Read ახალი ქართულით, Modern Georgian Bible, 1982 1 კორინთელთა 4 Bible Online

1 კორინთელთა 4 - ახალი ქართულით, Modern Georgian Bible, 1982 bible

1 კორინთელთა 4

¹ამრიგად, ჩვენ უნდა შეგვრაცხოს კაცმა, როგორც ქრისტეს მსახურნი და ღვთის საიდუმლოთა მნენი.

²მნეთაგან კი იმას მოითხოვენ, რომ თვითეული მათგანი სანდოიყოს.

³პირადად ჩემთვის სულერთია, თქვენ განმსჯით თუ კაცთამსჯავრნი. მე თვითონაც არ განვსჯი ჩემს თავს.

⁴რადგანაც არაფერი მაქვს სინიდისის საქენჯნი, მაგრამ ამითროდი ვიმართლებ თავს, რადგანაც უფალია ჩემი განმკითხველი.

⁵ამიტომ ნუ განსჯით უდროოდ, ვიდრე არ მოვა უფალი, ნათელსრომ მოჰფენს ბნელში დაფარულს და გაამჟღავნებს გულის ზრახვებს; მაშინთვითეულს მიეგება ქება ღვთის მიერ.

⁶ხოლო ეს ჩემზე და აპოლოსზე მოგახსენეთ, ძმანო, რათანიმუშად გვიგულოთ და ისწავლოთ ჩვენგან, რომ ზღვარს არ გადასცდეთ დაქედმაღლობით აღძრულნი ერთმანეთს არ აეშალოთ.

⁷რადგანაც ვინ განგასხვავებს? რა გაქვს ისეთი, რაც არმიგიღია? ხოლო თუ მიიღე, რაღას იქადი, თითქოს არ მიგეღოს?

⁸აწ უკვე გამძღარხართ, გამდიდრებულხართ და უჩვენოდ სუფევთ.ნეტა მართლა გქონდეთ სუფევა, რომ ჩვენც თქვენთან ერთად ვსუფევდეთ.

⁹რადგანაც ვფიქრობ, რომ ჩვენ, მოციქულნი, ღმერთმა სულბოლოს გამოგვიყვანა, როგორც სიკვდილმისჯილნი, ქვეყნიერების, ანგელოზთა დაკაცთა სასეიროდ.

¹⁰ჩვენ - შლეგნი ქრისტეს გულისთვის, ხოლო თქვენ - ბრძენნი ქრისტეში; ჩვენ - უძლურნი, თქვენ კი - ძლიერნი; თქვენ - დიდებულნი, ჩვენ კი - გინებულნი,

¹¹თვით დღემდე რომ ვითმენთ შიმშილს და წყურვილს, სიშიშვლეს, გვემასა და მიუსაფრობას.

¹²ვწვალობთ და საკუთარი ხელით ვმუშაობთ; გვაგინებენ და ვლოცავთ; გვდევნიან და ვითმენთ.

¹³გვაყივნებენ და ვანუგეშებთ; თითქოს ნაგავი ვართ ქვეყნისა, ყველას მიერ ნაქელი მტვერი.

¹⁴თქვენდა სარცხვენად როდი გწერთ ამას, არამედ როგორც ჩემი საყვარელი შვილების შესაგონებლად.

¹⁵შეიძლება მრავალი მზრდელი გყავდეთ ქრისტეში, მაგრამ არა მრავალი მამა; რადგანაც ქრისტე იესოში სახარებით მე გშობეთ თქვენ.

¹⁶ამიტომაც შეგაგონებთ, რომ მე მომბაძოთ.

¹⁷სწორედ ამიტომ გამოგიგზავნეთ ტიმოთე, ჩემი საყვარელი და სარწმუნო შვილი უფალში, რათა გაგახსენოთ ჩემი გზები ქრისტე იესოს მიერ, თუ როგორ ვასწავლი ყველგან, ყველა ეკლესიაში.

¹⁸ზოგიერთს ისე გაუვიდა თავს, თითქოს არც ვაპირებდე თქვენთან მოსვლას.

¹⁹მაგრამ, თუ ღმერთმა ინება, მალე მოვალ და გამოვცდი თავგასულთა სიტყვას კი არა, არამედ ძალას.

²⁰რადგანაც ღვთის სასუფეველი სიტყვით კი არ არის, არამედ ძალით.

²¹რა გსურთ? კვერთხით მოვიდე თქვენთან თუ სიყვარულითა და თვინიერების სულით?