Read ახალი ქართულით, Modern Georgian Bible, 1982 იოანეს 17 Bible Online

იოანეს 17 - ახალი ქართულით, Modern Georgian Bible, 1982 bible

იოანეს 17

¹ასე რომ იუბნა იესომ, ზეცად აღაპყრო თვალი და თქვა: მამაო, მოვიდა ჟამი: განადიდე შენი ძე, რათა ძემაც განგადიდოს შენ.

²რადგანაც მიეცი ხელმწიფება ყველა ხორციელზე, რათაყველაფერს, რაც მიეცი, საუკუნო სიცოცხლე მისცეს.

³საუკუნო სიცოცხლე კი ის არის, რომ გიცნობდნენ შენ,ერთადერთ ჭეშმარიტ ღმერთს, და იმას, ვინც შენ მოავლინე - იესო ქრისტეს.

⁴მე განგადიდე დედამიწაზე; აღვასრულე საქმე, რომელიცმომეცა აღსასრულებლად.

⁵ახლა კი შენ განმადიდე, მამაო, იმავ დიდებით, შენთან რომმქონდა ქვეყნის შექმნამდე.

⁶გამოვუცხადე შენი სახელი ადამიანებს, რომლებიც მომეცაქვეყნისაგან; შენი იყვნენ და მე მომეცი, და დაიცვეს შენი სიტყვა.

⁷ახლა შეიცნეს, რომ ყველაფერი, რაც მომეცი, შენგანაა.

⁸რადგანაც შენგან მოცემული სიტყვები მათ მივეცი, ხოლო მათმიიღეს და სცნეს ჭეშმარიტად, რომ შენგან გამოვედი, და ირწმუნეს, რომ შენმომავლინე.

⁹მათთვის გევედრები; ქვეყნისთვის კი არ გევედრები, არამედმათთვის, ვინაიდან შენი არიან.

¹⁰ყველაფერი ჩემი შენია, შენი კი - ჩემი; და მე ვიდიდე მათში.

¹¹მე უკვე აღარა ვარ ამ ქვეყნად, ისინი კი არიან; ხოლო მე შენთან მოვდივარ, წმიდა მამაო; დაიცავი ისინი შენი სახელით, ვინც მე მომეცი, რათა იყვნენ ჩვენსავით ერთნი.

¹²როცა მათთან ვიყავი, შენი სახელით ვიცავდი მათ, ვინც მე მომეცი: დავიფარე ისინი და არცერთი არ დამიღუპავს, გარდა დაღუპვის ძისა, რათა აღსრულდეს წერილი.

¹³ახლა კი შენთან მოვდივარ და ამას ვამბობ ქვეყნად, რათა ჰქონდეთ სრულად ჩემი სიხარული.

¹⁴მე მათ მივეცი შენი სიტყვები და ქვეყანამ მოიძულა ისინი, ვინაიდან ამ ქვეყნისანი არ არიან, როგორც მე არა ვარ ამქვეყნიერი.

¹⁵არ გევედრები, რომ აიტაცო ისინი ამ ქვეყნიდან, არამედ,რათა ბოროტისაგან დაიფარო ისინი.

¹⁶ამ ქვეყნისანი არ არიან, როგორც მე არა ვარ ამქვეყნიერი.

¹⁷გაწმინდე ისინი ჭეშმარიტებით, რადგანაც ჭეშმარიტია შენისიტყვა.

¹⁸როგორც შენ მომავლინე ამ ქვეყნად, ისე მე მივავლინე ისინიქვეყნად.

¹⁹მე მათთვის გავწმენდ ჩემს თავს, რათა ისინიც წმიდანიიყვნენ ჭეშმარიტებით.

²⁰მარტო მათთვის როდი გევედრები, არამედ ყველასთვის, ვისაცვწამვარ მათივე სიტყვით.

²¹რათა ყველანი ერთი იყვნენ, როგორც შენ, მამაო, ჩემში,ხოლო მე - შენში, და ირწმუნოს ქვეყანამ, რომ შენ მომავლინე.

²²დიდება, რომელიც შენ მომეცი, მე მათ მივეცი, რათა იყვნენჩვენსავით ერთი.

²³მე მათში, ხოლო შენ - ჩემში, რათა სრულნი იყვნენ ერთობით, და შეიცნოს ქვეყანამ, რომ შენ მომავლინე და ისე შეიყვარე ისინი, როგორც მე შემიყვარე.

²⁴მამაო, სადაც მე ვიქნები, მსურს იქვე იყვნენ ისინიც, ვინცმე მომეცი, რათა ხედავდნენ ჩემს დიდებას, შენ რომ მომეცი, რადგანაცშემიყვარე ქვეყნის შექმნამდე.

²⁵მამაო მართალო! ქვეყანამ ვერ გიცნო, მე კი გიცანი, დამათაც სცნეს, რომ შენ მომავლინე.

²⁶მე ვაუწყე მათ შენი სახელი და კვლავაც ვაუწყებ, რათასიყვარული, რომლითაც შემიყვარე, მათში იყოს და მეც ვიყო მათში.