Read ახალი ქართულით, Modern Georgian Bible, 1982 მეორე რჯული 1 Bible Online

მეორე რჯული 1 - ახალი ქართულით, Modern Georgian Bible, 1982 bible

მეორე რჯული 1

¹აი, სიტყვები, რომლებიც გამოუცხადა მოსემ მთელს ისრაელს იორდანეს გაღმა უდაბნოში, ვაკეზე, სუფის გასწვრივ, ფარანს, თოფელს, ლაბანს, ხაცეროთსა და დი-ზაჰაბს შორის,

²ხორებიდან თერთმეტი დღის სავალზე, სეყირის მთიდანკადეშ-ბარნეასკენ მიმავალ გზაზე.

³მეორმოცე წელს, მეთერთმეტე თვის პირველ დღეს იყო, რომგამოუცხადა მოსემ ისრაელიანებს ყველაფერი, რაც მათთვის სათქმელად უბრძანაუფალმა,

⁴ხეშბონში მჯდარი სიხონ ამორეველთა მეფის და აშთაროთში,ედრეიში, მჯდარი ბაშანის მეფის, ყოგის, მოკვლის შემდეგ.

⁵იორდანეს გაღმა მოაბის მხარეში დაიწყო მოსემ ამ რჯულისგანმარტება და თქვა:

⁶უფალი, ჩვენი ღმერთი გველაპარაკა ხორებში და გვითხრა:გეყოფათ, ამ მთაზე ცხოვრება!

⁷გაბრუნდით და მოედეთ ამორეველთა მთას და მათი მეზობლებისქვეყნებს, მთასა და ბარს, დაბლობს, სამხრეთის ზღვის სანაპიროს, ქანაანელთაქვეყანას და ლიბანს დიდ მდინარემდე, ევფრატის მდინარემდე.

⁸აჰა, თქვენთვის მომიცია ეს ქვეყანა. წადით და დაიმკვიდრეთქვეყანა, რომლის მიცემაც აღუთქვა უფალმა თქვენს მამა-პაპას - აბრაამს,ისაკს და იაკობს, და მათ მოდგმას.

⁹ასე გითხარით თქვენ იმჟამად: მე მარტოს არ შემიძლია თქვენი ტარება.

¹⁰უფალი, თქვენი ღმერთი, გაგამრავლებთ-მეთქი და, აჰა, ცისვარსკვლავებივით ურიცხვნი ხართ დღეს.

¹¹უფალმა, თქვენი მამა-პაპის ღმერთმა, კიდევ ათასჯერ გამრავლოთ, ვიდრე დღეს ხართ, და გაკურთხოთ, როგორც უთქვამს თქვენთვის.

¹²მე მარტომ როგორ ვატარო თქვენი საზრუნავი, თქვენი ტვირთიდა თქვენი უთანხმოებანი?

¹³ამოირჩიეთ თითოეული შტოდან ბრძენი, გაგებული და გამოცდილიკაცები და თავკაცებად დაგიყენებთ-მეთქი.

¹⁴პასუხად მომიგეთ: კარგ საქმეს გვეუბნები გასაკეთებლად.

¹⁵ავიყვანე შტოთა თავკაცები - ბრძენი, გაგებული დაგამოცდილი კაცები და დაგიდგინეთ თითოეულ შტოს მეთაურებად - ათასისთავებად,ასისთავებად, ორმოცდაათისთავებად, ათისთავებად და ზედამხედველებად, თქვენსშტოთა მიხედვით.

¹⁶მაშინ ვუბრძანე თქვენს მსაჯულებს: მოუსმინეთ თქვენს მოძმეებს და საჯეთ სამართალი ერთმანეთს შორის მათსა და მათ მდგმურს შორის.

¹⁷მიკერძოებული ნუ იქნები სასამართღაოზე, ერთნაირადმოუსმინეთ მცირეს და დიდს, ნუ შეგეშინდებათ კაცისა, რადგან საღვთო საქმეასამართალი. თუ საქმე გეძნელათ, მე მომახსენეთ და მოვისმენ.

¹⁸იმჟამადვე გამცნეთ ყველაფერი, რაც უნდა შეგესრულებინათ.

¹⁹გავემგზავრვთ ხორებიდან და გავიარეთ მთელი ის დიდი დასაშიში უდაბნო, რომელიც თქვენ ნახეთ ამორეველთა მთისკენ მიმავალ გზაზე,როგორც გვიბრძანა უფალმა, ჩვენმა ღმერთმა, და კადეშ-ბარნეას მივადექით.

²⁰გითხარით: მოხვედით ამორეველთა მთასთან, რომელსაცგვაძლევს უფალი, ჩვენი ღმერთი.

²¹იცოდე, უფალი, შენი ღმერთი, გაძლევს ამ ქვეყანას. წადი და დაიმკვიდრე, როგორც უთქვამს შენთვის უფალს, შენი მამა-პაპის ღმერთს. ნუ შეგეშინდება და ნუ შედრკები.

²²მოხვედით ჩემთან ყველანი და მითხარით: გაგვაგგზავნინეკაცები ჩვენს წინ, რომ დაგვიზვერონ ქვეყანა და მოგვიტანონ გზის ამბავი,რითაც უნდა ვიაროთ, და ქალაქებისა, რომლებშიც შესვლა მოგვიწევს.

²³მომეწონა ეს სიტყვა და გამოვარჩიე თქვენგან თორმეტი კაცი,თითო კაცი ყოველი შტოდან.

²⁴გაემართნენ, გადაიარეს მთა და მიადგენ ეშქოლის ხევს დადაზვერეს ქვეყანა.

²⁵ხელში დაიჭირეს იმ ქვეყნის ნაყოფები და ჩამოგვიტანეს;ამბავიც მოგვიტანეს, გვითხრეს: მადლიანია ეს ქვეყანა, რომელსაც გვაძლევსუფალი, ჩვენი ღმერთი.

²⁶თქვენ კი არ ისურვეთ წასვლა და არ დაემორჩილეთ უფლის,თქვენი ღმერთის ბრძანებას.

²⁷დრტვინავდით თქვენს კარვებში და ამბობდით: მტრობითგამოგვიყვანა უფალმა ეგვიპტის ქვეყნიდან, რათა ამორეველთა ხელში ჩავეგდეთდასაღუპადო,

²⁸სად წავიდეთ? ჩვენიანებმა გული შეგვიშინეს.გვეუბნებოდნენ: ჩვენზე დიდი და მაღალი ხალხია, ქალაქები დიდი აქვთცადაწვდილი ციხე-კოშკებით და ყანაკის ნაშიერნიც დავინახეთო იქ.

²⁹მე გითხარით: ნუ ძრწიხართ, ნუ გეშინიათ მათი-მეთქი.

³⁰უფალი, თქვენი ღმერთი, წაგიძღვებათ წინ; იგი იბრძოლებსთქვენთვის, როგორც ეგვიპტეში მოიქცა თქვენს თვალწინ;

³¹ან უდაბნოში, სადაც, როგორც შენ ხედავდი, გატარებდა უფალი, შენი ღმერთი, როგორც თავის შვილს ატარებს კაცი, მთელს თქვენს სავალ გზაზე, ვიდრე ამ ადგილამდე მოხვიდოდით.

³²მაგრამ არც ამაში ერწმუნებით უფალს, თქვენს ღმერთს,

³³რომელიც წინ მიგიძღვით გზაზე, რომ მოგიძებნოთდასაბანაკებელი ადგილი, ღამით ცეცხლში თქვენი სავალი გზის გასანათებლად, დადღისით ღრუბელში.

³⁴გაიგონა უფალმა თქვენი სიტყვების ხმა, განრისხდა და ასედაიფიცა:

³⁵ვერავინ იხილავს ამ უკეთური მოდგმიდან იმ მადლიანქვეყანას, რომელიც მათ მამა-პაპას აღვუთქვი,

³⁶გარდა ქალებ იეფუნეს ძისა. ის იხილავს მას. მისთვის დამისი შვილებისთვის მიმიცია ქვეყანა, რომელიც მან მოიარა, რადგან უფლისერთგული იყო.

³⁷მეც განმირისხდა უფალი თქვენს გამო: ვერც შენ შეხვალო იქ.

³⁸იესო ნავეს ძე, შენს წინაშე რომ დგას, შევა იქ. ისგაამხნევე, რადგან ის დაიმკვიდრებს მას ისრაელისთვის.

³⁹თქვენი ჩვილი ბავშვები, რომლებზეც ამბობთ, დატაცებულიიქნებიანო, და თქვენი შვილები, რომელთაც არ უწყიან დღეს ავი და კარგი,შევლენ იქ. მათ ვაძლევ ქვეყანას და ისინი დაიმკვიდრებენ მას.

⁴⁰თქვენ კი გაბრუნდით და იარეთ უდაბნოში მეწამული ზღვისგზით.

⁴¹პასუხად მიუგეთ: შევცოდეთ უფალს. წავალთ და შევებრძოლებით, როგორც ნაბრძანები აქვს ჩვენთვის უფალს, ჩვენს ღმერთს. აისხით თითოეულმა საბრძოლო საჭურველი და გაეჩქარეთ მთაზე ასასვლელად.

⁴²მითხრა უფალმა: უთხარი მათ: ნუ ახვალთ მთაზე და ნუშეებრძოლებით, რადგან არა ვარ თქვენს შორის და დაგამარცხებთ-თქო მტერი.

⁴³გელაპარაკეთ და არ დამიჯერეთ, ეურჩეთ უფლის ბრძანებას,გათამამდით და ახვედით მთაზე.

⁴⁴გამოვიდნენ თქვენს წინააღმდეგ იმ მთაზე მცხოვრებიამორეველები და დაგესიენ, როგორც ფუტკარმა იცის, და გმუსრავდნენ სეყირიდანხორმამდე.

⁴⁵დაბრუნდით და მორთეთ ტირილი უფლის წინაშე. უფალმა კი არისმინა თქვენი ხმა და ყური არ დაგიგდოთ.

⁴⁶დარჩით კადეშში მრავალი ხანი, რამდენ ხანსაც იყავით.