Read ახალი ქართულით, Modern Georgian Bible, 1982 რომაელთა 15 Bible Online

რომაელთა 15 - ახალი ქართულით, Modern Georgian Bible, 1982 bible

რომაელთა 15

¹ჩვენ კი, ძლიერნი, მოვალენი ვართ ვიტვირთოთ უძლურთა უმწეობა და არ ვეძებოთ ჩვენი სიამე.

²ყოველი ჩვენგანი უნდა ცდილობდეს აამოს მოყვასს, მისდასასიკეთოდ და ასაშენებლად.

³რადგან ქრისტეც თავის სიამოვნებას კი არ ეძებდა, არამედროგორც წერია: „შენი მაგინებლების გინება დამატყდა თავს“.

⁴ხოლო ყველაფერი, რაც უწინ დაიწერა, ჩვენს დასამოძღვრადდაიწერა, რათა მოთმინებითა და წერილისმიერი ნუგეშისცემით სასოება გვქონდეს.

⁵მოთმინებისა და ნუგეშის ცემის ღმერთმა კი, დაე,ერთსულოვნად გამყოფოთ ქრისტე იესოს მიერ.

⁶რათა ერთსულოვნად და ერთხმად ადიდებდეთ ღმერთსა და ჩვენიუფლის იესო ქრისტეს მამას.

⁷მაშ, შეიწყნარეთ ერთმანეთი, როგორც ქრისტემ შეგიწყნარათღვთის სადიდებლად.

⁸მე ვამბობ, რომ იესო ქრისტე ღვთის ჭეშმარიტებისათვისგახდა წინადაცვეთილთა მსახური, რათა აღესრულებინა მამათა აღთქმა.

⁹წარმართთა მსახური კი - წყალობისათვის, რათა ედიდებინაღმერთი, როგორც დაიწერა: „ამისთვის გაღიარებ წარმართთა შორის და ვუგალობშენს სახელს“.

¹⁰ესეც ითქვა: „ხარობდეთ, წარმართნო, მის ხალხთან ერთად“.

¹¹და კიდევ: „აქოს უფალი ყველა წარმართმა და ადიდოს იგი ყოველმა ხალხმა“.

¹²ხოლო ესაია ამბობს: „იქნება ფესვი იესესი, რომელიც აღდგება წარმართთა მთავრად და სასოებად მათდა“.

¹³სასოების ღმერთმა კი ყოველგვარი სიხარულითა და მშვიდობით აგავსოთ რწმენიმიერ, რათა სული წმიდის ძალით ულევი იმედი გქონდეთ.

¹⁴ხოლო მე, ძმანო ჩემნო, მჯერა, რომ თავადაც სავსენი ხართ სიკეთით, ყოველგვარი ცოდნით აღვსილნი და იმის შემძლენი, რომ ერთიმეორეს ასწავლოთ.

¹⁵მაგრამ, ცოტა არ იყოს, კადნიერად მოგწერეთ, ძმანო, თითქოს იმისთვის, რომ შემეხსენებინა თქვენთვის იმ მადლით, რომელიც მომეცა ღვთის მიერ,

¹⁶რათა ვყოფილიყავი იესო ქრისტეს მსახური წარმართთა შორის და ღვთის სახარების მღვდელმოღვაწე, რომ წარმართთა შენაწირი კეთილსასურველი ყოფილიყო ღვთისათვის, გაწმენდილი სული წმიდის მიერ.

¹⁷ამიტომ დიახაც შემიძლია ვიქადოდე ქრისტე იესოში ღვთის წინაშე.

¹⁸რადგანაც ვერაფერს ვიტყვი ისეთს, რაც ჩემი მეშვეობით არ ექმნას ქრისტეს, წარმართთა დასამორჩილებლად, სიტყვით თუ საქმით,

¹⁹სასწაულებისა და ნიშების ძალით, ღვთის სულის ძალმოსილებით; ასე, რომ იერუსალიმიდან და მისი შემოგარენიდან მოყოლებული ილირიკამდე გავავრცელე სახარება ქრისტესი.

²⁰თანაც ვცდილობდი არ მეხარებინა იქ, სადაც ცნობილი იყო ქრისტეს სახელი, რათა სხვის საძირკველზე არ მეშენებინა.

²¹არამედ, როგორც დაიწერა: „ვისაც არ უწყებია, ისინი იხილავენ, და ვისაც არ სმენია, ისინი შეისმენენ“.

²²სწორედ ამან მრავალგზის შემიშალა ხელი თქვენთან მოსვლაში.

²³ხოლო ახლა, რაკიღა ამ მხარეში აღარა მაქვს სამოქმედო ადგილი და დიდი ხანია მსურს თქვენთან მოსვლა,

²⁴ამიტომ, როგორც კი ესპანეთს გავემგზავრები, თქვენთანაც მოვალ, რადგანაც იმედი მაქვს, რომ გზად მიმავალი გიხილავთ და კიდეც გამაცილებთ, მას შემდეგ, რაც ერთხანს მაინც დავტკბები თქვენთან ყოფნით.

²⁵ჯერჯერობით კი იერუსალიმს მივდივარ წმიდათა სამსახურად.

²⁶ვინაიდან მაკედონიამ და აქაიამ ინებეს შემწეობა აღმოეჩინათ უპოვარ წმიდათათვის, რომელნიც არიან იერუსალიმს.

²⁷ინებეს და მართებთ კიდეც, რადგან თუ წარმართნი სულიერად მათი თანაზიარნი გახდნენ, თავიანთი მხრივ, მოვალენი არიან ხორციელად დაეხმარონ მათ.

²⁸ამას რომ მოვრჩები და ჩავაბარებ მათი გულმოდგინების ნაყოფს, თქვენც გინახულებთ, მერე კი ესპანეთს გავემგზავრები.

²⁹ვიცი, რომ თქვენთან მოსვლისას ქრისტეს სახარების სრული კურთხევით მოვალ.

³⁰თქვენ კი ჩვენი უფლის იესო ქრისტესა და სულის სიყვარულით შეგაგონებთ, ძმანო, ჩემთან ერთად იღვაწეთ ჩემთვის, როცა ღვთის მიმართ ლოცულობთ.

³¹რათა, ღვთის ნებით, სიხარულით მოვიდე და დავისვენო თქვენთან.

³²მშვიდობის ღმერთი იყოს ყველა თქვენგანთან. ამინ.