Read ახალი ქართულით, Modern Georgian Bible, 1982 1 კორინთელთა 11 Bible Online

1 კორინთელთა 11 - ახალი ქართულით, Modern Georgian Bible, 1982 bible

1 კორინთელთა 11

¹მე მომბაძეთ, როგორც მე ვბაძავ ქრისტეს.

²იმისთვის გაქებთ, ძმანო, რომ ჩემი ყველაფერი გახსოვთ და,როგორც გადმოგეცით, ისე ინახავთ გადმოცემას.

³ისიც მინდა გაუწყოთ, რომ ყოველი კაცის თავი ქრისტეა,ქალის თავი - კაცი, ხოლო ქრისტეს თავი - ღმერთი.

⁴ყოველი კაცი, რომელიც თავდაბურული ლოცულობს ანწინასწარმეტყველებს, თავს ირცხვენს.

⁵და ყოველი ქალი, რომელიც თავდაუბურავი ლოცულობს ანწინასწარმეტყველებს, თავს ირცხვენს, რადგანაც ეს იგივეა, რომთავგადაპარსული იყოს.

⁶ხოლო თუ ქალი თავს არ იბურავს, თმა შეიკვეცოს; მაგრამ თუქალს თმის შეკვეცა ან გაპარსვა ერცხვინება, თავი დაიბუროს.

⁷ამრიგად, კაცი თავდაუბურავი უნდა იყოს, ვინაიდან ხატია დადიდება ღვთისა, ხოლო ქალი ქმრის დიდებაა.

⁸რადგანაც კაცი კი არ არის ქალისაგან, არამედ ქალი -კაცისაგან.

⁹და კაცი კი არ შეიქმნა ქალისთვის, არამედ ქალი -კაცისთვის.

¹⁰ამიტომაც მართებს ქალს ფლობის ნიშანი ჰქონდეს თავზე ანგელოზების გულისთვის.

¹¹თუმცა არც კაცია ქალის გარეშე და არც ქალი კაცის გარეშე უფალში.

¹²ვინაიდან როგორც ქალია კაცისგან, ასევეა კაციც ქალისგან, ხოლო ყველაფერი ღვთისაგან არის.

¹³თავად განსაჯეთ, განა შეშვენის ქალს, თავდაუბურავად ლოცულობდეს ღვთის წინაშე?

¹⁴განა თვით ბუნება არ გასწავლით, რომ თუ კაცი გრძლად უშვებს თმას, ეს საძრახისია მისთვის?

¹⁵ხოლო თუ ქალი უშვებს დიდებაა მისთვის, რადგანაც თმა საბურავად მიეცა.

¹⁶მაგრამ თუ ვინმე დავას აპირებს, ეს არც ჩვენ გვჩვევია და არც ეკლესიებს ღვთისას.

¹⁷ამას საქებრად როდი გამცნობთ, რადგანაც უარესისთვის იკრიბებით და არა უკეთესისთვის.

¹⁸ვინაიდან, ჯერ ერთი, მესმის, რომ როდესაც ეკლესიაში იკრიბებით, თქვენს შორის განხეთქილება ხდება, რაც ნაწილობრივ მჯერა კიდეც.

¹⁹ვინაიდან თქვენში განხეთქილებაც საჭიროა, რათა გამოცდილნი გამოჩნდნენ თქვენს შორის.

²⁰ეგეც არ იყოს, როცა იკრიბებით, უფლის სერობისთვის როდი იკრიბებით.

²¹რადგანაც ყველა ცდილობს სხვაზე უმალ შეჭამოს თავისი წილი, ასე რომ, ზოგი ჯერ კიდევ მშიერია, ზოგი კი უკვე მთვრალი.

²²ნუთუ სახლები არა გაქვთ, რომ შინ სვათ და ჭამოთ? თუ უგულებელყოფთ ღვთის ეკლესიას და არცხვენთ უპოვართ? რა გითხრათ ამისთვის? გაქოთ? ვერა, ვერ გაქებთ.

²³რადგან მე უფლისაგან მივიღე ის, რაც გადმოგეცით: რომ უფალმა იესომ თავისი გაცემის ღამეს აიღო პური,

²⁴მადლი შესწირა, გატეხა და თქვა: მიიღეთ და ჭამეთ; ეს არის ჩემი სხეული, თქვენთვის დამტვრეული; ეს ჰყავით ჩემს მოსახსენებლად,

²⁵ასევე სერობის შემდეგაც აიღო სასმისი და თქვა: ეს სასმისი არის ახალი აღთქმა ჩემს სისხლში; ეს ჰყავით ყოველთვის, როცა სვამთ ჩემს მოსახსენებლად.

²⁶ვინაიდან ყოველთვის, როცა ამ პურს ჭამთ და ამ სასმისს სვამთ, უფლის სიკვდილს იუწყებით მისსავ მოსვლამდე.

²⁷ამიტომ ვინც ამ პურს შეჭამს ან უფლის სასმისს შესვამს უღირსად, დამნაშავე იქნება უფლის სხეულისა და სისხლის წინაშე.

²⁸მაშ, გამოსცადოს კაცმა თავისი თავი და ისე ჭამოს ამ პურიდან და ამ სასმისისგან სვას.

²⁹რადგან ვინც უღირსად ჭამს და სვამს, თავისსავე განკითხვას ჭამს და სვამს, რაკიღა ვერ არჩევს უფლის სხეულს.

³⁰ამიტომ თქვენს შორის ბევრია უძლური, ბევრი - სნეული, და ბევრიც კვდება.

³¹რადგანაც ჩვენს თავს რომ განვიკითხავდეთ, აღარ ვიქნებოდით განკითხულნი.

³²განკითხულნი კი უფლის მიერ განვისწავლებით, რათა ქვეყანასთან ერთად არ განვისაჯოთ.

³³ასე რომ, ძმანო, როცა სერობად შეიკრიბებით, ერთმანეთს დაელოდეთ.

³⁴ხოლო თუ ვინმეს შია, შინ ჭამოს, რათა განსაკითხავად არ შეიკრიბოთ. დანარჩენს კი, როცა მოვალ, მაშინ მოვაგვარებ.