Read ახალი ქართულით, Modern Georgian Bible, 1982 ლუკას 8 Bible Online

ლუკას 8 - ახალი ქართულით, Modern Georgian Bible, 1982 bible

ლუკას 8

¹ამის შემდეგ დადიოდა ქალაქებსა და სოფლებში, ქადაგებდა და ახარებდა ღმრთის სასუფეველს, და აყვნენ მასთან თორმეტნი.

²და რამდენიმე ქალი, რომლებიც უკეთურ სულთა დასალმობათაგან განეკურნა: მარიამი, მაგდალელად წოდებული, ვისგანაცგამოსულიყო შვიდი ეშმაკი,

³იოანა, ჰეროდეს ეზოსმოძღვრის, ქუზას ცოლი, სუსანა და სხვამრავალიც, რომლებიც თავიანთი საბადებლით ემსახურებოდნენ მას.

⁴ხოლო როდესაც დიდძალი ხალხი შეგროვდა და ქალაქებისმცხოვრებნიც მივიდნენ მასთან, უთხრა მათ იგავით:

⁵გამოვიდა მთესავი თავისი თესლის თესვად; თესვისას ზოგიმარცვალი გზის პირას დავარდა, გაითელა და ცის ფრინველებმა აკენკეს ისინი.

⁶ზოგი კლდეზე დავარდა და აღმოცენებისთანავე გახმა,ვინაიდან სინესტე აკლდა.

⁷ზოგი კიდევ ეკალ-ბარდებში ჩაცვივდა; წამოიზარდა ეკალი დაერთიანად მოაშთო ყველა.

⁸ხოლო ზოგი პოხიერ ნიადაგზე დაეცა, აღმოცენდა და ნაყოფიცგამოიღო ასმაგად. ეს რომ თქვა, შეღაღადა: ვისაც ყური აქვს სმენად, ისმინოს!

⁹მოწაფეებმა ჰკითხეს: რას უნდა ნიშნავდეს ეს იგავი?

¹⁰ხოლო მან თქვა: თქვენ მოგეცათ ღმრთის სასუფევლის საიდუმლოთა ცოდნა, ხოლო დანარჩენთ იგავებით ეთქმის, რათა მხედველნი ვერას ხედავდნენ, და მსმენელთ არა ესმოდეთ რა.

¹¹აი, რას ნიშნავს ეს იგავი: თესლი სიტყვაა ღმრთისა;

¹²გზის პირას დაცვენილი მარცვლები მსმენელები არიან, ხოლო შემდეგ მოდის ეშმაკი და იტაცებს სიტყვას მათი გულიდან, რათა არ იწამონ და არა ცხონდნენ;

¹³კლდეზე დაცვენილი მარცვლები ისინი არიან, რომლებიც სიტყვის მოსმენისთანავე სიხარულით იღებენ მას, მაგრამ ფესვი არა აქვთ და ამიტომაც დროებით სწამთ, ხოლო განსაცდელის ჟამს განდგებიან;

¹⁴ეკალ-ბარდებში ჩაცვენილი მარცვლები ისინი არიან, რომლებიცისმენენ სიტყვას, მაგრამ მიდიან და ზრუნვით, სიმდიდრისა და ამქვეყნიურიგანცხრომის სურვილით მომშთვარნი, უნაყოფონი რჩებიან.

¹⁵პოხიერ ნიადაგზე დაცვენილნი კი ისინი არიან, რომლებიცისმენენ სიტყვას, კეთილსა და სუფთა გულში იმარხავენ მას და ნაყოფიცგამოაქვთ მოთმინებით.

¹⁶არავინ ანთებს სანთელს იმისთვის, რომ საწყაოს თუ საწოლის ქვეშ დადგას, არამედ სასანთლეზე დგამს, რათა შემომსვლელნი ხედავდნენ ნათელს,

¹⁷ვინაიდან არ არსებობს დაფარული, რომ არ გამოჩნდეს, და არცრამ საიდუმლო, რომ არ გამჟღავნდეს და გაცხადდეს.

¹⁸მაშ, დაუკვირდით, როგორ ისმენთ: რადგან ვისაც აქვს, მასმიეცემა, და ვისაც არა აქვს, მაგრამ ასე ჰგონია, მაქვსო, მას წაერთმევა.

¹⁹მივიდნენ მასთან დედა და მისი ძმები, მაგრამხალხმრავლობის გამო ვერ შესძლეს ახლოს მისვლა.

²⁰და უთხრეს მას: დედაშენი და შენი ძმები გარეთ დგანან დაშენი ნახვა სურთ.

²¹ხოლო მან მიუგო და უთხრა მათ: დედა ჩემი და ჩემა ძმებიისინი არიან, რომელნიც ისმენენ ღმრთის სიტყვას და ასრულებენ მას.

²²მოხდა ისე, რომ ერთ დღეს თავის მოწაფეებთან ერთად ჩაჯდანავში და უთხრა მათ: ტბის გაღმა გავიდეთო; და გაცურეს.

²³ხოლო ცურვისას ჩაეძინა. და ამოვარდა გრიგალი ტბაზე; წყლით ივსებოდა ნავი და ჩაძირვას უქადდა მათ.

²⁴მივიდნენ, გააღვიძეს და უთხრეს: მოძღვარო, მოძღვარო,ვიღუპებით. ხოლო ის წამოდგა, შერისხა ქარები და წყლის ღელვა; დაცხრნენ დასიმყუდროვემ დაისადგურა.

²⁵და უთხრა მათ: სად არის თქვენი რწმენა? ხოლო ისინი,დამფრთხალნი და განცვიფრებულნი, ერთმანეთს ეუბნებოდნენ: ვინ არის იგი,ქარებს და ზღვას რომ უბრძანებს და ისინიც მორჩილებენ მას?

²⁶და მიადგნენ გერასენელთა მხარეს, გალილეის გაღმა.

²⁷ხმელეთზე გადმოსულს შემოხვდა ერთი ქალაქელი კაცი,რომელსაც დიდი ხანია ეშმაკნი ჰყავდა და შიშველ-ტიტველი სახლში კი არცხოვრობდა, არამედ - სამარხებში.

²⁸იესო რომ დაინახა, შეჰყვირა, მის წინაშე დაემხო დაშეჰღაღადა: რა ხელი გაქვს ჩემთან, იესო, ძეო მაღალი ღმრთისაო? გევედრები,ნუ მტანჯავ მე.

²⁹რადგანაც უბრძანა უწმინდურ სულს, გამოსულიყო ამკაცისაგან, ვინაიდან დიდი ხანია სტანჯავდა მას, ისე რომ ჯაჭვით კრავდნენ დაბორკილებს ადებდნენ, მაგრამ ამსხვრევდა ბორკილებს და, ეშმაკისაგან დევნილი,უდაბნოში გარბოდა.

³⁰ჰკითხა მას იესომ: რა გქვია სახელად? ხოლო მან მიუგო:ლეგიონი; ვინაიდან მრავალი ეშმაკი შესულიყო მასში.

³¹ევედრებოდნენ იესოს: ნუ გვიბრძანებ უფსკრულში დანთქმასო.

³²იქვე, მთაზე, ბალახობდა ღორების დიდი კოლტი. შეევედრნენ:ნება დაგვრთე, მათში შევიდეთო, და ნება დართო მათ.

³³გამოვიდნენ ეშმაკნი კაცისგან და ღორებში შევიდნენ. მაშინმთელი კოლტი მიაწყდა კბოდეს და ტბაში ჩაიხრჩო.

³⁴ამის მხილველი მეღორეები გაიქცნენ და ქალაქსა და სოფლებს მოსდეს ეს ამბავი.

³⁵გამოვიდნენ, რათა ეხილათ, რაც მოხდა. იესოსთან მისულებმაიხილეს კაცი, ვისგანაც გამოსულიყვნენ ეშმაკნი, იესოს ფერხთით მჯდომარე,ჩაცმულ-დახურული და გონს მოგებული, და შეძრწუნდნენ.

³⁶ხოლო მხილველებმა უამბეს მათ, როგორ განიკურნა ეშმაკეული.

³⁷გერასენელთა მხარის მთელმა ხალხმა სთხოვა, გასცლოდა მათ,ვინაიდან შიშით თავზარდაცემულნი იყვნენ. ისიც ჩაჯდა ნავში და უკანვეგამობრუნდა.

³⁸ხოლო კაცმა, ვისგანაც გამოვიდნენ ეშმაკნი, სთხოვა, თანწამიყვანეო, მაგრამ იესომ გაისტუმრა იგი და უთხრა:

³⁹დაბრუნდი სახლში და უამბე შენიანებს, რა გიყო ღმერთმა.ისიც წავიდა და მთელს ქალაქში ქადაგებდა, რა უყო იესომ.

⁴⁰მოხდა ისე, რომ იესოს დაბრუნებისთანავე მიიღო იგი ხალხმა,ვინაიდან ყველანი ელოდნენ მას.

⁴¹და აჰა, მოვიდა ერთი კაცი, სახელად იაეიროს, სინაგოგისწინამძღვარი, ფეხქვეშ ჩაუვარდა იესოს და სთხოვა, სახლში წამომყევიო.

⁴²რადგანაც ერთადერთი ასული ჰყავდათ, თორმეტი წლისა, დაისიც უკვდებოდა. წაჰყვა და ხალხი ზედ აწყდებოდა მიმავალს.

⁴³ერთმა ქალმა, რომელიც თორმეტ წელიწადს სისხლის დენითიტანჯებოდა და ექიმებისთვის გადაეგო მთელი თავისი საბადებელი, მაგრამვერავის განეკურნა,

⁴⁴უკნიდან მოუარა, მისი სამოსის კალთას შეეხო და მაშინვეშეუწყდა სისხლის დენა.

⁴⁵და თქვა იესომ: ვიღაცა შემეხო მე; მაგრამ რაკი ყველამ უარყო, პეტრემ და მისმა თანამდგომებმა უთხრეს: მოძღვარო, ხალხი გაწყდება და გავიწროებს, შენ კი ამბობ, ვინ შემეხოო?

⁴⁶მაგრამ იესომ თქვა: ვიღაცა შემეხო მე, რადგანაც ვიგრძენი,რომ ძალა გავიდა ჩემგან.

⁴⁷რაკი მიხვდა ქალი, რომ ვერ დაიმალა, კანკალით მიუახლოვდა,ფეხქვეშ ჩაუვარდა და მთელი ხალხის წინაშე აღიარა, რატომ შეეხო და რა უცებგანიკურნა.

⁴⁸ხოლო იესომ უთხრა მას: მხნედ იყავ, ასულო, შენმა რწმენამგიხსნა: წადი მშვიდობით.

⁴⁹ამას რომ ამბობდა, ერთი კაცი მოვიდა და სინაგოგისწინამძღვარს უთხრა: შენი ასული მოკვდა; ნუღარ აწუხებ მოძღვარს.

⁵⁰მაგრამ იესომ, ეს რომ გაიგონა, უთხრა: ნუ გეშინია, შენმხოლოდ გწამდეს და გადარჩება.

⁵¹ხოლო სახლში მისვლისას არავის დაანება მასთან ერთადშესვლა, პეტრეს, იაკობის, იოანესა და ბავშვის დედ-მამის გარდა.

⁵²ყველანი ტიროდნენ და მოთქვამდნენ; ხოლო მან თქვა: ნუტირით, კი არ მომკვდარა, არამედ სძინავს.

⁵³ისინი კი დასცინოდნენ მას, რადგანაც იცოდნენ, რომ მოკვდა.

⁵⁴ხოლო მან ხელი მოჰკიდა გოგონას, შეღაღადა და თქვა:პატარავ, აღდეგ;

⁵⁵მოიქცა მისი სული და მაშინვე აღდგა. ხოლო მან ბრძანა,საჭმელი მიეცათ მისთვის.

⁵⁶მშობლები გაოგნებულნი იყვნენ. ხოლო იესომ უბრძანა მათ,არავისთვის ეთქვათ, რაც მოხდა.