Read ახალი ქართულით, Modern Georgian Bible, 1982 მეორე რჯული 23 Bible Online

მეორე რჯული 23 - ახალი ქართულით, Modern Georgian Bible, 1982 bible

მეორე რჯული 23

¹ვერ შევა კვერცხებჩაჭყლეტილი და ასომოკვეთილი უფლის საკრებულოში.

²ვერ შევა ბუში უფლის საკრებულში, მისი მეათე თაობაც კივერ შევა უფლის საკრებულოში.

³ვერ შევლენ ყამონელები და მოაბელები უფლის საკრებულოში,მათი მეათე თაობაც კი ვერასოდეს შევა უფლის საკრებულოში.

⁴ეს იმიტომ, რომ პურითა და წყლით არ დაგხვდნენ გზაზე, როცაეგვიპტიდან გამოდიოდით; და იმიტომ, რომ დაიქირავეს შენს წინააღმდეგ ბალაამბეყორის ძე, შუამდინარეთის ფეთორიდან შენს დასაწყევლად.

⁵არ ინება უფალმა, შენმა ღმერთმა, ესმინა ბალაამისთვის დაკურთხევად შეგიცვალა წყევლა უფალმა, შენმა ღმერთმა, რადგან უყვარხარ უფალს,შენს ღმერთს.

⁶ნუ შეკრავ მათთან ზავს და ნუ ეძებ მათთვის სიკეთეს მთელიშენი სიცოცხლე, უკუნისამდე.

⁷ნუ შეგძაგდება ედომელი, რადგან შენი მოძმეა, ნუშეგძაგდება ეგვიპტელი, რადგან მდგმურად იყავი მის ქვეყანაში.

⁸შვილები, რომლებიც მათ შეეძინებათ, მესამე თაობაში შევლენუფლის საკრებულოში.

⁹როცა მტრების წინააღმდეგ ბანაკად გახვალ, ერიდე ყოველივე ცუდს.

¹⁰თუ ვინმე იქნა შენში ღამის შემთხვევის შემდეგგანუწმედელი, გავიდეს ბანაკის გარეთ, არ შევიდეს ბანაკის შიგნით.

¹¹საღამოს პირზე წყლით განიბანოს და მზის ჩასვლისას შევიდეს ბანაკში.

¹²ადგილი გექნება ბანაკგარეთ, რომ შეგეძლოს იქ გარეთგასვლა.

¹³ბარი უნდა გქონდეს სარტყელში და გარეთ დაჯდომისასამოთხარე მიწა და ჩაფალი შენი განავალი.

¹⁴რადგან უფალი, შენი ღმერთი, დადის შუაგულ ბანაკში, რომგიხსნას და ხელში ჩაგიგდოს შენი მტრები. წმიდა უნდა იყოს შენი ბანაკი, რომარ დაინახოს შენში რაიმე სამარცხვინო და ზურგი არ შეგაქციოს.

¹⁵არ გადასცე თავის პატრონს ყმა, რომელიც შენთან გამოექცაპატრონს.

¹⁶იცხოვროს შენთან, შენს წრეში, იმ ადგილას, რომელსაცაირჩევს შენს ერთ-ერთ ქალაქში, სადაც მოეწონება. არ დაჩაგრო იგი.

¹⁷არ იყოს მეძავი ქალი ისრაელის ქალებს შორის და მეძავი კაცი ისრაელის ვაჟებს შორის.

¹⁸არანაირი აღთქმისათვის არ შეიტანო სამეძაო გასამრჯელო დაძაღლის ფასი უფლის, შენი ღმერთის სახლში, რადგან ორივე ეს სისაძაგლეაუფლის, შენი ღმერთისათვის.

¹⁹არ მისცე სარგებელში შენს მოძმეს არც ვერცხლი, არცსაჭმელი და არც რამე ნივთი, რაც სარგებელში შეიძლება გაიცეს.

²⁰უცხოელს მიეცი სარგებელში, შენს მოძმეს კი ნუ მისცემ სარგებელში, რომ გიკურთხოს უფალმა, შენმა ღმერთმა, მთელი შენი ნაამაგარი იმ ქვეყანაში, რომლის დასამკვიდრებლადაც მიდიხარ.

²¹თუ აღთქმას დაუდებ უფალს, შენს ღმერთს, ნუ დააგვიანებ მისშესრულებას, რადგან მოიკითხავს მას შენგან უფალი, შენი ღმერთი, და ცოდვადაგედება.

²²თუ აღთქმისაგან თავს შეიკავებ, არც ცოდვა დაგედება.

²³შეინახე შენი ბაგიდან გამომავალი სიტყვა და შეუსრულე, რაცაღთქმული გაქვს უფლის, შენი ღმერთისადმი, რაც წარმოთქვა შენმა ბაგემ.

²⁴როცა შეხვალ შენი მოყვასის ვენახში და შენისურვილისამებრ, გაძღომამდე შეჭამ ყურძენს, ჭურჭელში აღარ ჩაიწყო.

²⁵როცა წახვალ შენი მოყვასის სამკალში, ხელით დაგლიჯეთავთავები; ნამგალი არ მოიქნიო შენი მოყვასის სამკალში.