Read ახალი ქართულით, Modern Georgian Bible, 1982 რომაელთა 6 Bible Online

რომაელთა 6 - ახალი ქართულით, Modern Georgian Bible, 1982 bible

რომაელთა 6

¹რას ვიტყვით? დავრჩეთ ცოდვაში, რათა იმრავლოს მადლმა? არამც და არამც.

²ჩვენ, რომელნიც მოვკვდით ცოდვისათვის, როგორღა ვიცხოვროთმასში?

³ან იქნებ არ იცით, რომ ვინც მოვინათლეთ იესო ქრისტესმიერ, მის სიკვდილში მოვინათლენით?

⁴მასთან ერთადვე დავიმარხეთ სიკვდილში ნათლისღებით, რათაროგორც ქრისტე აღდგა მკვდრეთით მამის დიდებით, ჩვენც ასევე ვიარებოდეთ ახალსიცოცხლეში.

⁵რადგან თუ სიკვდილის მსგავსებით მასთან თანაშეზრდილნივართ, აღდგომითაც მავემსგავსებით,

⁶რაკიღა ვიცით, რომ ჩვენი ძველი კაცი ჯვარს ეცვა მასთანერთად, რათა გადაგებულიყო ცოდვის სჯული და აღარასოდეს დავმონებოდით ცოდვას.

⁷რადგანაც მკვდარი ცოდვისაგან თავდახსნილია.

⁸ხოლო თუ ქრისტესთან ერთად მოვკვდით, გვწამს, რომსიცოცხლითაც ერთად ვიცოცხლებთ.

⁹რადგანაც ვიცით, რომ ქრისტე, მკვდრეთით აღმდგარი, აღარაკვდება: სიკვდილი ვეღარ უფლობს მასზე.

¹⁰რადგანაც, თუ მოკვდა, ცოდვისთვის მოკვდა ერთხელ, ხოლო რაკიღა ცოცხლობს, ღმერთისთვის ცოცხლობს.

¹¹ასევე თქვენც მკვდრებად შერაცხეთ თავი ცოდვისთვის და ცოცხლებად - ღმრთისთვის ქრისტე იესოს მიერ.

¹²მაშ, ნუ იქნება ცოდვის სუფევა თქვენს მოკვდავ სხეულში, ნუ დაემორჩილებით მის ვნებებს.

¹³ნუ მისცემთ თქვენს ასოებს ცოდვას უსამართლობის საჭურვლად, არამედ, როგორც მკვდრეთით აღმდგარმა, უძღვენით თავი ღმერთს, ხოლო თქვენი ასოები საჭურვლად - ღმერთის სიმართლეს.

¹⁴ვეღარ გეუფლებათ ცოდვა, ვინაიდან რჯულის ქვეშ კი არა ხართ, არამედ მადლის ქვეშ.

¹⁵მერედა რა? ვცოდოთ, რადგან რჯულის ქვეშ კი არა ვართ, არამედ მადლის ქვეშ? არამც და არამც.

¹⁶ნუთუ არ იცით, რომ ვისაც თავს მისცემთ მორჩილებისთვის, მისი მონები ხართ, ვისაც ჰმორჩილებთ: ან ცოდვის მონები სიკვდილისათვის, ან მორჩილების მონები სიმართლისათვის.

¹⁷მადლობა ღმერთს, რომ ოდესღაც ცოდვის მონები, გულით დაემორჩილეთ იმ მოძღვრებას, რომელსაც უძღვენით თავი.

¹⁸ხოლო ცოდვისგან თავდახსნილნი სიმართლეს დაემონეთ.

¹⁹თქვენი ხორცის უძლურების გამო ისე ვმსჯელობ, როგორც მსჯელობენ კაცნი: მსგავსად იმისა, როგორც ურჯულოებისათვის დაუმონეთ თქვენი ასოები უწმინდურებას და ურჯულოებას, ახლა სიწმიდისათვის დაუმონეთ ისინი სიმართლეს.

²⁰ვინაიდან, როცა ცოდვის მონები იყავით, თავისუფალნი იყავით სიმართლისაგან.

²¹კი მაგრამ, რა იყო მაშინ თქვენი ნაყოფი? ის, რისიც ამჟამად გრცხვენიათ, ვინაიდან სიკვდილია მისი დასასრული.

²²ხოლო ამჟამად, როცა ცოდვისაგან გათავისუფლდით და ღმერთს დაემონეთ, სიწმიდეა თქვენი ნაყოფი, დასასრული კი - საუკუნო სიცოცხლე.

²³ვინაიდან ცოდვის საზღაური არის სიკვდილი, ხოლო ღვთის მადლი - საუკუნო სიცოცხლე, ჩვენი უფლის იესო ქრისტეს მიერ.