Read ახალი ქართულით, Modern Georgian Bible, 1982 მეორე რჯული 4 Bible Online

მეორე რჯული 4 - ახალი ქართულით, Modern Georgian Bible, 1982 bible

მეორე რჯული 4

¹ახლა ისმინე, ისრაელო, წესი და სამართალი რომელსაც გასწავლი, რათა გადარჩეთ და წახვიდეთ და დაიმკვიდროთ ქვეყანა, რომელსაც უფალი, თქვენი ღმერთი, გაძლევთ.

²ნურაფერს შემატებთ ჩემს ნაანდერძევს თქვენდამი და ნურცმოაკლებთ, არამედ დაიცავით უფლის, თქვენი ღმერთის მცნებები, რომელთაცგიცხადებთ მე.

³თქვენი თვალით გაქვთ ნანახი, რა მოიმოქმედა უფალმაბაალ-ფეღორის გამო, როცა გაწყვიტა შენი წიაღიდან ყოველი კაცი, ვინც აჰყვაბაალ-ფეღორს.

⁴თქვენ კი, რომლებიც მიეწებეთ უფალს, თქვენს ღმერთს,ყველანი ცოცხლები ხართ დღესდღეობით.

⁵იცოდე, მე გასწავლეთ თქვენ წესი და სამართალი, როგორცმიბრძანა უფალმა, ჩემმა ღმერთმა, რომ სწორად მოიქცეთ იმ ქვეყანაში, რომლისდასამკვიდრებლადაც მიდიხართ.

⁶დაიცავით და შეასრულეთ, რადგან ეს არის თქვენი სიბრძნე დაგონიერება იმ ხალხების წინაშე, რომლებიც ყურს მოჰკრავენ ამ წესებს დაიტყვიან: აჰა, ბრძენი და გონიერი ხალხია ეს დიდი ერი.

⁷რადგან რომელი დიდი ერია, რომელთანაც ასე ახლოს იყვნენღმერთები, როგორც უფალი, ჩვენი ღმერთია, როცა კი ვუხმობთ მას?

⁸რომელი დიდთ ერია, რომელსაც ჰქონდეს ასეთი წესები დასწორი სამართალი, როგორც მთელი ეს რჯულია, დღეს რომ გაძლევთ.

⁹ოღონდ გაფრთხილდი და გულისყურით იყავი, რომ არ დაგავიწყდეს შენი თვალით ნანახი საქმეები, და ვიდრე ცოცხალი ხარ, გულიდან არ ამოგივარდეს. აცოდინე შენს შვილებს და შვილთაშვილებს

¹⁰ის დღე, როდესაც უფლის, შენი ღმერთის წინაშე იდექიხორებში და მე მეუბნებოდა უფალი: შემიკრიბე ხალხი და ჩავასმენ სიტყვებს,საიდანაც ისწავლიან ჩემდამი შიშს, ვიდრე ცოცხლობენ ამ მიწაზე, და თავიანთშვილებსაც ასწავლიანო.

¹¹თქვენც მიუახლოვდით და მთის ძირას დადქით. მთას ცეცხლის ალი ასდიოდა ცის გულამდე. იდგა წყვდიადი, ღრუბელი და ნისლი.

¹²გელაპარაკებოდათ უფალი ცეცხლიდან. ლაპარაკის ხმა კიგესმოდათ, მაგრამ სახეს ვერ ხედავდით, მხოლოდ ხმა ისმოდა.

¹³გამოგიცხადათ თავისი აღთქმა, რომლის შესრულეს გიბრძანათ.ათი მცნება დაგიწერათ ორ ფიქალზე.

¹⁴მე მიბრძანა მაშინ უფალმა მესწავლებინა თქვენთვის წესი დასამართალი, რათა შეასრულოთ ისინი იმ ქვეყანაში, რომლის დასამკვიდრებლადაცმიდიხართ.

¹⁵ძალზე ფრთხილად იყავით, რაკი არ გინახავთ არავითარი სახე,როცა უფალი გელაპარაკებოდათ ხორებში ცეცხლის შუაგულიდან,

¹⁶რომ არ გაირყვნათ და არ გაიკეთოთ ქანდაკი, რაიმე კერპის ხატი მამრის თუ მდედრის გამოსახულება,

¹⁷რაიმე ცხოვვლის გამოსახულება, რაც დედამიწაზეა, რაიმეფრინველის გამოსახულება, ცაში რაც დაფრინავს,

¹⁸მიწაში ქვემძრომის გამოსახულება, რაიმე თევზისგამოსახულება, რაც წყალშია, მიწის ქვემოთ.

¹⁹რომ ცისკენ ახედვისას და მზისა, მთვარისა დავარსკვლავების, ცის მთელი მხედრობის დანახვისას არ შეცდე და თაყვანი არ სცემათ, არ ემსახურო მათ, რომლებიც შეუქმნა უფალმა, შენმა ღმერთმა, ყველახალხს მთელს ცისქვეშეთში.

²⁰აგიყვანათ უფალმა და გამოგარიდათ რკინის ღუმელს -ეგვიპტეს, რომ ყოფილიყავით მისი სამკვიდრო ერი, როგორც დღესა ხართ.

²¹უფალი გამირისხდა თქვენს გამო და დაიფიცა, რომ ვერ გადავალ იორდანეს გაღმა, ვერ შევალ მადლიან ქვეყანაში, რომელიც სამკვიდროდ მოგცა უფალმა, შენმა ღმერთმა.

²²რადგან ამ ქვეყანაში მოვკვდები მე, ვერ გადავალ იორდანეს.თქვენ კი გადახვალთ და დაიმკვიდრებთ იმ მადლიან ქვეყანას.

²³ფრთხილად იყავით, რომ არ დაგავიწყდეთ უფლის, თქვენიღმერთის აღთქმა, რომელიც დაგიდოთ თქვენ, რომ არ გაიკეთოთ კერპი, რაიმეგამოსახულება, როგორც უფალმა, შენმა ღმერთმა გიბრძანა,

²⁴რადგან მშთანთქმელი ცეცხლია უფალი, თქვენი ღმერთი,შურისმგებელი ღმერთია.

²⁵თუ გეყოლა შვილები და შვილთაშვილები, შეაბერდი ამქვეყანას, გაირყვენი და გაიკეთე კერპი, რაიმე გამოსახულება, უკეთურადმოიქეცი უფლის შენი ღმერთის თვალში და გააჯავრე იგი,

²⁶ცასა და მიწას ვიმოწმებ თქვენს წინაშე, რომ მალეგადაშენდებით იმ ქვეყნიდან, რომლის დასამკვიდრებლადაც გადადიხართ იორდანეს.დიდხანს ვერ დაჰყოფთ იქ, უეჭველად განადგურდებით.

²⁷გაგფანტავთ უფალი ერებში და მცირენი-ღა დარჩებით ხალხთაშორის, სადაც მიგიყვანთ თქვენ უფალი.

²⁸დაუწყებთ იქ თაყვანისცემას ადამიანის ხელით ნაკეთებღმერთებს, ხესა და ქვას, რომლებიც ვერაფერს ხედავენ, არაფერი ესმით,არაფერს სჭამენ, ვერაფერს ყნოსავენ.

²⁹როცა დაუწყებ იქიდან ძებნას უფალს, შენს ღმერთს, იპოვნიმას, თუკი მთელი შენი გულითა და მთელი შენი სულით ეძიებ.

³⁰როცა გაგიჭირდება და ყოველივე ეს გეწევა მომავალში,მიიქცევი უფლისაკენ, შენი ღმერთისაკენ, და გაიგონებ მის ხმას,

³¹რადგან მოწყალე ღმერთია უფალი, შენი ღმერთი, არ მიგატოვებს, არ დაგღუპავს და არ დაივიწყებს შენს მამა-პაპასთან ფიცით დადებულ აღთქმას.

³²აბა შეეკითხე გარდასულ დღეებს, შენამდე რომ იყო, იმდღიდან, რაც შექმნა ღმერთმა კაცი ქვეყანაზე, ცის კიდიდან კიდემდე: თუმომხდარა ასეთი დიადი საქმე ან მსგავსი რამ თუ სმენილა ოდესმე?

³³თუ უსმენია რომელიმე ხალხს ცეცხლის შუაგულიდან მოლაპარაკეღვთის ხმა, როგორც შენ ისმინე და ცოცხალი დარჩი.

³⁴ან თუ გაბედავდა რომელიმე ღმერთი, წასულიყო და გამოეყვანახალხი სხვა ხალხის წიაღიდან განსაცდელებით, ნიშნებით, სასწაულებით,ბრძოლით, მაგარი ხელით და გაშლილი მკლავით, დიდი ზარისტეხით, როგორცმოიმოქმედა თქვენთვის უფალმა ეგვიპტეში თქვენს თვალწინ?

³⁵შენ გახილვინა ეს იმის საცოდნელად, რომ ღმერთია უფალი,რომ სხვა არავინ არის მის გარდა.

³⁶ციდან გასმინა თავისი ხმა, რომ განესწავლე და ქვეყანაზეგახილვინა თავისი დიადი ცეცხლი და შენც მოისმინე მისი სიტყვები ცეცხლისშუაგულიდან.

³⁷რაკი შეიყვარა შენი მამა-პაპა, კიდეც გამოარჩია მისიშთამომავლობა და თავად გამოგიყვანა დიადი ძალით ეგვიპტიდან,

³⁸რომ აეყარა შენს წინაშე შენზე დიდი და ძლიერი ხალხები,მოეყვანე და მოეცა შენთვის მათი ქვეყანა სამკვიდროდ, როგორც დღესა გაქვს.

³⁹ახლა შეიგნე და გულს ჩაიბეჭდე, რომ უფალი ღმერთია მაღლაცაში და დაბლა მიწაზე. სხვა არ არის.

⁴⁰დაიცავი მისი წესები და ბრძანებები, რომელსაც დღესგიცხადებ, რომ კარგად იყოთ შენ და შენი შვილები შენს შემდეგ, რომ დიდხანსგაძლო ამ მიწაზე, რომელსაც უფალი, შენი ღმერთი, გაძლევს სამარადისოდ.

⁴¹მაშინ გამოჰყო მოსემ სამი ქალაქი იორდანეს გაღმა, მზის აღმოსავლეთით.

⁴²რომ შეეძლოს იქ გაქცევა მკვლელს, რომელსაც შემოაკვდებათავისი ახლობელი, ვისი სიძულვილიც არ ჰქონია არც გუშინ და არც გუშინწინ,გაიქცეს ერთ-ერთში ამ ქალაქთაგან და გადარჩეს:

⁴³ბეცერი უდაბნოში, ვაკეზე - რეუბენიანთათვის; რამოთიგალაადში - გადიანთათვის; გოლანი ბაშანში - მენაშეანთათვის.

⁴⁴ეს არის რჯული, რომელიც დაუდგინა მოსემ ისრაელიანებს.

⁴⁵ესენია მოწმობანი, წესები და სამართალი, რომლებიცგამოუცხადა მოსემ ისრაელიანებს ეგვიპტიდან გამოსვლისას,

⁴⁶იორდანეს გაღმა, ველზე ბეთ-ფეღორის გასწვრივ ხეშბონშიმჯდარი სიხონ ამორეველთა მეფის ქვეყანიში. რომელიც დაამარცხეს მოსემ დაისრაელიანებძა ეგვიპტიდან გამოსვლისას.

⁴⁷დაიმკვიდრეს მისი ქვეყანა და ყოგის, ბაშანის მეფისქვეყანა, ორი ამორეველი მეფისა, იორდანეს გაღმა რომ იყვნენ, მზისაღმოსავლეთით,

⁴⁸ყაროყერიდან, არნონის ხევზე რომ მდებარეობს, სიონისმთამდე ანუ ხერმონამდე,

⁴⁹მთელი ყარაბა იორდანეს გაღმა, აღმოსავლეთით, და ყარაბასზღვამდე, ფისგას მთის ძირას.