Read ახალი ქართულით, Modern Georgian Bible, 1982 2 კორინთელთა 13 Bible Online

2 კორინთელთა 13 - ახალი ქართულით, Modern Georgian Bible, 1982 bible

2 კორინთელთა 13

¹ეს უკვე მესამედ მოვდივარ თქვენთან. ორი თუ სამი მოწმის პირით დამტკიცდება ყოველი სიტყვა.

²ადრეც, ჩემი მეორედ მანდ ყოფნის ჟამსაც, მითქვამს დაახლაც შორიდან ვეუბნები ყველას, ვინც უწინ სცოდა და სხვებსაც, რომ არავისდავინდობ, როცა კვლავ მოვალ.

³რაკიღა იმის დასტურს ეძებთ, მეტყველებს თუ არა ჩემში იესოქრისტე, რომელიც უძლური როდია თქვენს მიმართ, არამედ ძლიერი - თქვენსშორის.

⁴რადგანაც თუ უძლურებით ეცვა ჯვარს, ცოცხალია ღვთის ძალით;და ჩვენც უძლურნი ვართ მასში, მაგრამ ღვთის ძალით მასთან ერთად ვიცოცხლებთთქვენთვის.

⁵მაშ, გამოსცადეთ თქვენი თავი, მკვიდრობთ თუ არა რწმენაში;შეამოწმეთ თქვენივე თავი; ნუთუ არ იცით, რომ თქვენშია იესო ქრისტე? თუ არადა, გამოცდისთვის ვერ გაგიძლიათ.

⁶მაგრამ იმედი მაქვს, ის მაინც იცით, რომ ჩვენ არა ვართგამოუცდელნი.

⁷ღმერთს ვევედრები, რომ არ ჩაიდინოთ რამე ბოროტი, იმიტომკი არა, რომ ჩვენი გამოცდილება გიჩვენოთ, არამედ იმიტომ, რომ სიკეთესმისდევდეთ, ჩვენ კი თუნდაც გამოუცდელნი ვიყოთ.

⁸ჩვენ არაფერი შეგვიძლია ჭეშმარიტების წინააღმდეგ; თუ რამშეგვიძლია, ჭეშმარიტებისათვის შეგვიძლია მხოლოდ.

⁹რადგანაც ვხარობთ, როცა ჩვენ უძლურნი ვართ, თქვენ კი -ძლიერნი, და ამიტომაც თქვენი სრულყოფისთვის ვლოცულობთ.

¹⁰შორიდანაც მიტომ გწერთ ამას, რომ მანდ მოსვლისას მთელი სიმკაცრით არ მოვიქცე, თანახმად იმ ხელმწიფებისა, რომელიც დასაქცევად კი არა, ასაშენებლად მომცა უფალმა.

¹¹სხვა მხრივ კი, გიხაროდეთ, ძმანო, განმტკიცდით, ნუგეშისცემა და ერთსულოვნება ნუ მოგეშალოთ, მშვიდობა გქონდეთ და თქვენთან იქნება სიყვარულისა და მშვიდობის ღმერთი.

¹²მოიკითხეთ ერთმანეთი წმიდა ამბორით. მოკითხვას გითვლით ყველა წმიდა.

¹³მადლი ჩვენი უფლის იესო ქრისტესი, სიყვარული ღვთისა და ზიარება სული წმიდისა ყველა თქვენგანთან. ამინ.