Read ახალი ქართულით, Modern Georgian Bible, 1982 იოანეს 19 Bible Online

იოანეს 19 - ახალი ქართულით, Modern Georgian Bible, 1982 bible

იოანეს 19

¹მაშინ პილატემ წაიყვანა იესო და გააშოლტვინა.

²ხოლო ჯარისკაცებმა ეკლის გვირგვინი დაწნეს, თავზე დაადგესდა ძოწეულით შემოსეს იგი.

³მიდიოდნენ და ეუბნებოდნენ: გიხაროდეს, იუდეველთა მეფეო:და სახეში ურტყამდნენ მას.

⁴კვლავ გამოვიდა გარეთ პილატე და უთხრა მათ: აჰა,გამოგგვრით, რათა იცოდეთ, რომ ვერავითარ ბრალს ვერ ვპოულობ მასში.

⁵მაშინ გამოვიდა გარეთ იესო, ეკლის გვირგვინით და ძოწისმოსასხამით. და უთხრა მათ პილატემ: აჰა, კაცი;

⁶ხოლო მის დანახვაზე მღვდელმთავრები და მსახურებიაყვირდნენ: ჯვარს აცვი, ჯვარს აცვი! უთხრა მათ პილატემ: თქვენ თვითონწაიყვანეთ და ჯვარს აცვით, ვინაიდან მე ბრალს ვერ ვპოულობ მასში.

⁷იუდეველებმა მიუგეს: ჩვენა გვაქვს რჯული, და ჩვენირჯულღის მიხედვით, სიკვდილის ღირსია, ვინაიდან ღმერთის ძედ დასახა თავი.

⁸ეს სიტყვა რომ გაიგონა პილატემ, უფრო შეშინდა.

⁹ხელახლა შევიდა პრეტორიუმში და უთხრა იესოს: სადაური ხარ?მაგრამ იესომ პასუხი არ გასცა.

¹⁰უთხრა მას პილატემ: მე არ მცემ ხმას? ნუთუ არ იცი, რომ შემიძლია ჯვარს გაცვა შენ და შემიძლია შენი გაშვებაც?

¹¹იესომ მიუგო: არავითარი ხელმწიფება არ გექნებოდა ჩემზე, მაღლიდან რომ არ მოგცემოდა. ამიტომ უფრო დიდი ცოდვა აქვს იმას, ვინც ჩემი თავი გადმოგცა.

¹²ამის შემდეგ ცდილობდა პილატე გაეშვა იგი. მაგრამ იუდეველები აყვირდნენ და თქვეს: თუ მას გაუშვებ, კეისრის მეგობარი არა ხარ, რადგან ვისაც მეფედ მოაქვს თავი, კეისარს ეურჩება.

¹³ეს სიტყვა რომ გაიგონა, პილატემ გარეთ გამოიყვანა იესო და სამსჯავრო ტახტზე დაჯდა იმ ადგილას, რომელსაც ჰქვია ქვაფენილი, ხოლო ებრაულად - გაბათა.

¹⁴იყო პასექის პარასკევი, ასე, მეექვსე საათი; და უთხრაიუდეველებს: აჰა, თქვენი მეფე!

¹⁵ხოლო ისინი აყვირდნენ: წაიყვა, წაიყვა, ჯვარს აცვი იგი! უთხრა მათ პილატემ: თქვენი მეფე ჯვარს ვაცვა? მღვდელმთავრებმა მიუგეს: არა გვყავს მეფე, კეისრის გარდა.

¹⁶მაშინ მისცა მათ ჯვარზე საცმელად. და წაიყვანეს იესო.

¹⁷თან მიჰქონდა თავისი ჯვარი, და მივიდა იმ ადგილას,რომელსაც ჰქვია თხემისა, ხოლო ებრაულად - გოლგოთა,

¹⁸სადაც ჯვარს აცვეს იგი, და მასთან ერთად ორი სხვაც, აქეთდა იქით, ხოლო შუაში იესო.

¹⁹დაწერა წარწერა პილატემ და ჯვარზე გააკრა; ხოლო წარწერაასეთი იყო: იესო ნაზარეველი, იუდეველთა მეფე.

²⁰იუდეველთაგან ბევრმა წაიკითხა ეს წარწერა (ვინაიდანადგილი, სადაც ჯვარს აცვეს იესო, ახლოს იყო ქალაქთან), და დაწერილი იყოებრაულად, ლათინურად და ბერძნულად.

²¹ხოლო იუდეველთა მღვდელმთავრებმა უთხრეს პილატეს: ნუდაწერ: იუდეველთა მეფე, არამედ როგორც მან თქვა: მე ვარ მეფე იუდეველთა.

²²მიუგო პილატემ: რაც დავწერე, დავწერე.

²³ჯარისკაცებმა, რომლებმაც ჯვარს აცვეს იესო, აიღეს მისი სამოსი და ოთხ ნაწილად გაყვეს, თვითეულ ჯარისკაცს თავისი წილი ერგო, აგრეთვე კვართი; ხოლო კვართი ნაკერი კი არ იყო, არამედ თავიდან ბოლომდე ნაქსოვი.

²⁴და ერთმანეთს უთხრეს: ნუ დავხევთ ამას, არამედ წილივყაროთ მასზე, ვნახოთ ვის შეხვდებაო. რათა აღსრულდეს წერილი, რომელიცამბობს: გაიყვეს ჩემი სამოსი ერთმანეთს შორის, და ჩემს კვართზე იყარესწილი.

²⁵იესოს ჯვართან იდგნენ დედამისი, დედამისის და, მარიამკლეოპასი და მარიამ მაგდალელი.

²⁶ხოლო იესომ, როცა დაინახა დედა და იქვე მდგომი მოწაფე,რომელიც უყვარდა, უთხრა დედას: დედაო, აჰა, შენი ძე!

²⁷მერე კი მოწაფეს უთხრა: აჰა, დედაშენი; და ამ საათიდანმოწაფემ თავისას წაიყვანა იგი.

²⁸შემდგომ ამისა, რაკიღა მიხვდა, რომ უკვე დასრულდაყველაფერი, რათა აღსრულდეს წერილი, იესომ თქვა: მწყურია.

²⁹იქვე იდგა ძმრით სავსე ჭურჭელი. ძმრით გაჟღენთილი ღრუბელი უსუპს წამოაცვეს და პირთან მიუტანეს.

³⁰როდესაც იგემა ძმარი, იესომ თქვა: აღსრულდა; თავი დახარადა სული განუტევა.

³¹რაკი პარასკევი იყო, გვამები რომ ჯვარზე არ დარჩენილიყოშაბათს (ვინაიდან ის შაბათი დიდი დღე იყო), იუდეველებმა სთხოვეს პილატეს,წვივები დაემტვრიათ მათთვის და ჩამოეხსნათ.

³²მაშინ მივიდნენ ჯარისკაცები და წვივები დაუმტვრიეს მასთანერთად ჯვარცმულთ, ერთსაც და მეორესაც.

³³ხოლო როცა იესოსთან მივიდნენ, ნახეს, რომ უკვემომკვდარიყო, და აღარ დაუმტვრიეს წვივები.

³⁴მაგრამ ერთმა ჯარისკაცმა შუბი აძგერა ფერდში, საიდანაცმყისვე გადმოჩქეფა სისხლმა და წყალმა.

³⁵ვინც იხილა, იმოწმა, და ჭეშმარიტია მისი მოწმობა; მანიცის, რომ ჭეშმარიტს ამბობს, რათა ირწმუნოთ.

³⁶ვინაიდან ეს მოხდა, რათა აღსრულდეს წერილი: მისი ძვალი არშეიმუსრება.

³⁷ხოლო სხვა წერილი ამბობს: იხილავენ მას, ვინც განგმირეს.

³⁸ამის შემდეგ იოსებ არიმათიელმა (რომელიც იესოს მოწაფეიყო, მაგრამ ფარულად, ვინაიდან იუდეველებისა ეშინოდა) სთხოვა პილატეს, რათაჩამოეხსნა იესოს გვამი. პილატემ ნება დართო; ისიც მივიდა და ჩამოხსნა იესოსგვამი.

³⁹მოვიდა ნიკოდემეც (ერთხელ ღამით რომ მივიდა იესოსთან) დამოიტანა სმირნისა და ალოეს ნაზავი, ასიოდ ლიტრა.

⁴⁰აიღეს იესოს გვამი და ტილოებში გახვიეს, ნელსაცხებელთანერთად, როგორც მოითხოვს იუდეველთა დაკრძალვის წესი.

⁴¹იმ ადგილას, სადაც ჯვარს აცვეს, ბაღი იყო, ბაღში კი -ახალი სამარხი, რომელშიაც ჯერ კიდევ არავინ დაესვენებინათ.

⁴²იქ დაასვენეს იესო, იუდეველთა პარასკევის გამო, რადგანაცახლოს იყო სამარხი.