Read ახალი ქართულით, Modern Georgian Bible, 1982 მეორე რჯული 27 Bible Online

მეორე რჯული 27 - ახალი ქართულით, Modern Georgian Bible, 1982 bible

მეორე რჯული 27

¹დამოძღვრეს მოსემ და ისრაელის უხუცესებმა ერი და უთხრეს: დაიცავი ყოველი მცნება, რასაც დღეს გიცხადებ.

²როცა გადახვალ იორდანეს გაღმა ქვეყანაში, რომელსაც უფალი,შენი ღმერთი, მოგცემს, დაიდგი დიდი ქვები და კირით შელესე.

³დააწერე ზედ ამ რჯულის ყოველი სიტყვა იორდანეზეგადასვლისას, რომ შეხვიდე ქვეყანაში, რომელსაც გაძლევს უფალი, შენი ღმერთი,ზეთითა და თაფლით მდინარ ქვეყანაში, როგორც უთქვამს შენთვის უფალს, შენიმამა-პაპის ღმერთს.

⁴როცა გადახვალ იორდანეზე, დადგი ეს ქვები, როგორც დღესგიცხადებ, ღებალის მთაზე და კირით შელესე.

⁵აუგე იქ სამსხვერპლო უფალს, შენს ღმერთს, ქვისსამსხვერპლო. რკინა არ შეახო მას.

⁶მთელ-მთელი ქვებისგან უნდა ააგო უფლის, შენი ღვთისსამსხვერპლო და მასზე უნდა აღუვლინო უფალს, შენს ღმერთს, აღსავლენიმსხვერპლი.

⁷მიიტანე სამადლობელი მსხვერპლი და ჭამე იქ, გაიხარეუფლის, შენი ღმერთის წინაშე.

⁸დააწერე ქვებზე ამ რჯულის ყოველი სიტყვა გარკვევით დამკაფიოდ.

⁹ასე ელაპარაკნენ მოსე და ლევიანი მღვდლები მთელს ისრაელს: გაიგონე და ისმინე, ისრაელო! ამ დღეს გახდი შენ უფლის, შენი ღმერთის ერი.

¹⁰ისმინე უფლის, შენი ღმერთის ხმა და შეასრულე მცნებები დაწესები, რომელთაც დღეს გიცხადებ.

¹¹ასე დამოძღვრა იმ დღეს მოსემ ერი:

¹²ესენი იდგნენ ერის დასალოცავად გერიზიმის მთაზე, როცაიორდანეს გაღმა გახვალთ: სიმეონი, ლევი, იუდა, ისაქარი, იოსები დაბენიამინი.

¹³ესენი იდგნენ დასაწყევლად გერიზიმის მთაზე: რეუბენი,გადი, აშერი, ზებულონი, დანი და ნაფთალი.

¹⁴გამოაცხადებენ და ეტყვიან ლევიანები თითოეულ ისრაელიანს მაღალი ხმით:

¹⁵წყეულიმც იყოს, ვინც გააკეთებს ქანდაკს და ჩამოსხმულკერპს - სისაძაგლეს უფლისათვის, ოსტატის ხელით ნაკეთებს, და ფარულადდადგამს. დასტურს დასცემს მთელი ერი და იტყვის: ამინ!

¹⁶წყეულიმც იყოს დედ-მამის შემაგინებელი! იტყვის მთელი ერი:ამინ!

¹⁷წყეულიმც იყოს თავისი მეზობლის სამანის გადამწევი! იტყვის მთელი ერი: ამინ!

¹⁸წყეულიმც იყოს ბრმისთვის გზა-კვალის ამრევი! იტყვის მთელიერი: ამინ!

¹⁹წყეულიმც იყოს მდგმურისა და ქვრივ-ობლების სამართლისგამმრუდებელი! იტყვის მთელი ერი: ამინ!

²⁰წყეულიმც იყოს მამის ცოლთან მწოლელი, რადგან კალთაგადაუწია მამას! იტყვის მთელი ერი: ამინ!

²¹წყეულიმც იყოს პირუტყვთან მწოლელი! იტყვის მთელი ერი:ამინ!

²²წყეულიმც იყოს თავის დასთან - თავისი მამის ქალიშვილთანან დედის ქალიშვილთან - მწოლელი! იტყვის მთელი ერი: ამინ!

²³წყეულიმც იყოს სიდედრთან მწოლელი! იტყვის მთელი ერი:ამინ!

²⁴წყეულიმც იყოს თავისი მოყვასის ფარულად მკვლელი! იტყვისმთელი ერი: ამინ!

²⁵წყეულიმც იყოს ქრთამის ამღები კაცის მოსაკლავად, უბრალოსისხლის დასაღვრელად! იტყვის მთელი ერი: ამინ!

²⁶წყეულიმც იყოს, ვინც გატეხს ამ რჯულის სიტყვებს და არშეასრულებს მათ! იტყვის მთელი ერი: ამინ!