Read ახალი ქართულით, Modern Georgian Bible, 1982 იოანეს 21 Bible Online

იოანეს 21 - ახალი ქართულით, Modern Georgian Bible, 1982 bible

იოანეს 21

¹შემდგომ ამისა, კვლავ გამოეცხადა იესო მოწაფეებს ტიბერიადის ზღვაზე; ასე გამოეცხადა მათ:

²ერთად იყვნენ სიმონ-პეტრე, თომა, ტყუპისცალად წოდებული,ნათანაელი, გალილეის კანადან, ზებედეს ძენი და ორი სხვა მოწაფე.

³უთხრა მათ სიმონ-პეტრემ: სათევზაოდ მივდივარ. მიუგეს:ჩვენც წამოგყვებით. წავიდნენ და ნავში ჩასხდნენ, მაგრამ იმ ღამეს ვერაფერიდაიჭირეს.

⁴ხოლო როცა ინათა, ნაპირზე იდგა იესო; მოწაფეები კი ვერმიხვდნენ, რომ იესო იყო.

⁵უთხრა მათ იესომ: შვილებო, რამე საჭმელი თუ გაქვთ?მიუგეს: არა.

⁶და უთხრა მათ: ნავის მარჯვენა კიდიდან ისროლეთ ბადე დაიშოვით. ისროლეს და ვეღარ ამოზიდეს, თევზის სიმრავლის გამო.

⁷ხოლო მოწაფემ, რომელიც უყვარდა იესოს, პეტრეს უთხრა: ესუფალია! სიმონ-პეტრემ კი, როცა გაიგონა, უფალიაო, მოსასხამი შემოიხვია,რადგანაც შიშველი იყო, და ზღვაში გადახტა.

⁸დანარჩენი მოწაფეები კი ნავით გამოვიდნენ, რადგანაც ახლოსიყვნენ ნაპირთან, ასე, ორასი წყრთის მანძილზე, და გამოათრიეს თევზით სავსებადე.

⁹ნაპირზე გამოსულებმა დაინახეს მიწაზე მდებარენაკვერცხლები, ხოლო ზედ თევზი, და პური.

¹⁰უთხრა მათ იესომ: აბა, მოიტათ თევზი, წეღან რომ დაიჭირეთ.

¹¹წავიდა სიმონ-პეტრე და ნაპირზე გამოათრია ბადე. ას ორმოცდაცამეტი დიდრონი თევზით სავსე; და თუმცა ამდენი იყო, მაინც არ გაიხა ბადე.

¹²უთხრა მათ იესომ: მოდით, ისაუზმეთ. ხოლო მოწაფეთაგან ვერავინ გაბედა ეკითხა მისთვის, ვინ ხარო, რადგან იცოდნენ, რომ უფალი იყო.

¹³მოვიდა იესო, აიღო პური და მისცა მათ; ასევე თევზიც.

¹⁴ეს უკვე მესამედ გამოეცხადა იესო თავის მოწაფეებს მასშემდეგ, რაც მკვდრეთით აღდგა.

¹⁵ხოლო როდესაც ისაუზმეს, იესომ სიმონ-პეტრეს უთხრა: სიმონ, იონას ძეო, ამათზე მეტად გიყვარვარ? უთხრა მას პეტრემ: დიახ, უფალო; შენ იცი, რომ მიყვარხარ. უთხრა მას იესომ: აძოვე ჩემი კრავები.

¹⁶მეორედაც უთხრა მას: სიმონ იონას ძეო, გიყვარვარ? უთხრა მას პეტრემ: დიახ, უფალო; შენ იცი, რომ მიყვარხარ. უთხრა მას იესომ: მწყემსე ჩემი ცხვრები.

¹⁷მესამედაც უთხრა მას: სიმონ, იონას ძეო, გიყვარვარ?შეწუხდა პეტრე, რადგან მესამედ ჰკითხა, გიყვარვარო? და უთხრა მას: უფალო,შენ ყველაფერი იცი, იცი, რომ მიყვარხარ. უთხრა მას იესომ: აძოვე ჩემიცხვრები.

¹⁸ჭეშმარიტად, ჭეშმარიტად გეუბნები შენ: სანამ ახალგაზრდაიყავი, სარტყელს შემოირტყამდი და მიდიოდი, სადაც გინდოდა; ხოლო როდესაცდაბერდები, ხელებს გაიწვდი, სხვა შემოგარტყამს სარტყელს და წაგიყვანს იქ,სადაც არ გინდა.

¹⁹ხოლო ეს თქვა, რათა ენიშნებინა, როგორი სიკვდილითგანადიდებდა იგი ღმერთს. ეს რომ თქვა, უთხრა: მომყევიო.

²⁰შემობრუნდა პეტრე და დაინახა, რომ უკან მოსდევდა მოწაფე,რომელიც უყვარდა იესოს, სწორედ ის, სერობისას მის მკერდზე მიყრდნობილმა რომუთხრა: უფალო, ვინ გაგცემს შენ?

²¹ეს რომ დაინახა, პეტრემ უთხრა იესოს: უფალო, ამას რა?

²²უთხრა მას იესომ: თუკი მნებავს, რომ ჩემს მოსვლამდედარჩეს, შენ რა? შენ მე გამომყევ.

²³და გავრცელდა ეს სიტყვა ძმებს შორის, რომ ის მოწაფე არ მოკვდებოდა. მაგრამ იესოს ის კი არ უთქვამს, არ მოკვდებაო, არამედ: თუკი მნებავს, რომ ჩემს მოსვლამდე დარჩეს, მერე შენ რაო?

²⁴ეს არის მოწაფე, რომელიც მოწმობს ამას და რომელმაც დაწერაეს. და ვიცით, რომ მისი მოწმობა ჭეშმარიტია.

²⁵ბევრი სხვა რამეც მოიმოქმედა იესომ, მაგრამ ყველაფერისათითაოდ რომ დაწერილიყო, ვგონებ, ქვეყანაც ვერ დაიტევდა დაწერილ წიგნებს.ამინ.