Read ახალი ქართულით, Modern Georgian Bible, 1982 მეორე რჯული 16 Bible Online

მეორე რჯული 16 - ახალი ქართულით, Modern Georgian Bible, 1982 bible

მეორე რჯული 16

¹დაიცავი აბიბის თვე და მოუმზადე პასექი უფალს, შენს ღმერთს, რადგან აბიბის თვეში გამოგიყვანა უფალმა, შენმა ღმერთმა ეგვიპტის ქვეყნიდან, ღამით.

²დაუკალი საპასექოდ უფალს, შენს ღმერთს, ცხვარი და ძროხაიმ ადგილას, რომელსაც აირჩევს უფალი თავისი სახელის დასავანებლად.

³ნუ მიატან მას საფუარიანს, ხუთ დღეს ჭამე მასთან ერთადხმიადი, გაჭირვების პური, რადგან ნაჩქარევად გამოხვედი ეგვიპტის ქვეყნიდან,რომ მთელი სიცოცხლე გახსოვდეს ეგვიპტის ქვეყნიდან შენი გამოსვლის დღე.

⁴არ გაჭაჭანდეს შვიდი დღის მანძილზე საფუარიანი მთელს შენსკარმიდამოში და დილამდე არ მორჩეს წინა საღამოს დაკლული საკლავის ხორცი.

⁵ნება არა გაქვს ყველგან დაკლა პასექი შენს საცხოვრებელში,რომელსაც უფალი, შენი ღმერთი, მოგცემს;

⁶არამედ მხოლოდ იმ ადგილას, რომელსაც აირჩევს უფალი, შენიღმერთი, თავისი სახელის დასავანებლად, დაკალი პასექი საღამოთი, მზისჩასვლისას, ეგვიპტიდან შენი გამოსვლის სწორს.

⁷მოხარშე და ჭამე იმ ადგილას, რომელსაც აირჩევს უფალი,შენი ღმერთი, დილით კი გაბრუნდი და წადი შენს კარვებში.

⁸ექვს დღეს ჭამე ხმიადი, მეშვიდე დღეს კი უქმეა უფლის,შენი ღმერთისათვის, არაფერი საქმე არ აკეთო.

⁹შვიდი შვიდეული გადაითვალე; ყანაში ნამგლის შესვლის დღიდან დაიწყე შვიდეულების თვლა.

¹⁰გაუმართე შვიდეულთა დღესასწაული უფალს, შენს ღმერთს,როგორც შეგიძლია, როგორც უკურთხებიხარ უფალს, შენს ღმერთს.

¹¹გაიხარეთ უფლის, შენი ღმერთის წინაშე შენ და შენმა ვაჟმა, შენმა ასულმა, შენმა ყმამ და ყმაქალმა, ლევიანმა, რომელიც შენს კარზე ცხოვრობს, მდგმურმა და ქვრივ-ობოლმა, რომლებიც შენს შორის არიან, იმ ადგილზე, რომელსაც აირჩევს უფალი, შენი ღმერთი, თავისი სახელის დასავანებლად.

¹²გაიხსენე, რომ ყმა იყავი ეგვიპტეში და დაიცავი დაშეასრულე ეს წესები.

¹³შვიდ დღეს იზეიმე კარვობის დღესასწაული, როცა მორჩებიკალოობას და ყურძნის წურვას.

¹⁴გაიხარეთ დღესასწაულში შენ და შენმა ვაჟმა, შენმა ასულმა,შენმა ყმამ და ყმაქალმა, ლევიანმა და ქვრივ-ობოლმა, რომლებიც ცხოვრობენშენს კარზე.

¹⁵შვიდ დღეს იდღესასწაულე უფლის, შენი ღმერთისთვის იმადგილას, რომელსაც აირჩევს უფალი, რადგან გიკურთხებს უფალი, შენი ღმერთი,მოსავალს და ყოველ საქმეს და სულ მხიარული იქნები.

¹⁶წელიწადში სამჯერ უნდა გამოცხადდეს ყოველი შენი მამროვანიუფლის, შენი ღვთის წინაშე უფუარობის დღესასწაულზე, შვიდეულის დღესასწაულზედა კარვობის დღესასწაულზე, იმ ადგილას, რომელსაც არჩევს იგი. ხელცარიელიარავინ გამოცხადდეს უფლის წინაშე.

¹⁷ყველას ძღვენი გეჭიროთ ხელში უფლის, შენი ღმერთის კურთხევის კვალობაზე, როგორც მოუცია შენთვის.

¹⁸დასხი მსაჯულები და რჯულისკაცები შენი შტოებიდან ყოველქალაქში, რომელსაც მოგცემს უფალი, შენი ღმერთი, რათა მისცენ ხალხს მართალისამართალი.

¹⁹სამართალს ნუ გაამრუდებ, მიკერძოებული ნუ იქნები დაქრთამს ნუ აიღებ, რადგან ქრთამი თვალს უბრმავებს ბრძენკაცებს დაასხვაფერებს მართალთა სიტყვებს.

²⁰სიმართლეს, სიმართლეს მიჰყევი, რომ ცოცხალი დარჩე დადაეპატრონო იმ ქვეყანას, რომელსაც გაძლევს უფალი, შენი ღმერთი.

²¹არ დარგო აშერასთვის, რა ხეც არ უნდა იყოს, უფლის, შენიღმერთის სამსხვერპლოს გვერდით, რომელსაც აიშენებ.

²²არ აღიმართო სვეტი, რომელიც სძულს უფალს, შენს ღმერთს.