Read ახალი ქართულით, Modern Georgian Bible, 1982 იოანეს 3 Bible Online

იოანეს 3 - ახალი ქართულით, Modern Georgian Bible, 1982 bible

იოანეს 3

¹ფარისეველთა შორის იყო ერთი კაცი, სახელად ნიკოდემე, იუდეველთა მთავარი,

²რომელიც ღამით მივიდა იესოსთან და უთხრა: რაბი, ვიცით,რომ ღმრთისაგან მოსულხარ მოძღვრად, ვინაიდან არავის შეუძლია შენს მიერმოხდენილ სასწაულთა ქმნა, თუკი მასთან არ არის ღმერთი.

³ხოლო იესომ მიუგო: ჭეშმარიტად, ჭეშმარიტად გეუბნები შენ:ვინც არ დაიბადება ხელახლა, ვერ იხილავს ღმრთის სასუფეველს.

⁴უთხრა მას ნიკოდემემ: როგორ შეიძლება დაიბადოს მოხუციკაცი? ხომ არ შეუძლია ხელმეორედ შევიდეს დედის საშოში და კვლავ დაიბადოს?

⁵მიუგო იესომ: ჭეშმარიტად, ჭეშმარიტად გეუბნები შენ: ვინცარ დაიბადება წყლისა და სულისაგან, ვერ შევა ღმრთის სასუფეველში.

⁶ხორცის მიერ შობილი ხორცია და სულის მიერ შობილი - სული.

⁷ნუ გიკვირს, რომ გითხარი: ხელახლა უნდა დაიბადოთ-მეთქი.

⁸ქარი, სადაც სურს, ქრის, და გესმის მისი ხმა, მაგრამ არიცი, საიდან მოდის ან საით მიდის; ასევეა სულის მიერ ყველა შობილიც.

⁹მიუგო ნიკოდემემ და უთხრა მას: როგორ შეიძლება ეს მოხდეს?

¹⁰ხოლო იესომ პასუხად თქვა: ისრაელის მოძღვარი ხარ და ეგ არ იცი?

¹¹ჭეშმარიტად, ჭეშმარიტად გეუბნები შენ: ჩვენ ვამბობთ იმას, რაც ვიცით, და ვმოწმობთ იმას, რაც გვიხილავს, მაგრამ ჩვენს მოწმობას არ იღებთ.

¹²თუ მიწისა გითხარით და არ ირწმუნეთ, როგორღა ირწმუნებთ, რომ გითხრათ, ცისას?

¹³არავინ ასულა ზეცად, გარდა ზეცით ჩამოსული კაცის ძისა, რომელიც არის ცაში.

¹⁴და როგორც მოსემ აღმართა გველი უდაბნოში, ასევე უნდააღიმართოს ძეც კაცისა.

¹⁵რათა ყოველი მისი მორწმუნე კი არ წარწყმდეს, არამედ ჰქონდეს საუკუნო სიცოცხლე.

¹⁶ვინაიდან ისე შეიყვარა ღმერთმა ქვეყანა, რომ მისცა თავისი მხოლოდშობილი ძე, რათა ყოველი მისი მორწმუნე კი არ წარწყმდეს, არამედ ჰქონდეს საუკუნო სიცოცხლე.

¹⁷რადგანაც ღმერთმა იმისათვის როდი მოავლინა თავისი ძე ამქვეყნად, რათა განესაჯა ქვეყანა, არამედ რათა ეხსნა მის მიერ.

¹⁸ვისაც სწამს იგი, არ განისჯება, ხოლო ურწმუნო ახლავგანსჯილია, ვინაიდან არ იწამა ღმრთის მხოლოდშობილი ძის სახელი.

¹⁹სასჯელი კი ისაა, რომ ნათელი მოვიდა ქვეყნად, მაგრამხალხმა უფრო შეიყვარა ბნელი, ვიდრე ნათელი, ვინაიდან ბოროტნი იყვნენ მათისაქმენი.

²⁰რადგანაც ყველა ბოროტმოქმედს სძულს ნათელი და არ მიელტვისნათელს, რათა არ გამჟღავნდნენ მისი საქმენი.

²¹სიმართლის მოქმედი კი მიელტვის ნათელს, რათა გაცხადდნენმისი საქმენი, ვინაიდან ღმერთში არიან ქმნილნი.

²²შემდგომ ამისა, იესო თავისი მოწაფეებითურთ მივიდა იუდეასმხარეში; იყო იქ და ნათელს სცემდა მათ.

²³იყო იოანეც და ნათელს სცემდა ენონში, სალემის მახლობლად, ვინაიდან ბევრი წყალი იყო იქ; მოდიოდნენ და ნათელს იღებდნენ მისგან.

²⁴რადგანაც იოანე ჯერ კიდევ არ ჩაეგდოთ საპყრობილეში.

²⁵მაშინ იოანეს მოწაფეებს იუდეველებთან მოუხდათ დავაგანწმენდის გამო.

²⁶მივიდნენ იოანესთან და უთხრეს: რაბი, ვინც შენთან იყოიორდანეს პირას და ვისთვისაც იმოწმე, აჰა, ნათელს სცემს და ყველანი მასთანმიდიან.

²⁷მიუგო იოანემ და თქვა: ვერაფერს მიიღებს კაცი, თუკი ზეცით არ მისცემია.

²⁸თქვენ თვითონვე დამემოწმებით, რომ ვთქვი: არა ვარ ქრისტე,არამედ - მის წინაშე მოვლინებული.

²⁹ვისაც სასძლო ჰყავს, სიძეა; ხოლო სიძის მეგობარი, ვინცდგას და ესმის მისი, სიხარულით ხარობს სიძის ხმის გაგონებისას; სწორედ ესსიხარული აღსრულდა ჩემი.

³⁰ის უნდა იზარდოს, მე კი დავკნინდე.

³¹მაღლით მომავალი ყველაზე უმაღლესია; მიწისმიერი მიწიერიადა მიწისას იტყვის, ხოლო ზეცით მომავალი ყველაზე უზენაესია.

³²რაც უხილავს და სმენია, იმასვე მოწმობს, მაგრამ მისმოწმობას არავინ იღებს.

³³ვინც მიიღო მისი მოწმობა, ამით დაბეჭდა, რომ ჭეშმარიტიაღმერთი.

³⁴რადგან ვინც ღმერთმა მოავლინა, ღმრთის სიტყვებს ამბობს,ვინაიდან ღმერთი ზომით როდი იძლევა სულს.

³⁵მამას უყვარს ძე და ყველაფერი ხელთ მისცა მას.

³⁶ვისაც სწამს ძე, აქვს საუკუნო სიცოცხლე, ხოლო ვისაც არასწამს ძე, ვერ იხილავს სიცოცხლეს, და რისხვა ღმრთისა არ დაუტევებს მას.