Read ახალი ქართულით, Modern Georgian Bible, 1982 ლუკას 21 Bible Online

ლუკას 21 - ახალი ქართულით, Modern Georgian Bible, 1982 bible

ლუკას 21

¹გაიხედა და დაინახა მდიდრები, შესაწირავს რომ ყრიდნენ საგანძურში.

²დაინახა ერთი საწყალი ქვრივიც, რომელმაც ორი ლეპტა ჩააგდოშიგ,

³და თქვა: ჭეშმარიტად გეუბნებით თქვენ, რომ ამ საწყალმაქვრივმა ყველაზე მეტი ჩააგდო;

⁴ვინაიდან ყველამ ჩააგდო ის, რაც ზედმეტი ჰქონდა, ხოლო მანთავისი სისაწყლით ჩააგდო მთელი თავისი საბადებელი.

⁵როდესაც ზოგიერთები ამბობდნენ ტაძარზე, პატიოსანითვლებითა და შესაწირავებით შემკულიაო, მან თქვა:

⁶მოვლენ დღენი, როცა ყოველივე ამისაგან, რასაც ხედავთ, ქვაქვაზედაც აღარ დარჩება, არამედ ყველაფერი დაინგრევა.

⁷ჰკითხეს: მოძღვარო, როდის მოხდება ეს? ან რა იქნებანიშანი იმისა, რომ ეს უნდა მოხდეს?

⁸ხოლო მან თქვა: ფხიზლად იყავით, რათა არ შეცდეთ; ვინაიდანმრავალნი მოვლენ ჩემი სახელით, და იტყვიან: მე ვარ; და: მოახლოვდა ჟამი; ნუშეუდგებით მათ კვალს.

⁹როდესაც გაიგებთ ომებისა და აშლილობების ამბავს, ნუშეძრწუნდებით, ვინაიდან ჯერ ეს უნდა მოხდეს, მაგრამ მაშინვე როდი დადგებააღსასრული.

¹⁰მაშინ უთხრა მათ: აღდგება ხალხი ხალხის წინააღმდეგ და სამეფო სამეფოს წინააღმდეგ;

¹¹და იქნება დიდი მიწისძვრანი, აქა-იქ - შიმშილობა და ჟამიანობა, საშინელებანი და დიადი სასწაულნი ზეცით.

¹²უწინარეს ყოვლისა კი ხელს დაგადებენ და დევნას დაგიწყებენ, სინაგოგებსა და საპყრობილეებს მიგცემენ, და მიგიყვანენ მეფეებისა და მთავრების წინაშე ჩემი სახელის გამო.

¹³და ეს იქნება თქვენს სამოწმებლად.

¹⁴მაშ, გულს ჩაიბეჭდეთ, რომ წინასწარ არ იზრუნებთ, რითიიმართლოთ თავი.

¹⁵ვინაიდან მე მოგცემთ სიტყვას და სიბრძნეს, რომელსაც წინ ვეღარ აღუდგება და ვერც შეეპასუხება ვერც ერთი თქვენი მოპირისპირე.

¹⁶გაგცემენ მშობლებიც და ძმებიც, ნათესავებიც და მეგობრებიც, ხოლო ზოგიერთ თქვენგანს მოკლავენ.

¹⁷და მოგიძულებთ ყველა ჩემი სახელის გამო.

¹⁸მაგრამ თქვენი თავიდან ერთი ბეწვიც არ დაიკარგება.

¹⁹მოთმინებით მოიპოვეთ თქვენი სული.

²⁰ხოლო როდესაც იხილავთ ლაშქრით გარშემორტყმულ იერუსალიმს,იცოდეთ, რომ მოახლოვდა მისი მოოხრების ჟამი.

²¹მაშინ იუდეას მყოფნი მთებში გაიქცნენ, ვინც მისშუაგულშია, გადაიხვეწოს და ველად მყოფნი ნუ შევლენ მასში.

²²ვინაიდან ესენი არიან შურისგების დღენი, რათა აღსრულდესმთელი წერილი.

²³ვაი ფეხმძიმეთ და მეძუძურთ იმ დღეებში, ვინაიდან მოიწევა მაშინ დიდი ჭირი ამ ქვეყნად და რისხვა ამ ხალხის თავზე.

²⁴დაეცემიან მახვილის პირით, ტყვედ წაისხმებიან ყველაქვეყანაში და იერუსალიმი გადაიქელება წარმართთა მიერ, ვიდრე არ აღსრულდებაწარმართთა ჟამი.

²⁵და იქნება ნიშები მზეზე, მთვარესა და ვარსკვლავეთში, ხოლომიწაზე - ზღვის ღრიალითა და ტალღების ზათქით შეძრწუნებული ხალხების ურვა.

²⁶შიშით გახევდებიან კაცნი, სამყაროს თავზე მოწევნადიუბედურების მოლოდინში, ვინაიდან შეიძვრიან ციური ძალნი.

²⁷მაშინ იხილავენ ძეს კაცისას, ღრუბლით მომავალს დიადიძალითა და დიდებით.

²⁸ხოლო როცა დაიწყება ყოველივე ამის ახდენა, აღიმართეთ დამაღლა ასწიეთ თავი, ვინაიდან ახლოვდება თქვენი გამოხსნა.

²⁹და უთხრა მათ იგავი: შეხედეთ ლეღვს და ყველა სხვა ხესაც:

³⁰როცა ფოთლები გამოაქვთ, შეხედავთ და იცით, რომ უკვე ახლოა ზაფხული.

³¹ასევე თქვენც, როცა იხილავთ, რომ ყოველივე ეს ხდება,იცოდეთ, რომ ახლოა ღმრთის სასუფეველი.

³²ჭეშმარიტად გეუბნებით თქვენ: არ გადავა ეს მოდგმა, ვიდრეყოველივე არ აღსრულდება.

³³ცა და მიწა გადავლენ, ხოლო ჩემი სიტყვები არ გადავლენ.

³⁴ფრთხილად იყავით, რათა არ დამძიმდეს თქვენი გულიგანცხრომით, სიმთვრალითა და ამქვეყნიური საზრუნავით, და ანაზდეულად არგიწიოთ იმ დღემ.

³⁵რადგანაც მახესავით დაეცემა მთელი დედამიწის მკვიდრთ.

³⁶მაშ, იფხიზლეთ და ილოცეთ მარადჟამ, რათა შეგეძლოთ თავიდააღწიოთ ყველაფერს, რაც მოიწევა, და კაცის ძის წინაშე წარსდგეთ.

³⁷დღისით ტაძარში ასწავლიდა, ხოლო შემდეგ გამოდიოდა დაღამეს ათევდა მთაზე, რომელსაც ეწოდება ზეთისხილისა.

³⁸და მთელი ხალხი დილაუთენია მიეშურებოდა მისკენ, ტაძარში,რათა მოესმინა მისთვის.