Read ახალი ქართულით, Modern Georgian Bible, 1982 მეორე რჯული 18 Bible Online

მეორე რჯული 18 - ახალი ქართულით, Modern Georgian Bible, 1982 bible

მეორე რჯული 18

¹არ ექნებათ ლევიან მღვდლებს, ლევიანთა მთელს შტოს, წილი და სამკვიდრო ისრაელთან; საუფლო მსხვერპლი და მისი სამკვიდრო უნდა ჭამონ.

²სამკვიდრო არ ექნება თავის მოძმეთა წიაღში; თავად უფალიამისი სამკვიდრო, როგორც ნათქვამი აქვს მისთვის.

³ეს იყოს დაწესებული მღვდლებისათვის ხალხისაგან, იმათგან,ვინც კლავს საკლავს - ხარს ან ცხვარს: მისცენ მღვდელს ბეჭი, ყბა და კუჭი,

⁴პირველმოწეული ხორბალი, ღვინო და ზეთი. ცხვრისპირველგანაპარსი მას მიეცი.

⁵რადგან ის აირჩია უფალმა, შენმა ღმერთმა, ყველა შტოდან,რათა იდგნენ და მსახურებდნენ უფლის სახელით ის და მისი შვილები სამუდამოდ.

⁶თუ წამოვა ვინმე ლევიანი შენი ერთ-ერთი ქალაქიდან,ისრაელის რომელიმე კუთხიდან, სადაც მდგმურობს იგი, და მოვა თავისი სურვილითიმ ადგილას, რომელსაც აირჩევს უფალი,

⁷შეუდგება უფლის, თავისი ღმერთის სახელით სამსახურს თავისიმოძმე ლევიანების მსგავსად, რომლებიც დგანან იქ უფლის წინაშე,

⁸ისარგებლონ თანაბარი წილით, მამისსახლის წილს ნუჩაუთვლიან.

⁹როცა შეხვალ იმ ქვეყანაში, რომელსაც გაძლევს შენ უფალი, შენი ღმერთი, ნუ დაეჩვევი სისაძაგლეთა ჩადენას იმ ხალხის მსგავსად:

¹⁰ნუ იქნება შენს შორის თავისი ვაჟისა და ასულის ცეცხლშიგამტარებელი, ჯადოქარი, მომნუსხველი, მარჩიელი, მსახვრალი,

¹¹გრძნებით შემკვრელი, მესულთანე, მჩხიბავი და მკვდართა გამომკითხველი,

¹²რადგან საძაგელია უფლისათვის ყოველივე ამის გამკეთებელი და ამ სისაძაგლის გამო დევნის მათ შენგან უფალი, შენი ღმერთი.

¹³სრული იყავი უფალთან, შენს ღმერთთან,

¹⁴რადგან ეს ხალხები, რომელთაც შენ განდევნი, გრძნეულებს დაჯადოქრებს უსმენენ, შენთვის კი ამის ნება არ მოუცია უფალს.

¹⁵წინასწარმეტყველს, როგორც მე ვარ, შენი წიაღიდან, შენიმოძმეებიდან, დაგიდგენს უფალი, შენი ღმერთი. მას უსმინე.

¹⁶როცა შესთხოვე უფალს, შენს ღმერთს, ხორებში, თავშეყრისდღეს: მეტს ნუღარ გავიგონებ უფლის, ჩემი ღმერთის ხმას და ამ დიდ ცეცხლსაცნუღარ ვიხილავ, რათა არ მოვკვდეო,

¹⁷მითხრა უფალმა: კარგი ქნეს, რომ ეს თქვეს.

¹⁸შენ რომ ხარ, ისეთ წინასწარმეტყველს დავუდგენ მოძმეთაწრიდან, ბაგეზე დავუდებ ჩემს სიტყვებს და ის გამოგიცხადებს ყველაფერს,რასაც მე ვუბრძანებ.

¹⁹თუ ვინმე არ შეისმენს ჩემს სიტყვებს, რომელთაც ისგამოაცხადებს ჩემი სახელით, თავად მე მოვთხოვ მას პასუხს.

²⁰მაგრამ წინასწარმეტყველი, რომელიც გაკადნიერდება და ჩემისახელით დაიწყებს იმის გამოცხადებას, რაც მე არ მიბრძანებიაგამოსაცხადებლად, ან რომელიც უცხო ღმერთების სახელით ალაპარაკდება, ესწინასწარმეტყველი უნდა მოკვდეს.

²¹თუ გულში იტყვი: როგორ მივხვდეთ სიტყვას, რომელიც არუთქვამს უფალს?

²²წინასწარმეტყველი თუ უფლის სახელით ილაპარაკებს და არაცხადდება მისი ნალაპარაკევი, არ ყოფილა ეს უფლის სიტყვა - თვითნებურადულაპარაკნია წინასწარმეტყველს, ნუ გეშინია მისი.