Read ახალი ქართულით, Modern Georgian Bible, 1982 მეორე რჯული 9 Bible Online

მეორე რჯული 9 - ახალი ქართულით, Modern Georgian Bible, 1982 bible

მეორე რჯული 9

¹ისმინე, ისრაელო! შენ დღეს გადადიხარ იორდანეს, რომ წახვიდე და დაეპატრონო შენზე დიდსა და ძლიერ ხალხებს, დიდ და ცათამდე გამაგრებულ ქალაქებს,

²დიდსა და მაღალს ხალხს, ყანაკის მოდგმას, რომელიც იცი დარომელზეც გსმენია: ვინ დაუდგებათ წინ ყანაკის მოდგმას?

³ახლა იცოდე: უფალი, შენი ღმერთი, მიგიძღვის წინ,მშთანთქმელი ცეცხლი. ის მოსპობს მათ, ის მოდრეკს მათ შენს წინაშე და შენცაჰყრი მათ და მალე გადააშენებ, როგორც უფალმა გითხრა.

⁴არ თქვა შენს გულში, როცა დაიწყებს უფალი, შენი ღმერთი,მათ განდევნას: ჩემი სიმართლის გამო მომიყვანა უფალმა ამ ქვეყნისდასამკვიდრებლადო. რადგან მათი სიბოროტის გამო აყარა შენგან ეს ხალხებიუფალმა.

⁵შენი სიმართლისა და შენი გულწრფელობის გამო კი არ მიდიხარმათი ქვეყნის დასამკვიდრებლად, არამედ მათი სიბოროტის გამო აყრის შენგანუფალი ამ ხალხებს, რომ შეასრულოს სიტყვა, რომელიც მისცა უფალმა შენსმამა-პაპას - აბრაამს, ისაკს და იაკობს.

⁶იცოდე, რომ შენი სიმართლის გამო არ გაძლევს უფალი, შენიღმერთი, ამ მადლიან მიწას დასამკვიდრებლად, რადგან ჯიუტი ხალხი ხართ.

⁷გახსოვდეს, არ დაგავიწყდეს, რომ ბევრჯერ გაგირისხებიაუფალი, შენი ღმერთი, უდაბნოში. ეგვიპტიდან გამოსვლის დღიდან ამ ადგილზემოსვლამდე, სულ მუდამ ექიშპებოდი უფალს.

⁸ხორებში განარისხეთ უფალი და გამწყრალმა თქვენი მოსპობადააპირა.

⁹როცა მთაზე ავედი, რომ ჩამომეტანა ფიქალები, ფიქალები აღთქმისა, უფალმა რომ დაგიდოთ თქვენ, ორმოცი დღე და ორმოცი ღამე ვიყავი იქ, არც პური მიჭამია და არც წყალი დამილევია.

¹⁰მომცა უფალმა ორი ფიქალი, ღვთიური თითებით წარწერილი. ზედიყო ყველა ის სიტყვა, რომელიც გამოგიცხადათ უფალმა მთაზე ცეცხლისშუაგულიდან თავშეყრის დღეს.

¹¹ორმოცი დღისა და ორმოცი ღამის გასვლის შემდეგ მომცა უფალმა ორი ფიქალი, ფიქალები აღთქმისა.

¹²და მითხრა უფალმა: ადექი და სწრაფად წადი აქედან, რადგანგაირყვნა შენი ხალხი, რომელიც ეგვიპტიდან გამოიყვანე. მალევე გადაუხვიესშენგან ნასწავლებ გზას - კერპი ჩამოისხეს.

¹³ასე მითხრა უფალმა: დავინახე, რომ ჯიუტი ყოფილა ეს ხალხი.

¹⁴დამანებე, მოვსპო ისინი და წარვხოცო მათი სახსენებელიცისქვეშეთიდან. შენგან კი მასზე ძლიერ და მრავალრიცხოვან ხალხს შევქმნიო.

¹⁵პირი ვიბრუნე და მთიდან ჩამოვედი, მთა კი ცეცხლში იწვოდა.მე აღთქმის ორი ფიქალი მეჭირა ორთავე ხელში.

¹⁶დავინახე, რომ შესცოდეთ უფალს, თქვენს ღმერთს: ოქროს ხბოჩამოისხით, მალევე გადაუხვიეთ გზას, რომელიც უფალმა გასწავლათ.

¹⁷ავიღე და გავაგდე ხელიდან ორივე ფიქალი და თქვენს თვალწინ დავლეწე.

¹⁸დავემხე უფლის წინაშე, როგორც უწინ, და ასე ვიყავი ორმოციდღე და ორმოცი ღამე, უსმელ-უჭმელი, ყველა თქვენი ცოდვის გამო, რომლითაცსცოდავდით, ბოროტებას რომ სჩადიოდით უფლის თვალში და აჯავრებდით მას.

¹⁹რადგან მეშინოდა რისხვისა და წყრომისა, რომელიც დაგატეხათუფალმა თქვენს გასანადგურებლალ. ამჯერადაც მისმინა მე უფალმა.

²⁰ძლიერ გაუწყრა აარონს, დაღუპვა უნდოდა მისი, და მეშევევედრე მაშინ აარონის გამოც.

²¹ავიღე თქვენი ნაცოდვარი - ხბო და ცეცხლში დავწვი. იმდენი ვნაყე, რომ მტვრად ვაქციე და მისი მტვერი მთიდან მომდინარე ღელეში ჩავყარე.

²²აჯავრებდით უფალს თაბერაში, მასაში და კიბროთ-ჰათაავაში.

²³როცა კადეშ-ბარნეადან გგზავნიდათ უფალი და გეუბნებოდათ:წადით, დაეპატრონეთ ქვეყანას, რომელიც მოგეცითო, თქვენ წინააღუდექით უფალს,თქვენს ღმერთს, არ ერწმუნეთ მას და არ ისმინეთ მისი სიტყვა.

²⁴იმ დღიდან, რაც გიცნობთ, უჯანყდებით უფალს.

²⁵დავემხე უფლის წინაშე და ასე ვიყავი ორმოცი დღე და ორმოციღამე, რადგან თქვენი განადგურება გადაწყვიტა უფალმა.

²⁶ვილოცე უფლის მიმართ და ვუთხარი: უფალო ღმერთო! ნუდაღუპავ შენს ერს და შენს სამკვიდროს, რომელიც გამოისყიდე შენიძლევამოსილებით, რომელიც გამოიყვანე ეგვიპტიდან მაგარი ხელით.

²⁷გაიხსენე შენი მორჩილნი - აბრაამი, ისაკი და იაკობი. ნუუყურებ ამ ხალხის სიჯიუტეს, მის სიბოროტეს და მის ცოდვებს,

²⁸რომ არ თქვას ქვეყანამ, საიდანაც გამოგვიყვანე: ვერშეიყვანა უფალმა ისინი იმ ქვეყანაში, რომელსაც ჰპირდებოდა მათ. მათდამისიძულვილის გამო გაიყვანა, რომ უდაბნოში დაეხოცაო.

²⁹შენი ერია ისინი და შენი სამკვიდრო, რომელიც გამოიყვანეშენი დიდი ძალით და შენი შემართული მკლავით.