Read ახალი ქართულით, Modern Georgian Bible, 1982 რომაელთა 7 Bible Online

რომაელთა 7 - ახალი ქართულით, Modern Georgian Bible, 1982 bible

რომაელთა 7

¹ან იქნებ არ იცით, ძმებო, - რაკიღა რჯულის მცოდნეთ მივმართავ, - რომ ვიდრე კაცი ცოცხალია, სიკვდილი მბრძანებლობს მასზე.

²რადგანაც გათხოვილი ქალი ქმრის სიცოცხლეში რჯულითააშეკრული მასთან, ხოლო თუ ქმარი მოუკვდა, განთავისუფლებულია ცოლ-ქმრობისრჯულისაგან.

³ამიტომაც, თუ ქმრის სიცოცხლეში სხვას გაჰყვა, მეძავადიწოდება, ხოლო თუ ქმარი მოუკვდა, განთავისუფლებულია რჯულის მიერ, და სხვასრომ გაჰყვეს, აღარ იწოდება მეძავად.

⁴თქვენც, ძმანო ჩემნო, ასევე მოკვდით რჯულისათვის ქრისტესსხეულის მეოხებით, რათა ეკუთვნოდეთ სხვას, მკვდრეთით აღმდგარს, და,ამრიგად, ნაყოფი მოგვქონდეს ღვთისათვის.

⁵ვინაიდან, სანამ ხორციელად ვცოცხლობდით, რჯულის მიერგამჟღავნებული ცოდვის ვნებები მოქმედებენ ჩვენს ასოებში, რათა გამოგვეღოსიკვდილის ნაყოფი.

⁶ახლა კი, რჯულისთვის მკვდარნი, რომლითაც შეკრულნივიყავით, გავთავისუფლდით მისგან, რათა ვმონებდეთ ღმერთს სულის სიახლით დაარა ასოს სიძველით.

⁷მერედა, რას ვიტყვით? ნუთუ რჯული ცოდვაა? არამც და არამც,მაგრამ მე მხოლოდ რჯულით შევიცან ცოდვა, და სურვილსაც ვერ შევიცნობდი,რჯულს რომ არ ეთქვა: ნუ გსურს.

⁸მაგრამ ცოდვამ მცნებისგან მიიღო საბაბი და ჩამინერგაყველა სურვილი; რადგანაც რჯულის გარეშე ცოდვა მკვდარია.

⁹ხოლო მე ოდესღაც რჯულის გარეშე ვცხოვრობდი, და როცამოიწია მცნება, ცოდვა გაცოცხლდა.

¹⁰მე კი მოვკვდი და, ამრიგად, სასიცოცხლოდ მოცემული მცნება სასიკვდილოდ მექცა.

¹¹რადგანაც ცოდვამ, მცნებისგან რომ მიიღო საბაბი, მაცდუნა და მის მიერ მომკლა.

¹²ასე რომ, რჯული წმიდაა და მცნებაც წმიდაა, მართალი და კეთილი.

¹³ნუთუ სიკეთე სიკვდილად მექცა? არამც და არამც. არამედ ცოდვამ, იმისათვის, რომ ცოდვად ჩანდეს, სიკეთის მეშვეობით მომაგო სიკვდილი, რათა უცოდვილესად წარმოჩენილიყო მცნების წყალობით.

¹⁴რადგანაც ვიცით, რომ რჯული სულიერია, მე კი ხორციელი ვარ და ცოდვას მიყიდული.

¹⁵ვინაიდან არ მესმის რას ვაკეთებ: იმიტომ, რომ იმას კი არ ვაკეთებ, რაც მსურს, არამედ იმას, რაც მძულს.

¹⁶ხოლო თუ იმას ვაკეთებ რაც არა მსურს, მაშასადამე, ვაღიარებ, რომ რჯული კეთილია.

¹⁷ასე რომ, მე კი არ ვაკეთებ ამას, არამედ ცოდვა, რომელიც მკვიდრობს ჩემში.

¹⁸რადგანაც ვიცი, რომ ჩემში, ესე იგი, ჩემს სხეულში არ არის კეთილი; არის ჩემში სიკეთის ნდომა, მაგრამ როგორ აღვასრულო სიკეთე, ამას კი ვეღარ ვპოულობ ჩემში.

¹⁹ვინაიდან კეთილს კი არ ვაკეთებ, რომელიც მსურს, არამედ ბოროტს, რომელიც არ მსურს.

²⁰ხოლო თუ იმას ვაკეთებ, რაც არა მსურს, მე კი არ ვაკეთებ მას, არამედ ცოდვა, რომელიც მკვიდრობს ჩემში.

²¹და ვპოულობ ამ რჯულს კეთილის ქმნა მსურს, მაგრამ ბოროტი კი მიდევს გვერდით.

²²ვინაიდან, როგორც შინაგანი კაცი, ღვთის რჯულით ვტკბები.

²³მაგრამ ჩემს ასოებში სხვა რჯულსა ვხედავ, რომელიც ეურჩება ჩემი გონების რჯულს, და ცოდვის იმ რჯულის ტყვედ მაქცევს, რომელიც არის ჩემს ასოებში.

²⁴ვაიმე, ბედკრულს! ვინ დამიხსნის სიკვდილის ამ სხეულისაგან?

²⁵ვმადლობ ღმერთს, ჩვენი უფლის იესო ქრისტეს მიერ. ამრიგად, მე, ერთი და იგივე კაცი, გონებით ღვთის რჯულს ვემონები, ხორცით კი - ცოდვის რჯულს.