Read ახალი ქართულით, Modern Georgian Bible, 1982 მეორე რჯული 11 Bible Online

მეორე რჯული 11 - ახალი ქართულით, Modern Georgian Bible, 1982 bible

მეორე რჯული 11

¹სულ მუდამ გიყვარდეს უფალი, შენი ღმერთი, შეუსრულეთ ვალი, წესი, სამართალი და მცნებები.

²იცოდე ეს დღეს, რადგან არ ეცოდინებათ თქვენს შვილებს,რომელთაც არ უნახავთ უფლის, თქვენი ღმერთის, სასჯელი, მისი სიდიადე, მისიმაგარი ხელი და მოღერილი მკლავი,

³მისი სასწაულები და საქმეები, რაც გაუკეთა შუაგულეგვიპტეში ფარაონს, ეგვიპტის მეფეს, და მთელს მის ქვეყანას,

⁴რაც უყო ეგვიპტელთა ლაშქარს, მის მხედრებს და ეტლიონს,რომლებსაც თავზე დაანთქა მეწამული ზღვის წყლები, როცა თქვენ გედევნებოდნენ,და დაღუპული ჰყავს ისინი დღემდე უფალს,

⁵რასაც უდაბნოში გიკეთებდათ, ვიდრე ამ ადგილას მოხვიდოდით,

⁶რაც გაუკეთა დათანს და აბირამს, რეუბენის ძის, ელიაბისშვილებს, როცა დააღო პირი მიწამ და მთელი ისრაელის თვალწინ შთანთქა ისინიმათი სახლებიანად, კარვებიანად და მთელი ქონებითურთ, რაც კი გააჩნდათ მთელსისრაელში.

⁷რადგან უხილავთ თქვენს თვალებს უფლის დიადი საქმეები, რაცმოიმოქმედა მან.

⁸შეასრულეთ ყოველი მცნება, რომელსაც გიცხადებთ დღეს, რათაგამტკიცდეთ, დაიძრათ და დაიმკვიდროთ ქვეყანა, რომლის დასამკვიდრებლადაცგადადიხართ გაღმა.

⁹რათა დღეგრძელი იყოთ იმ მიწაზე, რომელიც ფიცით აღუთქვა მისაცემად თქვენს მამა-პაპას და მის შთამომავლობას, იმ ქვეყანაში, სადაც ღვარად მოედინება რძე და თაფლი.

¹⁰რადგან ქვეყანა, სადაც თქვენ მიდიხართ დასამკვიდრებლად,არა ჰგავს ეგვიპტის ქვეყანას, საიდანაც გამოხვედი, სადაც თესავდი თესლს დარწყავდი შენი ფეხით, როგორც ბოსტანს.

¹¹ის ქვეყანა კი, რომლის დასამკვიდრებლადაც გაღმა გადადიხართ, მთაგორიანი და ველებიანი ქვეყანაა და ციდან ნაწვიმები წყლით ირწყვება,

¹²ქვეყანა რომელზედაც გამუდმებით ზრუნავს უფალი, შენიღმერთი. უფლის, შენი ღმერთის თვალი ტრიალებს მასში წლის დასაწყისიდან წლისბოლომდე.

¹³და თუ შეიგონებ ჩემს მცნებებს, რომელთაც დღეს გიცხადებთ,რომ გიყვარდეთ უფალი, თქვენი ღმერთი, და ემსახუროთ მას მთელი თქვენი გულითადა სულით,

¹⁴დროულად მივცემ წვიმას თქვენს ქვეყანას, გაზაფხულის დაშემოდგომის წვიმას, მოიწევ ხორბალს, ღვინოს და ზეთს.

¹⁵გავაჩენ ბალახს შენს მინდვრებზე საქონელისთვის. ჭამე დაგაძეხი.

¹⁶ფრთხილად იყავით, არ შეცდეს თქვენი გული, არ გადაუხვიოთ,უცხო ღმერთებს არ დაუწყოთ სამსახური და თაყვანისცემა.

¹⁷თორემ უფლის რისხვა დაგატყდებათ თავს, დახშავს ცას, აღარ იქნება წვიმა, მიწა მოსავალს არ მოგცემთ და მალე გადაშენდებით იმ მადლიანი ქვეყნიდან, რომელსაც გაძლევთ თქვენ უფალი.

¹⁸გულში და სულში ჩაიდევით ეს ჩემი სიტყვები, ხელზე შეიბითნიშნად და შუბლზე დაიბეჭდეთ სამახსოვროდ.

¹⁹ასწავლეთ თქვენს შვილებს, ელაპარაკეთ ამაზე შინ ყოფნისასდა გზაზე სვლისას, დაწოლისას და ადგომისას.

²⁰წააწერე შენი სახლის წირთხლებს და კარიბჭეს,

²¹რათა იმდენ ხანს იცოცხლოთ თქვენ და თქვენმა შვილებმა ამმიწაზე, რომელიც მისაცემად აღუთქვა უფალმა თქვენს მამა-პაპას, რამდენხანსაც ცა იარსებებს მიწის ზემოთ.

²²თუ მტკიცედ დაიცავთ ყველა ამ მცნებას, რომლებსაც გიცხადებთ, რათა ასრულებდეთ მათ, გიყვარდეთ უფალი, თქვენი ღმერთი, იაროთ მის გზაზე და მიეწებოთ მას,

²³მოგაშორებს უფალი ყველა ამ ხალხს და თქვენც დაეპატრონებითთქვენზე დიდსა და ძლიერ ხალხებს.

²⁴ყოველი ადგილი, სადაც კი დაიდგმება თქვენი ტერფი, თქვენიიქნება - უდაბნოდან და ლიბანიდან, მდინარიდან, ევფრატის მდინარიდან უკანაზღვამდე იქნება თქვენი საზღვარი.

²⁵ვერავინ დაგიდგებათ წინ, შიშსა და ზარს დასცემს თქვენგნითუფალი ყველა ქვეყანას, სადაც კი შეაბიჯებთ, როგორც მას უთქვამს თქვენთვის.

²⁶უყურეთ, ასარჩევად გაძლევთ დღეს კურთხევას და შეჩვენებას:

²⁷კურთხევას - თუ შეიგონებთ უფლის, თქვენი ღმერთისმცნებებს, რომელთაც გიცხადებთ დღეს,

²⁸შეჩვენებას - თუ არ შეიგონებთ, უფლის, თქვენი ღმერთისმცნებებს და გადაუხვევთ გზას, რომელსაც გიცხადებთ დღეს, და გაჰყვებით უცხოღმერთებს, რომელთაც არ იცნობთ.

²⁹და როცა შეგიყვანს უფალი, შენი ღმერთი, იმ ქვეყანაში,რომლის დასამკვიდრებლადაც მიდიხარ, მიეცი კურთხევა გერიზიმის მთაზე დაშეჩვენება - ღებალის მთაზე

³⁰(აგერ, აქვეა ისინი, იორდანეს გაღმა, გზის ბოლოს,დასავლეთით, ბარის ქანაანელთა ქვეყანაში, გილგალიის პირდაპირ, მამრესმუხებთან),

³¹რადგან თქვენ გადადიხართ იორდანეზე, რომ მიხვიდეთ იმქვეყნის დასამკვიდრებლად, რომელსაც გაძლევთ თქვენ უფალი, თქვენი ღმერთი.დაიმკვიდრებთ მას და იცხოვრებთ იქ.

³²ეცადეთ, რომ შეასრულოთ წესი და სამართალი, რომელსაც დღესვიძლევი თქვენს წინაშე.