Read ახალი ქართულით, Modern Georgian Bible, 1982 საქმე წმიდათა მოციქულთა 11 Bible Online

საქმე წმიდათა მოციქულთა 11 - ახალი ქართულით, Modern Georgian Bible, 1982 bible

საქმე წმიდათა მოციქულთა 11

¹მოციქულებმა და იუდეაში მყოფმა ძმებმა გაიგეს, რომ წარმართებმაც მიიღეს ღვთის სიტყვა.

²და როცა პეტრე ავიდა იერუსალიმს, წინადაცვეთილებმაყვედრება დაუწყეს

³და ეუბნებოდნენ: წინადაუცვეთელი ხალხის სახლში შეხვედი დამათთან ერთად ჭამეო.

⁴მაგრამ პეტრემ თავიდან დაიწყო, ყველაფერი დალაგებით უამბოდა უთხრა მათ:

⁵ქალაქ იოპეში ყოფნისას ვლოცუღთბდი და ექსტაზში ვიხილეხილვა: ზეციდან ეშვებოდა რაღაც უცხო ჭურჭელი, ვეება ტილოს მსგავსი, დაოთხივე წვერით გამოკრული ჩემამდე დაეშვა.

⁶ჩავხედე და დავინახე დედამიწის ბინადარი ყოველგვარიოთხფეხი, მხეცები, ქვეწარმავლები და ცის ფრინველები.

⁷და მომესმა ხმა, რომელმაც მითხრა: ადექი, პეტრე, დაკალიდა ჭამე!

⁸მე კი ვთქვი: არა, უფალო, რადგანაც არასდროს მიჭამიარაიმე ბილწი და უწმინდური.

⁹მეორედაც მომიგო ზეციდან ხმამ: რაც წმიდა-ყო ღმერთმა, შენნუ მიიჩნევ უწმინდურად.

¹⁰ასე განმეორდა სამჯერ და ყველაფერი კვლავ ამაღლდა ზეცად.

¹¹და, აჰა, მაშინვე კესარიიდან ჩემთან გამოგზავნილი სამი კაცი მოადგა იმ სახლს, სადაც მე ვიყავი.

¹²სულმა მითხრა, რომ უყოყმანოდ გავყოლოდი მათ. ეს ექვსი ძმა მეახლა და იმ კაცის სახლში მივედი.

¹³მან გვიამბო, როგორ იხილა შინ ანგელოზი, რომელიც დადგა და უთხრა მას: იოპეში გაგზავნე ხალხი და უხმე სიმონს, პეტრედ წოდებულს;

¹⁴ის გეტყვის სიტყვებს, რითაც ცხონდებით შენცა და მთელიშენი სახლიც.

¹⁵ლაპარაკი რომ დავიწყე, სული წმიდა გადმოვიდა მათზე, ისევე, როგორც ჩვენზე თავდაპირველად.

¹⁶მაშინ გამახსენდა სიტყვა უფლისა, რომელმაც თქვა: იოანე წყლით ნათლავდა ხალხს, თქვენ კი სულით წმიდით მოინათლებით.

¹⁷თუკი ღმერთმა ისეთივე ნიჭი უბოძა მათ, როგორც ჩვენ, რომლითაც ვირწმუნეთ უფალი იესო ქრისტე, მე ვინ ვიყავი, რომ შემძლებოდა წინ აღვდგომოდი ღმერთს?

¹⁸ეს რომ მოისმინეს, დამშვიდდნენ, ადიდეს ღმერთი და თქვეს: ეტყობა, ღმერთმა წარმართთაც მისცა სინანული სიცოცხლისთვისო.

¹⁹ხოლო სტეფანეს გამო მომხდარი დევნილობის შედეგად გაფანტულებმა ფინიკიას, კიპროსსა და ანტიოქიას მიაღწიეს, მაგრამ იუდეველთა გარდა არავის ეუბნებოდნენ სიტყვას.

²⁰თუმცა მათ შორის კიპროსელები და კირენელებიც იყვნენ. რომლებიც ანტიოქიაში შესვლისას ბერძნებსაც ელაპარაკებოდნენ და ახარებდნენ მათ უფალ იესოს.

²¹და იყო ხელი უფლისა მათთან, ასე რომ, ბევრმა ირწმუნა და მოიქცა უფლის მიმართ.

²²ამ ამბავმა იერუსალიმის ეკლესიასაც მიაღწია და ანტიოქიაში წარგზავნეს ბარნაბა.

²³როცა მივიდა, იხილა მადლი ღვთისა, გაიხარა და ყველას შეაგონებდა, წრფელი გულით დამკვიდრებულიყვნენ უფალში.

²⁴ვინაიდან კეთილი კაცი იყო, სულით წმიდითა და რწმენით აღსავსე. და შეემატა დიდძალი ხალხი უფალს.

²⁵მერე ტარსოსს გაემართა სავლეს საძებნად, იპოვა და ანტიოქიაში ჩამოიყვანა.

²⁶მთელ წელიწადს იკრიბებოდნენ ეკლესიაში და ასწავლიდნენ დიდძალ ხალხს; ასე რომ, მოწაფეებს პირველად ანტიოქიაში ეწოდათ ქრისტიანები.

²⁷იმხანად იერუსალიმიდან ანტიოქიაში ჩავიდნენ წინასწარმეტყველნი.

²⁸წამოდგა ერთი მათგანი, სახელად აგაბოსი და განაცხადა სულით, რომ დიდი შიმშილობა ჩამოვარდებოდა მთელ ქვეყანაში, რაც ახდა კიდეც კლავდიუსის დროს.

²⁹მაშინ მოწაფეებმა, ვისაც რა შეეძლო, გადაწყვიტეს დახმარება გაეგზავნათ იუდეაში მყოფი ძმებისთვის.

³⁰ასეც მოიქცნენ, და გაუგზავნეს უხუცესებს ბარნაბასა და სავლეს ხელით.