁵ეს რომ გაიგონა, ერთმა თანამეინახემ უთხრა: ნეტარია, ვინცჭამს პურს ღმრთის სასუფეველში.

¹⁶ხოლო იესომ მიუგო მას: ერთმა კაცმა დიდი წვეულება გამართა და მრავალნი მიიპატიჟა.

¹⁷როცა პურობის დრომ მოაწია, თავისი მონა გაგზავნა წვეულთადასაძახებლად: მობრძანდით, ყველაფერი უკვე მზად მაქვსო.

¹⁸მაგრამ ყველამ ერთხმად დაიწყო მობოდიშება. ერთმა თქვა:ყანა ვიყიდე; უეჭველად უნდა მივიდე და დავხედო, გთხოვ, მაპატიო.

¹⁹მეორემ თქვა: ხუთი უღელი ხარი ვიყიდე და მათ გამოსაცდელადმივდივარ: გთხოვ, მაპატიო.

²⁰მესამემ თქვა: ცოლი შევირთე და ამიტომ ვერ გეახლები.

²¹დაბრუნდა მონა და ყველაფერი მოახსენა პატრონს. მაშინგანრისხდა სახლის პატრონი და უთხრა თავის მონას: დაიარე სასწრაფოდ ქალაქისმოედნები და ქუჩები და მომგვარე გლახაკნი, საპყარნი, კოჭლნი და ბრმანი.

²²მონამ უთხრა: ბატონო, შევასრულე შენი ბრძანება, მაგრამმაინც გვრჩება ადგილი.

²³მაშინ უთხრა ბატონმა მონას: გადი გზებსა და შუკებში და ძალით მორეკე წვეულნი, რათა აივსოს ჩემი სახლი.

²⁴რადგანაც გეუბნებით: ვერცერთი იმ წვეულთაგანი ვერ იგემებსჩემს სადილს.

²⁵მასთან ერთად გზას ადგა დიდძალი ხალხი; მიუბრუნდა დაუთხრა მათ:

²⁶თუ ვინმე მოდის ჩემთან და არ მოიძულებს თავის დედ-მამას, თავის ცოლ-შვილს, თავის და-ძმას და თავის თავსაც, ვერ იქნება ჩემი მოწაფე.

²⁷ვინც არ აიღებს თავის ჯვარს და არ გამომყვება უკან, ვერიქნება ჩემი მოწაფე.

²⁸რადგან თუ რომელიმე თქვენგანი მოისურვებს კოშკის აგებას,განა თავდაპირველად არ დაჯდება და გამოთვლის ხარჯს, რაც დასჭირდება მისდასრულებას?

²⁹რათა, საძირკველს თუ ჩაყრის, მაგრამ ვერ შესძლებსდაასრულოს, მნახველებმა არ დაუწყონ დაცინვა

³⁰და თქვან: აი, კაცი, რომელმაც დაიწყო შენება და დასრულებაკი ვერ შესძლოო.

³¹ან რომელი მეფე აღიძვრის მეორე მეფის წინააღმდეგ, თუთავდაპირველად არ დაჯდა და მოითათბირა, შეუძლია თუ არა ათი ათასითგაუმკლავდეს ოცი ათას მომხდურს?

³²თუ არადა, ელჩებს გაუგზავნის, სანამ ჯერ კიდევ შორსაამტერი და დაზავებას სთხოვს.

³³ასე, ვერც ერთი თქვენგანი, ვინც არ განუდგება ყველაფერს,რაც აბადია, ვერ იქნება ჩემი მოწაფე.

³⁴კარგი რამ არის მარილი. მაგრამ თუ მარილი გამტკნარდა, რაღათი დაამარილებ?

³⁵აღარც სამიწედ ვარგა და აღარც სანეხვედ, არამედ - მხოლოდგადასაყრელად. ვისაც ყური აქვს სმენად. ისმინოს!