Read ახალი ქართულით, Modern Georgian Bible, 1982 იოანეს 5 Bible Online

იოანეს 5 - ახალი ქართულით, Modern Georgian Bible, 1982 bible

იოანეს 5

¹შემდგომ ამისა იყო იუდეველთა დღესასწაული, და ავიდა იესო იერუსალიმს.

²ხოლო იერუსალიმში, ცხვრის ჭიშკართან არის ხუთბჭიანი აუზი,რომელსაც ებრაულად ჰქვია ბეთეზდა.

³იქ იწვა უამრავი სნეული, ბრმა, კოჭლი და დავრდომილი,რომლებიც მოელოდნენ წყლის ძვრას.

⁴ვინაიდან ანგელოზი დროდადრო ჩადიოდა აუზში და ამღვრევდაწყალს; ხოლო ვინც წყლის ძვრისას პირველი ჩავიდოდა შიგ, რა სენითაც უნდაყოფილიყო სნეული, იკურნებოდა.

⁵იყო იქ კაცი, რომელიც ოცდათვრამეტ წელიწადს იტანჯებოდათავისი სენით.

⁶როცა იესომ მწოლარე იხილა იგი, მიხვდა, რომ დიდი ხანია ამდღეში იყო, და უთხრა: გინდა განიკურნო?

⁷ხოლო სნეულმა მიუგო: უფალო, კაცი არა მყავს, რომ წყლისძვრისას ჩამიშვას აუზში; ვიდრე მე მივალ, სხვა მასწრებს ჩასვლას.

⁸და უთხრა იესომ: აღდეგ, აიღე შენი სარეცელი და წადი.

⁹მაშინვე განიკურნა იგი; აიღო თავისი სარეცელი და წავიდა.ხოლო ის დღე შაბათი იყო.

¹⁰ამიტომაც იუდეველები ეუბნებოდნენ განკურნებულს: დღეს შაბათია, ასე რომ, ნება არ გქონდა აგეღო შენი სარეცელი.

¹¹მან კი მიუგო: ვინც განმკურნა, მანვე მითხრა: აიღე შენი სარეცელი და წადი.

¹²ჰკითხეს: ვინ არის ის კაცი, რომელმაც გითხრა, აიღე შენი სარეცელი და წადიო?

¹³მაგრამ განკურნებულმა არ იცოდა, ვინ იყო, რადგან იესო იქვე მყოფ ხალხში გაუჩინარდა.

¹⁴ამის შემდეგ ტაძარში დაინახა იგი იესომ და უთხრა: აჰა,განიკურნე; ნუღარა სცოდავ, რათა უარესი არ დაგემართოს.

¹⁵მაშინ ის კაცი წავიდა და იუდეველებს უთხრა, რომ იესომგანკურნა იგი.

¹⁶ამიტომაც იუდეველები მოსაკლავად დასდევდნენ იესოს, ვინაიდან ამას იქმოდა შაბათს.

¹⁷ხოლო იესო პასუხად ეუბნებოდა მათ: მამაჩემი აქამდე იღვწისდა მეც ვიღვწი.

¹⁸მით უფრო მეტად ცდილობდნენ იუდეველები იესოს მოკვლას,ვინაიდან არა მარტო არღვევდა შაბათს, არამედ თავის მამად იტყოდა ღმერთს დამას უტოლებდა თავს.

¹⁹ხოლო იესო ამის პასუხად ამბობდა: ჭეშმარიტად, ჭეშმარიტადგეუბნებით თქვენ: ძეს არაფერი ხელეწიფება თავისთავად, თუ არ იხილავს მამისსაქმეს, ვინაიდან რასაც მამა იქმს, ძეც იმასვე იქმს.

²⁰რადგანაც მამას უყვარს ძე და ყველა თავის საქმეს უჩვენებსმას; თუმცა მეტ საქმეთაც უჩვენებს, თქვენდა გასაოცრად.

²¹ვინაიდან როგორც მამა აღადგენს და აცოცხლებს მკვდრებს,ასევე ძეც აცოცხლებს, ვინც თვითონ ნებავს.

²²რადგანაც მამა არავისა სჯის, არამედ მთელი მსჯავრი ძესმისცა.

²³რათა ყველანი პატივს სცემდნენ ძეს, როგორც პატივს სცემენ მამას, რადგან ვინც პატივს არა სცემს ძეს, არც მამასა სცემს პატივს, რომელმაც მოავლინა იგი.

²⁴ჭეშმარიტად, ჭეშმარიტად გეუბნებით თქვენ: ვინც ისმენსჩემს სიტყვებს და სწამს იგი, ვინც მომავლინა, აქვს საუკუნო სიცოცხლე და არწარუდგება სამსჯავროს, არამედ უკვე გადავიდა სიკვდილიდან სიცოცხლეში.

²⁵ჭეშმარიტად, ჭეშმარიტად გეუბნებით თქვენ: მოვა დრო დამოვიდა კიდეც, როცა მკვდრები მოისმენენ ღმერთის ძის სიტყვას, და ვინცმოისმენს, ცხონდება.

²⁶ვინაიდან როგორც მამას აქვს სიცოცხლე თავის თავში, ასევემისცა ძესაც, რათა ჰქონდეს სიცოცხლე თავის თავში.

²⁷და მისცა მას ხელმწიფება სამართლის ქმნისა, რადგანაც ისარის კაცის ძე.

²⁸ნუ გაიკვირვებთ ამას, რადგანაც მოვა დრო, როცა ყველა,ვინც წევს საფლავში, მოისმენს მის ხმას.

²⁹და ამოვლენ კეთილის მოქმედნი აღდგომისათვის, რომელსაცმოსდევს სიცოცხლე, ბოროტის მოქმედნი კი - აღდგომისათვის, რომელსაც მოსდევსგანკითხვა.

³⁰მე არაფერი შემიძლია ჩემდა თავად; როგორც მესმის, ისევეგანვსჯი, და ჩემი განსჯა არის მართალი, ვინაიდან ჩემს ნებას კი არ ვეძებ,არამედ ჩემი მომავლინებლის ნებას.

³¹თუ მე ჩემთვის თვითონვე ვმოწმობ, ჩემი მოწმობა არ არის ჭეშმარიტი.

³²სხვა არის, ვინც მოწმობს ჩემთვის, და ვიცი, რომჭეშმარატია მოწმობა, რომლითაც მოწმობს ჩემთვის.

³³თქვენ წარგზავნეთ ხალხი იოანესთან, და ისიც ემოწმაჭეშმარიტს.

³⁴თუმცა მე კაცისაგან როდი ვიღებ მოწმობას, არამედ იმიტომვამბობ ამას, რათა გადარჩეთ.

³⁵ის იყო სანთელი, რომელიც იწვის და ანათებს, თქვენ კიისურვეთ ერთხანს გეხარათ მისი სინათლით.

³⁶ხოლო მე უკეთესი მოწმობა მაქვს, ვიდრე მოწმობა იოანესი:საქმენი, მამამ რომ მომცა აღსასრულებლად, თვით ჩემს მიერ ქმნილი საქმენიმოწმობენ, რომ მამისგან ვარ მოვლინებული.

³⁷ასე რომ, მამამ, რომელმაც მომავლინა, თვითონვე იმოწმაჩემთვის. თქვენ არც მისი ხმა გსმენიათ ოდესმე და არც ხატება გიხილავთ მისი.

³⁸და მისი სიტყვა ვერ დაემკვიდრა თქვენში, ვინაიდან არგწამთ მის მიერ მოვლინებული.

³⁹წერილთა სიღრმეს იკვლევთ, რადგან გგონიათ, რომ მათშიგაქვთ საუკუნო სიცოცხლე. მაგრამ სწორედ ისინი მოწმობენ ჩემთვის.

⁴⁰თქვენ კი არ გსურთ მოხვიდეთ ჩემთან, რათა სიცოცხლეგქონდეთ.

⁴¹დიდებას არ ვიღებ კაცთაგან.

⁴²მაგრამ მე გიცნობთ: ღმრთის სიყვარული არ არის თქვენში.

⁴³მე მოვედი მამაჩემის სახელით, და არ მღებულობთ; სხვა თუმოვა თავისივე სახელით, მას კი მიიღებთ.

⁴⁴როგორ შეგიძლიათ ირწმუნოთ, თუკი ერთმანეთისაგან იღებთდიდებას, მაგრამ არ ეძებთ დიდებას, რომელიც ერთი ღმრთისგან არის?

⁴⁵ნუ გგონიათ, რომ ბრალს დაგდებთ მამის წინაშე; თქვენიბრალმდებელი არის მოსე, ვისი იმედიცა გაქვთ.

⁴⁶ვინაიდან მოსე რომ გწამდეთ, მეც მიწამებდით, რადგანაც მანჩემთვის დაწერა.

⁴⁷მაგრამ თუ მისი წერილი არა გწამთ, როგორღა იწამებთ ჩემსსიტყვებს?