Read ახალი ქართულით, Modern Georgian Bible, 1982 რომაელთა 13 Bible Online

რომაელთა 13 - ახალი ქართულით, Modern Georgian Bible, 1982 bible

რომაელთა 13

¹დაე, ყოველი სული უზენაეს ხელმწიფებას დაემორჩილოს, რადგანაც არ არსებობს ხელმწიფება თუ არა ღვთისაგან; ყოველი ხელმწიფება ღვთის მიერ დადგენილია.

²ამიტომ, ვინც ეწინააღმდეგება ხელმწიფებას, ღვთისგანჩინებას ეწინააღმდეგება; ხოლო წინააღმდგომნი თავიანთ თავზე თვითონვემოიწევენ სასჯელს.

³ვინაიდან მთავარნი კეთილის მოქმედთათვის კი არა,ბოროტმოქმედთათვის არიან საშიშნი. შენ გინდა, არ გეშინოდეს ხელმწიფებისა?კეთილი აკეთე და ნაქები იქნები მისგან.

⁴რადგანაც ის ღვთის მსახურია შენდა სასიკეთოდ. მაგრამ თუბოროტს სჩადიხარ, გეშინოდეს, ვინაიდან ტყუილად როდი არტყია ხმალი, არამედიმიტომ, რომ ღვთის მსახურია, რისხვით შურისმგებელი ბოროტმოქმედთა მიმართ.

⁵ამიტომაც გვმართებს მორჩილება, არა მარტო სასჯელის შიშით,არამედ სინიდისითაც.

⁶სწორედ იმიტომ იხდით ხარკს, რომ ღვთის მსახურნი არიან ამსაქმეზე გადაგებულნი.

⁷ამრიგად, ყველას მიაგეთ მისი კუთვნილი: ვისაც ხარკი ეგება- ხარკი, ვისაც ბაჟი - ბაჟი, საშიშარს - შიში, პატივსაცემს - პატივისცემა.

⁸არავისი არა გემართოთ რა, გარდა ურთიერთსიყვარულისა,რადგან ვისაც უყვარს მოყვასი, მან აღასრულა რჯული.

⁹ვინაიდან: „არა იმრუშო, არა კაც-ჰკლა, არა-იპარო, არაცილი სწამო, არა ინდომო“ და ყველა სხვა მცნება ამ სიტყვებშია მოქცეული:„გიყვარდეს მოყვასი შენი, ვითარცა თავი შენი“.

¹⁰სიყვარული ბოროტს არ უზამს მოყვასს; რჯულის აღსრულება სიყვარულია.

¹¹მაშ, ასე მოიქეცით, რაკიღა იცით დრო, ვინაიდან მოახლოვდა ძილისგან თქვენი გამოფხიზლების ჟამი, და ხსნა ახლა უფრო ახლოა ჩვენთან, ვიდრე მაშინ, როცა ვირწმუნეთ.

¹²ღამე მიიწურა და მოახლოვდა დღე; მაშ, განვიშოროთ ბნელის საქმენი და შევიმოსოთ ნათლის საჭურვლით.

¹³და როგორც დღისით, ღირსეულად ვიაროთ: არა ღორმუცელობით და სიმთვრალით, არა სიმრუშით და სიბილწით, არა შუღლით და შურით,

¹⁴არამედ შეიმოსეთ უფალი ქრისტე, და ხორცზე ზრუნვას ნუ აქცევთ ავხორცობად.