Read ახალი ქართულით, Modern Georgian Bible, 1982 ლუკას 20 Bible Online

ლუკას 20 - ახალი ქართულით, Modern Georgian Bible, 1982 bible

ლუკას 20

¹ერთ დღეს, როცა ხალხს ასწავლიდა ტაძარში და ახარებდა, მიადგნენ მღვდელმთავრები და მწიგნობრები უხუცესებთან ერთად.

²და უთხრეს: გვითხარი რომელი ძალით იქმ ამას? ან ვინ მოგცაეგ ძალა?

³მიუგო და უთხრა მათ: მეც ერთ რამეს გკითხავთ დამიპასუხეთ:

⁴ნათლისცემა იოანესი ზეციდან იყო თუ კაცთაგან?

⁵ხოლო ისინი ერთმანეთში ბჭობდნენ: თუ ვიტყვით - ზეციდანო,ის გვეტყვის, მაშინ რატომ არ ერწმუნეთ მას?

⁶ხოლო თუ ვიტყვით - კაცთაგანო, მთელი ხალხი ჩაგვქოლავს,ვინაიდან სწამთ, რომ იოანე წინასწარმეტყველი იყო.

⁷და მიუგეს: არ ვიცით, საიდან.

⁸ხოლო იესომ უთხრა მათ: მაშინ არც მე გეტყვით, რომელიძალით ვიქმ ამას.

⁹და უთხრა ხალხს ეს იგავი: ერთმა კაცმა ჩაყარა ვაზი დამისცა იგი მევენახეებს, თვითონ კი დიდი ხნით გაემგზავრა.

¹⁰როდესაც დრომ მოაწია, მონა გაუგზავნა მევენახეებს, რათა მოსავალი ჩაებარებინათ მისთვის; მაგრამ მევენახეებმა სცემეს და ხელცარიელი გაისტუმრეს.

¹¹ახლა სხვა მსახური გაგზავნა; ხოლო მევენახეებმა ისიც სცემეს, შეურაცხყვეს და ხელცარიელი გაუშვეს.

¹²და კვლავ გაგზავნა მესამეც; მათ კი დაჭრეს და გააგდეს იგი.

¹³მაშინ ვენახის პატრონმა თქვა: რა ვქნა? მოდი, გავგზავნი ჩემს საყვარელ ძეს, იქნებ მისი რიდი მაინც დაიდონო.

¹⁴მაგრამ როდესაც დაინახეს იგი, მევენახეებმა ბჭობაგამართეს და ერთმანეთს უთხრეს: აგერ მემკვიდრე; მოდი, მოვკლათ და ჩვენდაგვრჩება მისი სამკვიდრო.

¹⁵ვენახიდან გაიყვანეს და მოკლეს. მერედა, რას უზამს მათ ვენახის პატრონი?

¹⁶მოვა და დახოცავს ამ მევენახეებს, ხოლო ვენახს სხვებს მისცემს. და ამისმა მსმენელებმა თქვეს: ღმერთმა ნუ ქნას!

¹⁷იესომ კი შეხედა მათ და თქვა: რას ნიშნავს ეს წერილი:ქვა, რომეღიც დაიწუნეს მშენებლებმა, კუთხის თავად დაიდვა?

¹⁸ყველა, ვინც ამ ქვაზე დაეცემა, დაიმტვრევა, ხოლო ვისაც ისდაეცემა, გასრესს.

¹⁹მღვდელმთავრები და მწიგნობრები შეეცადნენ მაშინვე ხელიდაედოთ მისთვის, მაგრამ ხალხისა შეეშინდათ, ვინაიდან მიხვდნენ, რომ მათზეთქვა ეს იგავი.

²⁰და თვალყურის სადევნებლად მიუჩინეს ცბიერი მზირნი,რომლებსაც მართლებად მოჰქონდათ თავი, რათა სიტყვით დაეგოთ მახე, დაამრიგად, მმართველობისა და მთავრის ხელმწიფებისათვის მიეცათ იგი.

²¹ჰკითხეს: მოძღვარო, ვიცით, რომ მართალს ამბობ და ასწავლი,და არ უყურებ სახეს კაცისას, არამედ სიმართლით გვასწავლი ღმრთის გზას;

²²გვმართებს თუ არა ხარკი ვაძლიოთ კეისარს?

²³ხოლო იესომ შეიცნო მათი მზაკვრობა და უთხრა:

²⁴მაჩვენეთ დინარი: ვისია ეს ხატი და ეს წარწერა? მიუგეს:კეისრისა.

²⁵და უთხრა მათ: მაშ, მიაგეთ კეისარს კეისრისა, ხოლო ღმერთს- ღმრთისა.

²⁶ასე რომ, ვერ შესძლეს სიტყვის მახე დაეგოთ მისთვის ხალხისწინაშე და მისი პასუხით განცვიფრებულნი დადუმდნენ.

²⁷მიუახლოვდა რამდენიმე სადუკეველი, რომლებიც უარყოფდნენმკვდრეთით აღდგომას, და ჰკითხეს:

²⁸მოძღვარო, მოსემ დაგვიწერა: თუ ვინმეს მოუკვდება ძმა,რომელსაც ჰყავდა ცოლი, მაგრამ არ დარჩა შვილი, დაე, მისმა ძმამ მოიყვანოსმისი ცოლი, რათა აღუდგინოს თავის ძმას თესლი.

²⁹იყო შვიდი ძმა; პირველმა შეირთო ცოლი და უშვილოდ მოკვდა.

³⁰მოიყვანა მისი ცოლი მეორემ და ისიც უშვილოდ მოკვდა.

³¹ასევე მესამემაც, ვიდრე მეშვიდემდე, და შვიდივე უშვილოდგადაეგო.

³²ბოლოს კი ქალიც მოკვდა.

³³მერედა, აღდგომისას ამ შვიდთაგან ვისი ცოლი იქნება იგი?ვინაიდან შვიდივეს ცოლად ესვა.

³⁴იესომ პასუხად მიუგო მათ: ამ სოფლის მკვიდრნი ირთავენცოლს და თხოვდებიან;

³⁵ხოლო საუკუნო ცხოვრებისა და მკვდრეთით აღდგომის ღირსადშერაცხილნი არც ცოლს ირთავენ და არც თხოვდებიან;

³⁶თვით სიკვდილსაც კი ხელი არა აქვს მათთან, ვინაიდანანგელოზთა სწორნი და ღმრთის ძენი, აღდგომის ძენი არიან.

³⁷ხოლო მკვდარნი რომ აღდგებიან, ეს მოსემაც გვაუწყამაყვლოვანთან, რაკიღა აბრაამის ღმერთს, ისააკის ღმერთს და იაკობის ღმერთსუწოდებს უფალს.

³⁸ღმერთი მკვდრებისა კი არ არის, არამედ ცოცხლებისა,რადგანაც ყველა ცოცხალია მისთვის.

³⁹ზოგიერთმა მწიგნობარმა მიუგო და უთხრა: მოძღვარო, კარგადთქვი.

⁴⁰და უკვე ვეღარ ბედავდნენ, რაიმე ეკითხათ მისთვის.

⁴¹უთხრა მათ: როგორ ამბობენ, რომ ქრისტე დავითის ძეა?

⁴²ხოლო თვითონ დავითი ამბობს ფსალმუნთა წიგნში: უთხრაუფალმა ჩემს უფალს: დაჯექი ჩემს მარჯვნივ,

⁴³ვიდრე ფერხთით დაგიმხობ შენს მტრებს.

⁴⁴ამრიგად, თუ დავითი უფალს უწოდებს მას, როგორღა ეკუთვნისძედ?

⁴⁵ხოლო როცა მთელი ხალხი უსმენდა, თავის მოწაფეებს უთხრა:

⁴⁶ეკრძალეთ მწიგნობრებს, რომლებსაც ნებავთ გრძელიმოსასხამებით სიარული და უყვართ საკრებულოებში სალმის ძღვნა, სინაგოგებში -წინა რიგები და წვეულებებზე სუფრის თავში ჯდომა;

⁴⁷რომლებიც ნთქამენ ქვრივთა სახლებს და თანაც პირმოთნედლოცულობენ დიდხანს. მით უფრთ მძიმე იქნება მათი სასჯელი.