Read ახალი ქართულით, Modern Georgian Bible, 1982 იოანეს 10 Bible Online

იოანეს 10 - ახალი ქართულით, Modern Georgian Bible, 1982 bible

იოანეს 10

¹ჭეშმარიტად, ჭეშმარიტად გეუბნებით თქვენ: ვინც კარით არ შედის ფარეხში, არამედ სხვა გზით მიძვრება, ქურდია და ყაჩაღი.

²ხოლო ვინც კარით შედის, ცხვრების მწყემსია.

³მას მეკარეც უღებს და ცხვრებსაც ესმით მისი ხმა; სახელითუხმობს თავის ცხვრებს და გამოჰყავს ისინი.

⁴ხოლო როცა გამოიყვანს, წინ მიუძღვის თავის ცხვრებს, დაისინიც მისდევენ, ვინაიდან იცნობენ მის ხმას.

⁵უცხოს კი არ მისდევენ, არამედ გაურბიან, რადგანაც ვერიცნობენ უცხოს ხმას.

⁶ეს იგავი უთხრა მათ იესომ. მაგრამ ისინი ვერ მიხვდნენ,რას გულისხმობდა.

⁷კვლავ უთხრა მათ იესომ: ჭეშმარიტად, ჭეშმარიტად გეუბნებითთქვენ: მე ვარ კარი ცხვართა.

⁸ყველა, ვინც ჩემზე წინ მოვიდა, ქურდია და ყაჩაღი; და არუსმინეს მათ ცხვრებმა.

⁹მე ვარ კარი; ვინც ჩემით შევა, ცხონდება: შევა და გამოვა,და ჰპოვებს საძოვარს.

¹⁰ქურდი მხოლოდ იმისთვის მოდის, რომ მოიპაროს, მოკლას და მოსპოს. ხოლო მე მოვედი, რათა ჰქონდეთ სიცოცხლე და ჭარბადაც ჰქონდეთ.

¹¹მე ვარ მწყემსი კეთილი: კეთილი მწყემსი თავის სულს დადებს ცხვრებისთვის.

¹²ხოლო მოქირავე, ვინც არ არის მწყემსი და ვისიც არ არიან ცხვრები, მომავალი მგლის დანახვისას მიატოვებს ცხვრებს და გარბის; მგელი კი წარიტაცებს და გაფანტავს ცხვრებს.

¹³მოქირავე იმიტომ გარბის, რომ მოქირავეა და არ ედარდება ცხვრები.

¹⁴მე ვარ მწყემსი კეთილი, და ვიცნობ ჩემს ცხვრებს, ჩემებიკი მიცნობენ მე.

¹⁵როგორც მე მიცნობს მამა, ასევე ვიცნობ მეც მამას, დადავდებ ჩემს სულს ცხვრებისთვის.

¹⁶სხვა ცხვრებიც მყვანან, რომლებიც არ არიან ამ ფარეხისა; მათი მოყვანაც მმართებს, რათა ისმენდნენ ჩემს ხმას, და იქნება ერთი სამწყსო და ერთი მწყემსი.

¹⁷იმიტომ ვუყვარვარ მე მამას, რომ დავდებ ჩემს სულს, რათაკვლავ დავიბრუნო იგი.

¹⁸ვერავინ წამართმევს მას, არამედ დავდებ მას ჩემით.შემიძლია მისი დადება და შემიძლია კვლავ დაბრუნება მისი. ეს მცნება მიმიღიამამაჩემისგან.

¹⁹ამ სიტყვების გამო კვლავ ჩამოვარდა განხეთქილებაიუდეველებს შორის.

²⁰ბევრი მათგანი ამბობდა: ეშმაკეულია და შმაგობს; რადუსმენთ მას?

²¹სხვები კი ამბობდნენ: ეს სიტყვები ეშმაკეულისა არ არის.სად შეუძლია ემშაკს თვალი აუხილოს ბრმებს?

²²ხოლო იერუსალიმში იყო განახლების დღესასწაული; ზამთარიიდგა.

²³და დადიოდა იესო ტაძარში, სოლომონის ბჭესთან.

²⁴გარს შემოერტყნენ იუდეველები და უთხრეს: სანამდის უნდაგვიმწარებდე სულს? თუ ქრისტე ხარ, გვითხარი ნათლად.

²⁵მიუგო მათ იესომ: გითხარით და არ მერწმუნეთ; საქმენი,რომელთაც ვაკეთებ მამის სახელით, თვითონვე მოწმობენ ჩემთვის.

²⁶მაგრამ თქვენ არ გჯერათ, ვინაიდან არა ხართ ჩემიცხვართაგანნი, როგორც გითხარით.

²⁷ჩემს ცხვრებს ჩემი ხმა ესმით; მე ვიცნობ მათ, და ისინიცმომდევენ.

²⁸მე ვაძლევ მათ საუკუნო სიცოცხლეს; არ წარწყმდებიანუკუნისამდე და ვერავინ მომტაცებს მათ.

²⁹მამაჩემი, რომელმაც მომცა ისინი, ყველაზე უმეტესია; დამისი ხელიდან ვერავინ წარიტაცებს მათ.

³⁰მე და მამა ერთი ვართ.

³¹მაშინ იუდეველებმა კვლავ ქვებს დასტაცეს ხელი მის ჩასაქოლად.

³²იესომ მიუგო მათ: მრავალი კეთილი საქმე გიჩვენეთმამაჩემის მიერ; რომელი მათგანისათვის მიპირებთ ჩაქოლვას?

³³მიუგეს იუდეველებმა და თქვეს: კეთილი საქმისთვის კი არჩაგქოლავთ, არამედ ღმრთის გმობისთვის, ვინაიდან კაცი ხარ და ღმერთად კიმოგაქვს თავი.

³⁴მიუგო მათ იესომ: განა თქვენს რჯულში არ გიწერიათ: მევთქვი, რომ ღმერთები ხართ?

³⁵ხოლო თუ ღმერთები უწოდა მათ, ვის მიმართაც იყო ღმრთისსიტყვა (წერილი კი ურღვევია),

³⁶მას, ვინც წმიდა-ყო და ამ ქვეყნად მოავლინა მამამ,ეუბნებით, ღმერთსა გმობო, რაკიღა ვთქვი: მე ვარ ძე ღმრთისა?

³⁷თუ არ ვაკეთებ მამაჩემის საქმეს, ნუ მერწმუნებით.

³⁸და თუ ვაკეთებ, მე რომ არ მერწმუნოთ, საქმეებს მაინცრწმუნეთ, რათა შეიცნოთ და ირწმუნოთ, რომ მამა ჩემშია, ხოლო მე - მასში.

³⁹მაშინ კვლავ დააპირეს მისი შეპყრობა, მაგრამ ხელიდანდაუსხლტა მათ.

⁴⁰და კვლავ გავიდა იორდანეს გაღმა, იმ ადგილას, სადაც უწინნათელს სცემდა იოანე, და დარჩა იქ.

⁴¹ბევრი მიდიოდა მასთან და ეუბნებოდა, რომ იოანეს არმოუხდენია არავითარი სასწაული, მაგრამ ყველაფერი, რაც მასზე თქვა, მართალიიყო.

⁴²და იქ ბევრმა ირწმუნა იგი.