Read ახალი ქართულით, Modern Georgian Bible, 1982 2 კორინთელთა 10 Bible Online

2 კორინთელთა 10 - ახალი ქართულით, Modern Georgian Bible, 1982 bible

2 კორინთელთა 10

¹ხოლო მე, პავლე, თქვენს შორის პირისპირ ყოფნისას - მდაბალი, შორიდან კი - თქვენს მიმართ თამამი, ქრისტეს თვინიერებითა და სიკეთით შეგაგონებთ და გევედრებით:

²ნუ მაიძულებთ, რომ თქვენთან მოსვლისას მივმართო იმსიმკაცრეს, რითაც ვაპირებ ჭკუა ვასწავლო ზოგიერთ თქვენგანს, ხორციელადმოარულნი რომ ვგონივართ ჩვენ.

³ვინაიდან ხორციელადაც რომ ვიარებოდეთ, ხორციელადვე როდივიბრძვით.

⁴რადგანაც ჩვენი საომარი საჭურველი ხორციელი კი არ არის,არამედ ღვთის მიერ ძლევით მოსილი ყოველგვარი სიმაგრის შესამუსრავად.

⁵მისი წყალობით ვამხობთ ყოველგვარ ზრახვას და,ქედმაღლობას, ღვთის შემეცნების წინააღმდეგ აღძრულს, და მისითვე ვატყვევებთყოეელგვარ აზრსაც, რათა დაემორჩილოს ქრისტეს.

⁶ასე რომ, მზადა ვართ შური ვიძიოთ ყოველგვარ ურჩობაზე,როცა აღსრულდება თქვენი მორჩილება.

⁷დაუკვირდით, რაც თვალწინ გიძევთ. ვისაც ჰგონია, ქრისტესივარო, თავად განსაჯოს ისიც, რომ როგორც თვითონ არის ქრისტესი, ასევე ჩვენცქრისტესნი ვართ.

⁸რადგანაც მე რომ უფრო მეტად ვიქადოდე ჩვენი ხელმწიფებით,თქვენს დასაქცევად კი არა, ასაშენებლად რომ მოგვცა ღმერთმა, განაშერცხვენილი არ დავრჩებოდი?

⁹მაგრამ ნუ გგონიათ, თითქოს წერილებით გაშინებდეთ.

¹⁰შეიძლება ზოგიერთმა თქვას: მისი წერილი დიახაც მკაცრია და მძლავრი, მაგრამ თვითონ, პირისპირ, უძლურია, სიტყვა კი - უფასურიო.

¹¹ამნაირებმა იცოდნენ, რომ, როგორიცა ვართ შორიდან - წერილის სიტყვით, ისეთივე ვართ პირისპირ - საქმით.

¹²რადგანაც ვერ ვბედავთ თავი მივაკუთვნოთ ან შევადაროთ მათ, დიდ ვინმედ რომ მოაქვთ თავი: ეს უგუნურნი თავიანთი თავით ზომავენ საკუთარ თავს და თავიანთ თავსვე ედრებიან.

¹³ხოლო ჩვენ უსაზომოდ კი არ მოვყვებით ქადილს, არამედ იმ ზომით, რომელიც ღმერთმა გვიწილადა, რათა მოგვეღწია თქვენამდის.

¹⁴ამიტომაც არ გადავალთ ზღვარს, რათა თქვენამდე მოვაღწიოთ, რაკიღა თქვენც მოგწვდით ქრისტეს სახარებით.

¹⁵არც უსაზომოდ ვიქადით და არც სხვისი შრომით, არამედ იმედი გვაქვს, რომ, თქვენი რწმენის ზრდისამებრ, უხვად ვამრავლებთ ჩვენს წილხვედრს თქვენში.

¹⁶ასე რომ, თქვენს მიღმაც ვიქადაგებთ სახარებას და არ მოვყვებით ქადილს იმით, რაც გამზადებული დაგვხვდება სხვისი ღვაწლის წყალობით.

¹⁷ვინც იქადის, უფლით იქადოდეს.

¹⁸რადგანაც ღირსეული ის კი არ არის, ვინც თავს იქებს, არამედ ვისაც აქებს უფალი.