Read ახალი ქართულით, Modern Georgian Bible, 1982 რომაელთა 4 Bible Online

რომაელთა 4 - ახალი ქართულით, Modern Georgian Bible, 1982 bible

რომაელთა 4

¹რას ვიტყვით, განა აბრაამმა, ჩვენმა წინაპარმა, ხორციელად შეიძინა რამე?

²თუ აბრაამი საქმეთაგან გამართლდა, დიახაც აქვსსასიქადულო, მაგრამ არა ღვთის წინაშე.

³ვინაიდან რას ამბობს წერილი? „ერწმუნა აბრაამი ღმერთს, დაშეერაცხა მას სიმართლედ“.

⁴ხოლო მოქმედს საზღაური მადლით კი არ მიეგება, არამედვალით.

⁵იმას კი, ვინც არ არის მოქმედი, მაგრამ სწამს იგი, ვინცამართლებს უღმერთოს, სიმართლედ მისი რწმენა შეერაცხება.

⁶ასე დავითიც ნეტარს უწოდებს კაცს, რომელსაც ღმერთი,საქმეთა მიუხედავად, შეურაცხავს სიმართლეს.

⁷ნეტავი მათ, რომელთაც მიეტევათ ურჯულოებანი და დაეფარათცოდვანი.

⁸ნეტავი მას, ვისაც უფალი არ შეურაცხავს ცოდვას.

⁹მაგრამ ეს ნეტარება წინადაცვეთილობას ეკუთვნის თუწინადაუცვეთელობასაც? რადგანაც ჩვენ ვამბობთ, რომ აბრაამს სიმართლედშეერაცხა რწმენა.

¹⁰როდის შეერაცხა? წინადაცვეთილობამდე თუ წინადაცვეთის შემდეგ? არა წინადაცვეთილობაში, არამედ წინადაუცვეთელს.

¹¹და მიიღო წინადაცვეთის ნიშანი, როგორც ბეჭედი რწმენით გამართლებისა, რომელიც წინადაუცვეთელობაში ჰქონდა, რათა გამხდარიყო ყველა წინადაუცვეთელი მორწმუნის მამა, და მათაც შერაცხოდათ სიმართლედ;

¹²ისევე, როგორც მამა წინადაცვეთილებისა: არა მარტო იმათი, ვინც მიიღო წინადაცვეთა, არამედ იმათიც, რომელნიც მისდევენ ჩვენი მამის აბრაამის რწმენის კვალს, რაც ჯერ კიდევ წინადაუცვეთელობისას ჰქონდა.

¹³ვინაიდან აბრაამს და მის თესლს რჯულით როდი მიეცა აღთქმა, ყოფილიყო ქვეყნის მემკვიდრე, არამედ რწმენის სიმართლით.

¹⁴რადგან თუ მემკვიდრენი რჯულისაგან არიან, ამაოა რწმენა და ფუჭია აღთქმა.

¹⁵ვინაიდან რჯული შეიქმს რისხვას, რადგან იქ, სადაც არ არის რჯული, არც დარღვევაა.

¹⁶მაშასადამე, რწმენისაგან, რათა იყოს რწმენით და განმტკიცდეს აღთქმა მთელი მოდგმის მიმართ: არა მარტო რჯულით, არამედ რწმენითაც აბრაამისა, რომელიც არის ყოველი ჩვენგანის მამა.

¹⁷როგორც დაიწერა: „მე დაგადგინე მრავალი ხალხის მამად“ ღვთის წინაშე, რომელსაც ერწმუნა იგი, მკვდართა მაცოცხლებელსა და არმყოფთა ყოფად მხმობელს.

¹⁸უსასოო სასოებით ერწმუნა, რათა გამხდარიყო მრავალი ხალხის მამა; როგორც ითქვა: „ასე იქნება შენი მოდგმა“.

¹⁹არ შერყევია რწმენა, თუმცაღა ას წელს მიტანებული ხედავდა, რომ მისი სხეული უკვე სიკვდილად იყო მიწურვილი და კვდებოდა საშოც სარასი;

²⁰არ შემკრთალა და არც ეჭვი შეჰპარვია ღვთის აღთქმაში, არამედ განმტკიცდა რწმენით და დიდება მიაგო ღმერთს.

²¹რადგანაც გულდანდობით სწამდა, რომ ვინც აღთქმა მისცა, მასვე შეეძლო აღთქმის აღსრულებაც.

²²ამიტომაც შეერაცხა მას სიმართლედ.

²³თუმცა მარტო მისთვის როდი დაიწერა, შეერაცხაო,

²⁴არამედ ჩვენთვისაც: დიახ, ჩვენც შეგვერაცხება, რომელთაც გვწამს ის, ვინც მკვდრეთით აღადგინა უფალი ჩვენი იესო,

²⁵რომელიც გაცემულ იქნა ჩვენი ცოდვების გამო და აღდგა ჩვენს გასამართლებლად.