Read ახალი ქართულით, Modern Georgian Bible, 1982 1 კორინთელთა 1 Bible Online

1 კორინთელთა 1 - ახალი ქართულით, Modern Georgian Bible, 1982 bible

1 კორინთელთა 1

¹პავლე, ღვთის ნებით ხმობილი მოციქული იესო ქრისტესი, და სოსთენე, ძმა, -

²ღვთის ეკლესიას, რომელიც არის კორინთოში, ქრისტე იესოსმიერ გაწმენდილთ და ხმობილ წმიდათ, ყველასთან ერთად, ვინც ყველგან, მათთანთუ ჩვენთან, მოუხმობს ჩვენი უფლის იესო ქრისტეს სახელს:

³მადლი თქვენდა და მშვიდობა ჩვენი მამა ღმერთისა და უფალიესო ქრისტეს მიერ.

⁴მარადჟამ ვმადლობ ღმერთს თქვენს გამო ღვთის მადლისათვის,ქრისტე იესოში რომ მოგეცათ.

⁵რადგანაც ყოვლითურთ გამდიდრდით მასში, ყოველგვარი სიტყვითდა ცოდნით.

⁶ვინაიდან ქრისტეს მოწმობა განმტკიცდა თქვენში.

⁷ასე რომ, არ გაკლიათ არავითარი ნიჭი, და მოელით ჩვენიუფლის იესო ქრისტეს გამოცხადებას,

⁸ვინც განგამტკიცებთ ბოლომდე, რათა უმწიკვლონი იყოთ ჩვენიუფლის იესო ქრისტეს დღეს.

⁹სარწმუნოა ღმერთი, რომელმაც გიხმოთ, რათა ეზიაროთ მისძეს, ჩვენს უფალს იესო ქრისტეს.

¹⁰მაგრამ შეგაგონებთ, ძმანო, ჩვენი უფლის იესო ქრისტეს სახელით, რომ ყველას ერთი გქონდეთ სათქმელი და ნუ იქნება თქვენს შორის განხეთქილება, არამედ გაერთიანდით ერთი გონებით და ერთი აზრით.

¹¹რადგანაც ქლოეს სახლეულთაგან მეუწყა, ძმანო ჩემნო, რომ დავა ყოფილა თქვენს შორის.

¹²იმას ვგულისხმობ, რომ ყოველი თქვენგანი ამბობს: მე პავლესი ვარ, მე აპოლოსისა, მე კეფასი, მე კი ქრისტესიო.

¹³ნუთუ გაიყო ქრისტე? ან იქნებ პავლე ეცვა ჯვარს თქვენი გულისთვის? ანდა ნათელი იღეთ პავლეს სახელით?

¹⁴მადლობას ვწირავ ღმერთს, რომ არცერთი თქვენგანი არ მომინათლავს, გარდა კრისპუსისა და გაიუსისა.

¹⁵რათა ვერავინ თქვას, რომ ჩემი სახელით მოვნათლე.

¹⁶მოვნათლე აგრეთვე სტეფანას სახლი; არ ვიცი, მათ გარდა თუ მოვნათლე ვინმე.

¹⁷რადგანაც ქრისტეს ნათლის ცემად კი არ მოვუვლენივარ, არამედ სახარებლად, მაგრამ არა სიბრძნის სიტყვით, რათა არ გაუქმდეს ქრისტეს ჯვარი.

¹⁸ვინაიდან ჯვრის სიტყვა სიშლეგეა წარწყმედილთათვის, ხოლო ჩვენებრ ხსნილთათვის ძალაა ღვთისა.

¹⁹რადგანაც დაწერილია: „შევმუსრავ ბრძენთა სიბრძნეს და გონიერთა გონიერებას უკუვაგდებ“.

²⁰სად არის ბრძენი? სად არის მწიგნობარი? ან ამ საუკუნის მაძიებელი? განა სიშლეგედ არ აქცია ღმერთმა სიბრძნე ამქვეყნიური?

²¹რადგან ღვთის სიბრძნეში რომ ვერ შეიცნო ღმერთი ქვეყანამ თავისი სიბრძნით, ღმერთმა ინება ქადაგების სიშლეგით ეხსნა მორწმუნენი.

²²ვინაიდან იუდეველებიც სასწაულებს მოითხოვენ და ბერძნები ეძებენ სიბრძნეს.

²³ჩვენ კი ჯვარცმულ ქრისტეს ვქადაგებთ: იუდეველთათვის - საცდურს, ბერძენთათვის - სიშლეგეს,

²⁴ხოლო იმავე იუდეველთა და ბერძენთათვის, რომელნიც არიან ხმობილნი, - ქრისტეს, ღვთის ძალას და სიბრძნეს.

²⁵რადგანაც სიშლეგე ღვთისა კაცთა სიბრძნეზე უფრო ბრძნულია, და უძლურება ღვთისა - კაცთა ძლიერებაზე უფრო ძლიერი.

²⁶დაუკვირდით, ძმანო, ვინა ხართ ხმობილნი: ცოტაა თქვენს შორის ხორციელად ბრძენი, ცოტაა ძლიერი, ცოტაა წარჩინებული.

²⁷მაგრამ ღმერთმა გამოარჩია შლეგნი ამა ქვეყნისანი, რათა არცხვინოს ბრძენნი, და უძლურნი ამა ქვეყნისანი, რათა არცხვინოს ძლიერნი.

²⁸უგვარონი ამა ქვეყნისა, უბადრუკნი და არარსნი გამოარჩია ღმერთმა, რათა არად აქციოს არსნი,

²⁹და, ამრიგად, არცერთი ხორციელი არ იქადოდეს ღვთის წინაშე.

³⁰მისგან ხართ ქრისტე იესოში, რომელიც იქცა ჩვენთვის ღვთისმიერ სიბრძნედ, სიმართლედ, განწმენდად და გამოსყიდვად.

³¹რათა, წერილისა არ იყოს: „ვინც იქადის, უფლით დაიქადოს“.