Read ახალი ქართულით, Modern Georgian Bible, 1982 მეორე რჯული 33 Bible Online

მეორე რჯული 33 - ახალი ქართულით, Modern Georgian Bible, 1982 bible

მეორე რჯული 33

¹ეს არის კურთხევა, რომლითაც აკურთხა მოსემ, ღვთისკაცმა, ისრაელიანები სიკვდილის წინ.

²თქვა: უფალი სინაიდან მოვიდა, სეყირიდან ამოუბრწყინდამათ, ფარანის მთიდან ამონათდა და გამოჩნდა წმიდათა ბევრეულით, მარჯვენითრჯულის შარავანდი ჰქონდა.

³უყვარს ხალხები. მათი ყველა წმიდა კაცი შენს ხელშია,ტრიალებენ შენს ფეხებთან, რომ მიიღონ შენ სიტყვები.

⁴რჯული გვიანდერძა მოსემ - იაკობის კრებულის მემკვიდრეობა.

⁵გაჩნდა მეფე იეშურუნში, როცა შეიკრიბნენ ერის თავკაცნი,ისრაელის შტოები.

⁶იცოცხლოს რეუბენმა და არ მოკვდეს! ცოტა ჰყავს ხალხი.

⁷ეს იუდასთვის თქვა: ისმინე, უფალო, იუდას ხმა! თავისხალხთან მიიყვანე იგი. მისი ხელი იბრძოლებს მისთვის, შენ კი დაიფარემტრებისაგან.

⁸ლევისთვის თქვა: შენი თუმიმი და ურიმი შენს მადლიან კაცს,რომელიც მასაში გამოცადე და ედავებოდი მერიბას წყლებთან!

⁹რომელიც ამბობს თავის დედ-მამაზე: არ მინახავს ისინი. არ ცნობს თავის ძმებს და არ იცნობს შვილებს, რადგან იცავდნენ ისინი შენს ნათქვამს და შენს აღთქმას ინახავდნენ.

¹⁰ასწავლიან შენს სამართალს იაკობს და შენს რჯულს -ისრაელს, მოგართმევენ საკმეველს საყნოსელად და აღსავლენ მსხვერპლსსამსხვერპლოზე.

¹¹აკურთხე, უფალო, ძალი მისი და კეთილად მოხედე მისი ხელის ნამოქმედარს. მოსწყვიტე წელი მის მოწინააღმდეგეთ, ვეღარ გაიმართონ მისი მოძულენი!

¹²ბენიამინზე თქვა: უზრუნველად იმკვიდრებს უფლის ნებიერიმის წინაშე. მისი ხელი აფარია დღენიადაგ და მის კალთებთან განისვენებს.

¹³იოსებზე თქვა: უფლის კურთხევით იყოს მისი მიწა, ცისმადლით - ნამით, და უფსკრულებით, ქვეშ რომ განრთხმულან;

¹⁴მზის მადლიანი ნაყოფებით და მთვარეთა მადლიანი მოსავლით;

¹⁵ძველი მთების მწვერვალებით და უხსოვარი ბორცვების მადლით;

¹⁶მიწის მადლით და მისი სისავსით. გადმოვიდეს მაყვლოვანშიდავანებულის წყალობა იოსების თავზე და მის ძმებს შორის მოწმიდარის თხემზე.

¹⁷პირველნაშობი ხარის ბრწყინვალება აქვს, მარტორქის რქას უგავს რქები, ამით ურქენს ყველა ხალხს ერთიანად ქვეყნის კიდემდე. ესენი არიან ეფრემის ბევრეულნი და მენაშეს ათასეულნი!

¹⁸ზებულონზე თქვა: იხარე, ზებულონ, შენი გამოსვლისას და,ისაქარ, შენს კარვებში!

¹⁹ხალხებს დაუძახებენ მთაზე, იქ შესწირავენ სიმართლისმსხვერპლს, რადგან ზღვათა სიმდიდრით საზრდოობენ, ქვიშაშიჩაფლულ-ჩამარხულით.

²⁰გადზე თქვა: კურთხეულია გადის განმვრცობი, ლომივით წევსდა გლეჯს ნადავლის თავ-ფეხს.

²¹საუკეთესო წილი ნახა, რადგან იქ იყო შენახული რჯულმდებლის წილი, მოიყვანა ერის თავკაცნი და აღუსრულა უფლის წესი და მისი სამართალი ისრაელს.

²²დანზე თქვა: ლომის ბოკვერია დანი, ბაშანიდანგამოვარდნილი.

²³ნაფთალიზე თქვა: ნაფთალი მაძღარია წყალობით და სავსეაუფლის კურთხევით; მისი სამკვიდროა დასავლეთი და სამხრეთი.

²⁴აშერზე თქვა: კურთხეულია შვილთა შორის აშერი, სწყალობდნენძმები და მირონში ედგას ფეხი.

²⁵რკინა და რვალია შენი ურდულები. მთელი სიცოცხლე მშვიდადიქნები.

²⁶არ არის ღმერთი იეშურუნის ღმერთის მსგავსი, ცაშიაამხედრებული შენს შემწედ და ღრუბლებში თავისი დიდებით.

²⁷თავშესაფარია ძველი ღმერთი და სიღრმეთაგან მკლავიმარადიული. მტერი განდევნა შენგან და თქვა: გაავლე მუსრი!

²⁸დავანებულია უზრუნველად ისრაელი, მარტო; იაკობის წყარორწყავს პურის ყანებს და ვენახებს, მისი ციდანაც წვეთავს ცვარი.

²⁹ნეტარი ხარ, ისრაელო! ვინ შეგედრება შენ, ხალხო,გადარჩენილო უფლის მიერ, რომელიც შენი მფარველი ფარია და შენი დიდებისმახვილი! მტრები დაგიწყებენ ლაქუცს, შენ კი გადაჯეგავ მათ სათაყვანოგორაკებს.