Read ახალი ქართულით, Modern Georgian Bible, 1982 ლუკას 24 Bible Online

ლუკას 24 - ახალი ქართულით, Modern Georgian Bible, 1982 bible

ლუკას 24

¹ხოლო კვირის პირველ დღეს გამზადებული სურნელებით დილაუთენია მივიდნენ სამარხთან.

²მაგრამ ლოდი სამარხიდან გადაგორებული დახვდათ.

³და შიგ შესვლისას ვეღარ ნახეს უფალი იესოს გვამი.

⁴ამის გამო საგონებელში ჩავარდნილთ, აჰა, წარმოუდგათმოელვარე სამოსით მოსილი ორი კაცი.

⁵რაკი ისინი შეშინებულნი იყვნენ და თავჩაქინდრულნიჩაშტერებოდნენ მიწას, უთხრეს მათ: რად ეძებთ ცოცხალს მკვდრებში?

⁶აქ აღარ არის, არამედ აღდგა; გაიხსენეთ, რას გეუბნებოდათ,როცა ჯერ კიდევ გალილეაში იყო:

⁷რომ ძე კაცისა უნდა მიეცეს ცოდვილ კაცთა ხელში, ჯვარსეცვას, და მესამე დღეს აღდგეს.

⁸და გაახსენდათ მისი სიტყვები.

⁹გამობრუნდნენ სამარხიდან და აუწყეს ყოველივე ეს თერთმეტსადა სხვა დანარჩენთაც.

¹⁰ესენი იყვნენ მარიამ მაგდალელი, იოანა, მარიამი, იაკობის დედა, და სხვები მათთან ერთად, მოციქულებს რომ აუწყეს ეს.

¹¹მაგრამ ფუჭად მოეჩვენათ ეს სიტყვები და არ ერწმუნენ მათ.

¹²ხოლო პეტრე ადგა, სამარხს მიაშურა და როცა დაიხარა, დაყრილი ტილოების მეტი ვერაფერი ნახა; და წამოვიდა განცვიფრებული იმის გამო, რაც მოხდა.

¹³იმავე დღეს ორი მათგანი მიდიოდა იერუსალიმიდან სამოცი უტევანით დაშორებულ დაბაში, რომელსაც ჰქვია ემაუსი;

¹⁴და ერთმანეთს ესაუბრებოდნენ ყოველივე ამის გამო.

¹⁵ამ საუბარსა და მსჯელობაში მიუახლოვდათ თვითონ იესო დადაემგზავრა მათ.

¹⁶მაგრამ მათ თვალები დასდგომოდათ, ასე რომ, ვერ იცნეს იგი.

¹⁷და უთხრა მათ: რას ეუბნებით ერთმანეთს გზაში, ან რატომახართ ასე მწუხარნი?

¹⁸ერთმა მათგანმა, სახელად კლეოპამ, მიუგო და უთხრა: ნუთუშენა ხარ ერთადერთი უცხო იერუსალიმში და არ იცი, ამ დღეებში რა მოხდა იქ?

¹⁹და ჰკითხა მათ: მაინც რა? ხოლო მათ მიუგეს: რა და, იესონაზარეველს, რომელიც იყო კაცი წინასწარმეტყველი, ღმრთისა და მთელი ხალხისწინაშე სიტყვითაც და საქმითაც მძლავრი, -

²⁰სიკვდილი მიუსაჯეს ჩვენმა მღვდელმთავრებმა დაწინამძღვრებმა და ჯვარს აცვეს იგი.

²¹ჩვენ კი იმედი გვქონდა, რომ სწორედ ის იყო, ვისაც უნდაეხსნა ისრაელი: მაგრამ, აი, უკვე მესამე დღეა, რაც ეს ამბავი მოხდა.

²²თუმცა ჩვენი ქალებიდან ზოგიერთმაც განგვაცვიფრა:დილაუთენია მივიდნენ სამარხთან

²³და ვერ იპოვეს მისი გვამი. მოვიდნენ და გვითხრეს, რომ უხილავთ ანგელოზები, რომლებსაც უთქვამთ, ცოცხალიაო.

²⁴ზოგიერთი ჩვენგანიც მივიდა სამარხთან და ყველაფერი ისედახვდათ, როგორც ქალებმა თქვეს. თვითონ კი ვერ იხილეს იგი.

²⁵იესომ უთხრა მათ: ეჰა, უგუნურნო და გულმძიმენო რწმენისადა ყოველივე იმის მიმართ, რასაც ამბობდნენ წინასწარმეტყველნი!

²⁶განა ასე არ უნდა ვნებულიყო ქრისტე და შესულიყო თავისდიდებაში?

²⁷მოსედან და ყველა წინასწარმეტყველიდან მოყოლებული უხსნიდამათ, რაც ითქვა მასზე ყველა წერილში.

²⁸მიუახლოვდნენ იმ სოფელს, სადაც მიდიოდნენ, ხოლო მან ისედაიჭირა თავი, თითქოს უფრო შორი გზა ედო.

²⁹ისინი კი არ უშვებდნენ და ეუბნებოდნენ: დარჩი ჩვენთან,ვინაიდან უკვე ბინდდება და იწურება დღე. ისიც შევიდა, რომ მათთანდარჩენილიყო.

³⁰ხოლო როცა ინახად დასხდნენ, აიღო პური, აკურთხა, გატეხადა მისცა მათ.

³¹მაშინღა აეხილათ თვალი და იცნეს იგი, მაგრამ მყისვე უჩინარი შეიქნა მათთვის.

³²და უთხრეს ერთმანეთს: განა არ გვიხურდა მკერდში გული,როცა გვესაუბრებოდა და წერილს გვიხსნიდა გზაში?

³³მაშინვე ადგნენ და იერუსალიმში გამობრუნდნენ, სადაცშეკრებილნი ჰპოვეს თერთმეტნი და მათთან მყოფნი,

³⁴რომელნიც ამბობდნენ, რომ ჭეშმარიტად აღდგა უფალი დაეჩვენა სიმონს.

³⁵მათაც უამბეს, რა შეემთხვათ გზაში და როგორ იცნეს იგიპურის გატეხისას.

³⁶ამას რომ ამბობდნენ, თვითონ იესო ჩადგა მათ შორის დაუთხრა მათ: მშვიდობა თქვენდა.

³⁷ხოლო ისინი შეკრთნენ და შეძრწუნდნენ: ასე ეგონათ, სულსავხედავთო.

³⁸მაგრამ იესომ უთხრა მათ: რას ძრწიხართ; ან რა აზრებიაღიძვრიან თქვენს გულში?

³⁹შეხედეთ ჩემს ხელებსა და ჩემს ფეხებს: ეს მე ვარ თვითონ;შემეხეთ და დარწმუნდებით, რადგან სულს არც ხორცი აქვს და არც ძვლები, მე კიროგორც ხედავთ, მაქვს.

⁴⁰ესეცა თქვა, და ხელ-ფეხი უჩვენა მათ.

⁴¹მაგრამ რაკი სიხარულისაგან ვერ დაეჯერებინათ დაგანცვიფრებულნი იყვნენ, უთხრა მათ: საჭმელი თუ გაქვთ აქ?

⁴²და მისცეს მას შემწვარი თევზის ნაჭერი და ფიჭის თაფლი.

⁴³მანაც აიღო და შეჭამა მათ თვალწინ.

⁴⁴და უთხრა მათ: აი, სიტყვები, რომელთაც ჯერ კიდევ თქვენთან მყოფი გეუბნებოდით: რომ უნდა აღსრულდეს ყველაფერი, რაც დაწერილია ჩემზე მოსეს რჯულში, წინასწარმეტყველთა მიერ და ფსალმუნებში.

⁴⁵მაშინ გაუხსნა მათ გონება, რათა შეეცნოთ წერილი.

⁴⁶და უთხრა მათ: ასე დაიწერა და ასე უნდა ვნებულიყო ქრისტე,მესამე დღეს კი აღმდგარიყო მკვდრეთით,

⁴⁷და ქადაგებულიყო მისი სახელით სინანული ცოდვათამისატევებლად ყველა ხალხში, იერუსალიმიდან მოყოლებული.

⁴⁸ხოლო თქვენა ხართ ყოველივე ამის მოწმენი.

⁴⁹და აჰა, მე მოგივლენთ მამის ჩემის აღთქმას, ხოლო თქვენდარჩით ქალაქში, ვიდრე არ შეიმოსავთ ძალას მაღლით.

⁵⁰და გაიყვანა ისინი ბეთანიამდე, აღაპყრო ხელნი და აკურთხაისინი.

⁵¹კურთხევისას დასცილდა მათ და ამაღლდა ზეცად.

⁵²ხოლო მათ თაყვანი სცეს და დიდი სიხარულით დაბრუნდნენიერუსალიმს.

⁵³და იყვნენ მუდამ ტაძარში, ღმრთის მადიდებელნი დამაკურთხეველნი. ამინ.